火箭吊個身有D白色一撻撻
條火箭吊買左成個月有多, 一直在4L水缸仔打氣q住. 每日100% 換新水(開鹽有對溫).返黎2-3日已開口食粒糧, 到現時為止都好搶口. 但覺得佢一直係有D唔正常所以一直未落主缸,1. 同出面D火箭吊比, 好似較淺色同個鰓偏紅, 無留意到有擦身/擦鰓, 係有時有D神經質, 會chok 一chok鰭.2. 魚身有D細細撻白色, 唔係突出來的, 有D難影, 希望睇張相見到.3. 每晚換完水都有D一絲絲既白色野分泌出黎, 背鰭比較明顯, 跟住過一陣甩哂就無, 第二晚換完水又會有.4. 有浸過4日OJI (初期治療分量); 依家轉左用USA殺菌水浸左3日, 好似少左D一絲絲白色野.
有無師兄有過類似經驗或者有無其他建議? 我都唔想亂試藥的.因之前試過無Q魚反左缸, 所以想等佢正正常常先落主缸. 但佢依家咁樣我直係唔知應該點好.
頁:
[1]