momomomo 發表於 2021-4-19 11:54:34

換新缸後魚收口

前題:上星期日換魚缸, 24”開放缸轉32”側濾, 用返一半舊水加濾桶所有舊環, 側濾再加一半新濾材, 用新skimmer.新缸新器材用淡水行左1日, 100%抽水, 再用粗鹽開水行左1日. 100%抽水後, 就進行移缸工序.
缸內所有生物用大膠箱打氣養住, 抽起大部分舊缸水, 移走舊缸放新缸上櫃.缸內舊石用舊水洗一洗放回新缸, 加返舊水再補大約3分1新水. 駁返舊濾桶同水冷, 再放生物入缸. 觀察左2-3個鐘, 水有D濛, 兩條公子同火箭吊呆滯, 兩條火鳥死魚眼, 即刻拎返去膠箱開新水養.新缸仲有條丹麥吊同巴士, 有周圍游就諗住無咩.第二朝, 巴士呆滯, 丹麥吊橫瞓左 (凌晨有望過仲係打直游), 即刻拎去膠箱打大氣搶救.度水, NO2=0; NH3~5, 我都知衰, 以為用舊水舊環會無事, 但掉左D舊棉….點知新缸都係唔放得魚住. 用膠箱打氣, 每日100%換水, 兩條公子, 火箭吊同兩條火鳥第二日正常返, 開口食野; 巴士再過多2日都開返口, 一星期後落返主缸, 暫時正常大食. 至於條丹麥吊, 頭一日一直都橫瞓同呼吸薄弱打定輸數, 期間有起身跌跌撞撞游, 諗住係迴光返照好快返大海.
見佢挨左半日, 中間浸過幾個鐘黃粉, 到夜晚都無改善就由佢. 第二朝抱住送返大海既心情去睇佢, 點知竟然打返直喺度游水!!!!雖然呆呆滯滯, 但已經好感恩佢無放棄.{:6_150:} 問題黎喇:過左8日, 仲係呆呆地會游下但未開口, 無表面症狀, 琴晚便便有D淺紅色塊狀物, 肚無明顯脹大, 中間有浸過黃粉兩日無好轉, 依家浸左一日AZOO驅蟲藥.
想問各位師兄我仲可以做D咩, 養左一年有多, 好想救返佢!!{:6_135:}


補充內容 (2021-4-20 10:17):
補充一下:
琴晚見佢明明成星期無食野但肚好似有D脹, 捉左出黎輕輕按下, 之後放返入缸見佢會啄下個兜, 放左幾粒糧落去, 呆下呆下咁食左!! 今朝都有食, 終於開返口!!!

ice28720 發表於 2021-4-19 12:23:36

本帖最後由 ice28720 於 2021-4-19 12:24 編輯

你不應該用驅蟲藥,請轉返用正常水養住先,睇返一至二天有冇好轉,如果冇好轉的話請用 Seachem ParaGuard 浸返四至五日看看有冇好D ?

momomomo 發表於 2021-4-19 12:30:28

ice28720 發表於 2021-4-19 12:23 static/image/common/back.gif
你不應該用驅蟲藥,請轉返用正常水養住先,睇返一至二天有冇好轉,如果冇好轉的話請用 Seachem ParaGuard 浸 ...

收到!
因為見佢用左一星期正常水養都無改善, 驚佢係腸胃有事, 心急所以浸AZOO{:6_161:}

Galaxy 發表於 2021-4-19 13:21:02

我舊缸換新缸都冇你咁麻煩,而且魚亦無事,最重要係新缸完成後車幾支蜂皇槳。

momomomo 發表於 2021-4-19 13:34:48

Galaxy 發表於 2021-4-19 13:21 static/image/common/back.gif
我舊缸換新缸都冇你咁麻煩,而且魚亦無事,最重要係新缸完成後車幾支蜂皇槳。

換缸前我都無諗過會咁{:6_135:}
懷疑係轉缸時整死左濾桶入面d環,我又衰心急即日放魚入新缸{:7_237:}
反而d蝦最粗生,一入新缸就周圍走,食得痾得

momomomo 發表於 2021-4-19 17:59:46

更新:
暫時無浸藥,留意到佢會無啦啦向前衝一下,同背鰭會chok chok下,對食物無反應
到係係中毒後遺症,定身體免疫力弱左所以引發其他感染/寄生蟲{:7_237:}

QQtank 發表於 2021-4-19 20:25:37

本帖最後由 QQtank 於 2021-4-19 20:28 編輯

我都遇過由11吋方缸轉14吋方缸,出現類似樓主嘅問題,我自己事後認為唔應該一次過把大缸加滿水,應該只用舊水養住先,再慢慢加生物石或生物環,然後再慢慢加水,這樣半養水狀態,越慢越好,最多開頭個缸只得一半水,但只係外觀無咁好睇,但對水質變化無咁大,如果我再換大D概缸,我會嘗試咁做

momomomo 發表於 2021-4-20 09:55:49

QQtank 發表於 2021-4-19 20:25 static/image/common/back.gif
我都遇過由11吋方缸轉14吋方缸,出現類似樓主嘅問題,我自己事後認為唔應該一次過把大缸加滿水,應該 ...

下次轉缸真係唔敢再心急.
師兄, 14"缸好快就想再擴缸{:6_141:}
頁: [1]
查看完整版本: 換新缸後魚收口