新手開缸問題
大家好, 新手想開個海水缸, 暫時有以下器材, 可否告知是否足夠?爬文話新手建議先養魚FOT, 但有師兄話我呢個缸唔適合做FOT 缸, 是否養些入門珊瑚做RT會比較好?缸: 60 x 40 x 40cm 背濾(二手)
燈(二手) RED STAR化氮(二手) 上水泵 (二手)
打算淘寶買捷寶造浪, 光學鹽度計, 魚缸風扇
請問仲有沒有其他器材要先買好? 謝謝
最好有埋水冷 wa1228wa 發表於 2021-7-8 15:59 static/image/common/back.gif
最好有埋水冷
你好, 主要因為見到水冷機唔平, 又怕自己養唔掂, 如果暫時無水冷機是否淨養魚會比較好?
買2手水冷，其實天氣比以前熱左好多 器材其次, 你反而睇下水質先, Rㄒ水質要求高好多喎 工欲善其事，必先利其器 wa1228wa 發表於 2021-7-8 16:30 static/image/common/back.gif
買2手水冷，其實天氣比以前熱左好多
你好，請問我呢個缸大概70升水，要買幾大嘅水冷，同埋係咪要買多個上水泵？謝謝
rickycmleung 發表於 2021-7-8 18:35 static/image/common/back.gif
器材其次, 你反而睇下水質先, Rㄒ水質要求高好多喎
你好，請問係咪要check 屋企水喉水嘅NO3先？
FOT同RT根本係兩種完全唔同o既玩法，你只可以二揀一，無可能左右逢源－－以FOT o既預算去玩ＲＴ。
RT係百分之二百器材先決，就算同size，開缸預算住住係FOT o既幾倍。FOT可以無燈無水冷，水喉水開鹽就夠玩，魚友啲錢都花喺買魚上；但RT未開缸就先要大出血，基本器材一大抽，少一樣都玩唔到，如果筆直有限而器材唔到位，你只會不斷咁停留喺「買、死、再買、再死......」o既無間道入邊，直到你放棄為止。如果你而家個缸真係咁唔啱玩FOT，而你又無預備倒咁多錢落海，咁不如放翻個缸出去再買過，反正都係二手，
補充內容 (2021-7-10 15:05):
補充內容 (2021-7-10 15:08):
疊埋心水玩FOT，等將來手鬆啲又多啲經驗，至轉玩RT都未遲。唔值得為一個二水缸，執條襪帶累身家。 本帖最後由 小魚毛 於 2021-7-10 12:43 編輯
７０升水唔可能用到電子水冷機，一定要用壓縮機。
日生隻Mini 200處理水量係160L，應該都可以，水溫唔好set太低，２８度夠玩一般軟珊瑚，再低去玩SPS，怕部機會玩得唔耐。仲有一定要夠位畀佢散熱。平貴差別就在於嘈音、耗電、排熱量、耐用度......自己睇餸食飯。
如果可再上一級去到處理水量有200L o既機種，咁當然會更好，但一切都係睇你預算。
有專用水泵當然會更好，用上水泵出水去水冷再入缸，點都會減慢流速，影響過濾系統工作。
本帖最後由 小魚毛 於 2021-7-10 12:52 編輯
其實九成九o既水喉水NO3都有10mg/l，不過你自已落手check過就一定更清楚，所以唔好慳呢項工作。
反而你要有定心理準備，咁o既水質你只可以養一啲比較粗生軟珊瑚－－菇、扣之類，如果唔轉水源，其他珊瑚只可以得個恨字。
小魚毛 發表於 2021-7-10 12:25 static/image/common/back.gif
FOT同RT根本係兩種完全唔同o既玩法，你只可以二揀一，無可能左右逢源－－以FOT o既預算去玩ＲＴ。
RT係百 ...
多謝師兄咁有心嘅意見，會先由開始FOT入手，儲下經驗
想問下我而家呢個缸有15吋高，養細嘅魚係咪都可以？
而FOT開缸係咪買啲死石或者骨造境，買生物環放背濾第一格，再買硝化細菌落去就可以？
雖然有爬文但係未實踐過真係有好多唔肯定，希望師兄可以再比多啲指引，謝謝
sunkenny27 發表於 2021-7-10 18:18 static/image/common/back.gif
多謝師兄咁有心嘅意見，會先由開始FOT入手，儲下經驗
想問下我而家呢個缸有15吋高，養細嘅魚 ...
我只係知道高缸唔啱養珊瑚，無聽過矮缸唔可以玩FOT，雖然好多魚友都追求缸大魚多，但咁唔等於矮細o既缸玩魚會有問題。當然，得嗰兩尺丁方，你放條5，6寸o既魚落缸，佢游得兩步就撞牆要轉身，咁似係虐待多過養魚，咩咪？而且細魚你可以玩多一兩條，大魚一o下就頂爆嗰缸o既bio loading。所以問題唔應該在於魚缸高度，而應該以整個缸o既總水量去計，上網搵個「魚缸計算機」自已撳o下就會明。養兩三條5，6寸o既大魚，定養十條八條兩三寸o既細魚，你可以自已揀。
死石或者骨造景無問題。化氮我會放第一格，第二格打爆生物環，再落菌。記得養好水至落魚。
小魚毛 發表於 2021-7-10 22:58 static/image/common/back.gif
我只係知道高缸唔啱養珊瑚，無聽過矮缸唔可以玩FOT，雖然好多魚友都追求缸大魚多，但咁唔等於矮細o ...
多謝師兄意見，當初我上網問野，有其他師兄話個缸太矮做唔到FOT，所以先去睇關於RT，你講完又有返啲信心我新手都係打算養幾條魚仔先，大魚難度高唔敢玩，而且你講得啱個缸細真係唔係咁好
知道要慢慢養好水先加魚，加魚都唔可以急
想再請教下，我理解入水果格係第一格，如果第一格放化氮，第二格放滿環，咁白棉同生化棉可以放邊個位？最尾一格淨係放一個上水泵係咪都可以？
多謝你比咁多意見
sunkenny27 發表於 2021-7-11 00:04 static/image/common/back.gif
多謝師兄意見，當初我上網問野，有其他師兄話個缸太矮做唔到FOT，所以先去睇關於RT，你講完又有返啲 ...
棉放第一格落水位後，化氮之前，先隔走大o既顆粒垃圾，可以減輕化氮同整過過濾系統o既負擔，不過就要密啲洗棉換棉。
尾倉可以放包活性碳先，然後至到上水泵。
小魚毛 發表於 2021-7-11 00:28 static/image/common/back.gif
棉放第一格落水位後，化氮之前，先隔走大o既顆粒垃圾，可以減輕化氮同整過過濾系統o既負擔，不過就要密&# ...
師兄多謝意見
呢個缸第一格有上下梳，上下都可以入水去第一格，其實係咪要封左下面等啲水淨係由上面入？
第一格有16x9cm，我試過放化氮落去之後好似無咩空間淨，而且個化氮會頂住上面個入水位，做唔到過左白棉先到化氮，如果咁情況係咪將個化氮掛入主缸會好啲？可惜我唔識放相
第二格大少少有18x9cm，如果用黎放化氮就淨返1/3空間
第三格都係18x9cm，放完上水泵仲有好多空間
同埋係咪要放啲格仔板喺背濾底，再喺上面放生物環？
背濾格與格之間有條通道，入面要唔要放野？還是留空等佢去水就可以？
唔好意思真係好多野問
本帖最後由 小魚毛 於 2021-7-11 18:16 編輯
sunkenny27 發表於 2021-7-11 12:30 static/image/common/back.gif
師兄多謝意見
呢個缸第一格有上下梳，上下都可以入水去第一格，其實係咪要封左下面等啲水淨係由上 ...
就咁睇唔明，唔想亂估，放咗相先。
用高級模式發表回覆，就咁直接copy & paste張相落對話框就得。 小魚毛 發表於 2021-7-11 18:15 static/image/common/back.gif
就咁睇唔明，唔想亂估，放咗相先。
用高級模式發表回覆，就咁直接copy & paste張相落對話框就得 ...
本帖最後由 sunkenny27 於 2021-7-12 12:01 編輯
小魚毛 發表於 2021-7-11 18:15 static/image/common/back.gif
就咁睇唔明，唔想亂估，放咗相先。
用高級模式發表回覆，就咁直接copy & paste張相落對話框就得 ...
小魚毛 發表於 2021-7-11 18:15 static/image/common/back.gif
就咁睇唔明，唔想亂估，放咗相先。
用高級模式發表回覆，就咁直接copy & paste張相落對話框就得 ...
頁:
[1]
2