啡藻問題

williamc 發表於 2021-12-17 23:55:40

開缸兩個幾月呢兩個星期又開始爆啡苔。買左一隻海膽同兩隻螺幫手清理好似無咩用。。。

缸入邊有七條魚。。一日喂兩次魚糧
燈每日開九個鐘。。一星期換水25%。。。無落任何其他野。
全部珊瑚正常開。。。魚都好活躍。。食得訓得。。NO3 PO4都係接近0 仲有無咩辦法可以消除呢d啡毛藻？

小魚毛 發表於 2021-12-23 11:12:47

本帖最後由小魚毛於 2021-12-23 11:16 編輯

照睇樓主個缸最少都有兩尺，得一隻海膽，兩隻螺太少喇，真係想有效果，起碼放十隻八隻螺，三五隻海膽至會有嘢睇。螺可以揀食苔螺或者牛眼螺，後者會有啲大size，效果會明顥啲。海膽只會刨石面o既苔，沙面＆玻璃o既嘢佢無興趣，沙面清潔工可以請沙星或者跳螺幫手，玻璃面用磁刷自己搞最實際。另外要留意，生物清潔永遠只可以做輔助性質，唔可能旨意晒佢地，缸主自己動手清潔＆日常維護水質至關重要；再者，太多或者太大隻o既螺&海膽，一樣會成日推跌啲珊瑚，所以都係有辣有唔辣。

一日餵兩次可能算多，除非你肯定個缸o既過濾系統好掂，否則可以考慮減少餵食量。我自己一星期餵兩次，唔一定要你照跟，但事實係魚唔一定要日日餵，喺個海度佢地都唔一定日日有嘢食。你自己要喺水質維護ＶＳ餵魚之間搵翻啱自己個缸o既平衡點。

留意沙面＆石面o既陰暗位有無出啡苔，無就要考慮減少光照時間或者調低支燈o既光度。

雖然NO3 & PO4都接近零，但你見到啡苔由石面爆出呢，即係NO3 & PO4源自石入邊，可能生物石自身之前吸過NO3 & PO4，而家遇到合適環境，吸引啡苔喺石面生長，因為有啡苔幫你先吸收咗，所以水質測試唔見有NO3 & PO4。

處理方法：人手清潔係無得懶，刷玻璃係恒常基本動作，每星期換水順手起珊瑚刷刷啲生物石，係麻煩，不過都係最安全可靠o既辦法，可能要搞一兩個月或更耐，不過愈早開始搞就愈可以縮短整個刷石療程。洗沙比較麻煩＆有風險，洗過石加埋沙星後無改善就要落手搞。熄燈會即退啡苔，但到你再著燈佢會再爆，所以實際做法係慢慢調減光度＆時間，搵一個適合自己個o既設定。

williamc 發表於 2021-12-23 12:03:16

小魚毛發表於 2021-12-23 11:12 static/image/common/back.gif
照睇樓主個缸最少都有兩尺，得一隻海膽，兩隻螺太少喇，真係想有效果，起碼放十隻八隻螺，三五隻海膽至會有 ...

哇。。。多謝師兄甘詳細ge指導。缸係方型45cm滴漏（大概100L水）。海膽真係幾煩。。經過會帶走會整跌d未上石ge 珊瑚。同埋好多屎，一粒粒留係石或沙面好唔美觀，所以不敢買多。

可能我真係喂得太多，多數我係喂到d魚全飽唔食先停手（藻糧為主）。同埋可能燈開得太耐，每日9個鐘。

之前買左隻虎皮海參清沙面，但係買左兩個月甘耐未見過翻沙，長期係石上面唔郁。。。沙星會否好d?

小魚毛 發表於 2021-12-23 14:42:33

williamc 發表於 2021-12-23 12:03 static/image/common/back.gif
哇。。。多謝師兄甘詳細ge指導。缸係方型45cm滴漏（大概100L水）。海膽真係幾煩。。經過會帶走會整跌d未上 ...

餵食以每次十分鐘內啲魚食清啲糧無剩為準，超過呢個時間就係過量。

九個鐘燈照唔算好長，短過八個鐘就太少喇，所以你最多減一個鐘燈照，較細光度可能會實際啲。

虎皮海蔘唔會點清潔沙面，黑海蔘至做到嘢；沙星小心唔好買爛腳，少少破損好快就會成隻感染而死。

williamc 發表於 2021-12-23 17:51:38

小魚毛發表於 2021-12-23 14:42 static/image/common/back.gif
餵食以每次十分鐘內啲魚食清啲糧無剩為準，超過呢個時間就係過量。

九個鐘燈照唔算好長， ...

個時嫌黑海參太醜先買虎紋。。哈哈果然係參不可貌相。。

Fishwall 發表於 2022-1-10 00:33:04

唔洗一日餵兩次一次已好夠一係你分兩次每次放少D 唔係長遠No3 Po4一定高 keep住出啡苔對你ROT缸唔係咁好我自己FOT缸都係一日一次一星期有一日停餵

頁: [1]

海水領域 SeaFishZone's Archiver

啡藻問題