本帖最後由 yukoogura 於 2014-6-29 14:40 編輯
仲有你求其揾幾間報價
個差價係可以以倍數計
食水唔深點會有咁大差別？
唔係講緊傢私呢d有質素分別既野
只係清拆油油舖磚呢d
仲有傢俬先係野, 唔洗儲貨, 0貨物成本, 你黎到俾左訂先俾圖大陸廠, 賣俾你個價係出廠價倍數, 魚缸一樣
你賣魚賣器材都要買左返黎先賣到俾人啦
yukoogura 發表於 2014-6-29 14:14 static/image/common/back.gif
逐項計
好似我近排整地磚咁，唔計拆，唔計地磚本身，只係三日work, 但就要萬幾二萬
成本只係工人+英泥， ...
做地磗唔系討人工是逐井計仲有最低消費，插頭位是逐個計時價550了，舉多個例你寫封信要O成本叫個律師簽個名要1800，呢D叫你唔識人地識，你賺人錢，人賺你錢，利申我不是工程介面
香港做既魚缸老實講真係做唔到大陸既質素
無膠邊,滴漏槽都係係做唔到.
至於值唔值見人見志
講開又講
400-500呎,如果3日工,每日起碼2個人
3日$6000 ,清拆雜費(搵人清落樓,叫人車走)又幾千
加埋料錢又幾錢,成本都唔平.
好多野都係一分錢一分貨
有人求其有個魚缸唔漏水養得,同有要求既人
係收貨既係當然唔同
每行都有其中學問,價錢亦係分別,
自由市場,唔掂要收皮,
做得好大把人跟住做.
本帖最後由 yukoogura 於 2014-6-29 18:38 編輯
Wilsonlsl 發表於 2014-6-29 17:41 static/image/common/back.gif
做地磗唔系討人工是逐井計仲有最低消費，插頭位是逐個計時價550了，舉多個例你寫封信要O成本叫個律 ...
做律師有門檻，點同裝修，你要讀到先係架
插頭基本上間間唔同價，其實樣樣都係，可想而知水位幾多
本帖最後由 強記 於 2014-6-29 20:53 編輯
yukoogura 發表於 2014-6-29 14:14 static/image/common/back.gif
逐項計
好似我近排整地磚咁，唔計拆，唔計地磚本身，只係三日work, 但就要萬幾二萬
成本只係工人+英泥， ...
師兄請問你用萬幾二萬做個地臺，有幾大地方3日就起貨，咁快手
做咩睇睇下講裝修架{:7_222:}
Anway 有事既野 睇人啦{:7_229:}
yukoogura 發表於 2014-6-29 18:36 static/image/common/back.gif
做律師有門檻，點同裝修，你要讀到先係架
插頭基本上間間唔同價，其實樣樣都係，可想而知水位幾多
吾識就吾好亂吹啦~ 師兄~
你估工程佬門檻低? 人工註冊證 各類大工牌 專科牌(電牌水牌燒焊牌) 小型工程牌等等 你估考反來吾洗錢?
上得小工程註冊商 你估做野吾洗保險 你估平嫁
你話3天貨仔收你成萬 甘你自己落手做囉 我比夠你6天你都未必起吾到貨
D老手工做3日 可用你10年生晒漬都未爛 你來做可能3個用就谷起晒
呢D工力咪系值錢地方
插頭480你都話貴 用1.0mm大陸線或舊線咪平囉 最多睇下幾多年後火燭?
工程既野吾系你睇得甘表面 用好野比你都吾識貨 甘你就最易比D神棍呃啦
仲有你估工程佬讀得書少 閒閒地都5,6年時間 你仲已為宜家系D陀地扮工程佬年代
地球好危險。。。要翻火星先得:o
本來係樓主嘅善意分享，、
喺多角度嘅討論之後
帶有不大友善的詞鋒
你來我往三幾吓，
已經火藥味了。。
這麼般的情況屢見不鮮:(
只要大家不要離題太遠
沒有人身攻擊，
我等過路人倒增進題外知識。。。(行行也有其難處，有時候係要比哋錢人地賺吓嘅,)
yukoogura 發表於 2014-6-29 18:36 static/image/common/back.gif
做律師有門檻，點同裝修，你要讀到先係架
插頭基本上間間唔同價，其實樣樣都係，可想而知水位幾多
咁你唔去開裝修舖;P
樓主(蘇生)及大家好,
很抱歉! 基於這幾天比較忙, 不能即時上來同大家交待真是失禮, 請多多見諒!
蘇生, 那朝早小弟語氣的確大聲左Ｄ, 係度同你講聲 Sorry!
小弟直腸直肚,有時講嘢可能大聲左Ｄ而得失客人, 冇心之失, 希望大家原諒! 日后必會盡量控制自己的情緒.
首先, 很多謝蘇生經魚友介紹約在上年12月17號找小弟報價訂造魚缸櫃, 經報價后19號蘇生就上來本店落訂傾細節, 然后我便出詳細尺寸圖給蘇生過眼確實冇誤后就先會出圖給廠開料造缸櫃, 出圖過程中蘇生都有作出部份尺寸更改, 而大家都是有商有量開心見誠的.
大約在1月9號, 櫃已造好, 小弟就親自去廠驗貨覆尺, 同一期間, 另外都有3個不同客人的魚缸櫃做緊, 而且我都有獨一影相給客人先睹為快. 當中包括蘇生, 相信當時佢都有拍手掌, 能做到客人滿意, 小弟當然開心.
直至到1月17號, 蘇生自行前來我店先取只櫃, 當然例行公事一定要佢先行驗收外表有冇損爛/大花, 內藏間格及尺寸當然不用他仔細睇, 我一早就驗好晒, 如果整體靚仔冇花冇損而佢又滿意就即走得, 而我就一早幫佢約好街車, 仲幫佢一齊搬埋上車走人, 搬果陣時有幾重, 係唔係庶渣板造相信佢都很清楚.
直至到1月27號, 只缸到埋, 我跟金福車一齊送到佢貴府上, 金福搬上櫃后, 佢老人家又例行公事一定要蘇生驗收見光那幾面有冇花痕, 全都缸邊有冇崩裂, 當然我都會跟跟眼睇下, 如冇任何問題就比錢走得, 如有問題就即搬走, 過后先話有大花又崩相信金福打死都不會負責了.
而小弟暫時完成任務, 待蘇生自行set好喉試水, 半年內非人為而因玻璃膠爆裂漏水, 小弟一定會負責更進, 必要時會重做１只新的.
很不幸, 直到3月4號, 蘇生 whatsapp相比我有2只正門底邊有爆裂, 我就問埋佢那只電線倉門有冇事? 佢話冇, 跟住我就打電話給他再了解情況, 會否有機會太潮濕積水在放門底位長時間而浸住引致爆油, 嚴重会爆木, 如有此情况, 見到有水積底最好抹乾佢, 或者暫時打開門或加把風扇吹下, 以免傷到櫃身不襟用, 正常只門及櫃身就不會因濕一濕水就即時有事, 除非浸水太耐就難講, 小弟一心只想提一提個客, 我都希望佢套缸櫃能用越長越好, 絕對不是什麼籍口推卸負任, 無論你點樣我都會即時補造返2只門給你的.
去到3月9號, 又收到蘇生電話說櫃中層左側邊位又有爆裂, 我第２日晚就即上去睇, 而且影埋相即晚比廠老細睇, 問佢搞咩! 個客話完全沒有濕過水, 點解會咁快就爆油, 做左幾年都未試過, 你換左師傳呀! 佢很無奈地說冇呀, 一路都係咁做, 同期果幾套有冇事呀? 除非有濕過水先會有機會這麼嚴重, 我說其它果３套就未見有客投訴, 但我不理你咁多, 快Ｄ同我重新造過套, 而且轉用白色見紋木面料, 仲要加重防潮油, 尤其是內籠所有開窿位及實木方都要盡量做好, 需然難避免, 但都不想咁快爆油紋, 拜托 !
而係重造前, 蘇生又有些窿位改動, 我都很有耐性聽佢吩咐, 大約2個星期做起, 我又上去廠睇多次, 這次我主要度下櫃面內度尺寸及開窿對不對, 至於電線倉那個方窿因跟舊做, 所以我就沒有認真再覆尺形成不知開低左, 很抱歉!
在3月26號新櫃到港, 原本我打算回收只舊櫃作自用, 算係新正, 補Ｄ原子灰執執油都用得下, 掉左就有Ｄ可惜, 但因太忙, 而且鋪頭冇位擺, 所以我就同蘇生講送比你要不要, 叫佢自已過來車只新櫃, 當時佢又好似冇話唔得, 所以佢都好人過來攞, 為了保障雙方, 再取新櫃時我例行拆開紙皮比佢驗收, 我不想佢返到去先發覺有問題又要搬返來就浪費大家時間, 當時佢可能唔解我以為我講負氣說話, 意外大家都不想, 希望大家相就一下.
攞左櫃之后, 一直都冇收到佢話只新櫃有咩大問題, 腍住這次佢開缸大吉, 而大家可以開心睇世界杯, 點知係幾天前(新櫃相離3個月, 新缸相隔5個月) 晚上約10點幾, 佢打電話來說個缸有事, 我當時真係想暈, 因為我幾晚通宵唔够瞓, 開頭我以為爆玻璃膠漏水, 問清楚佢話右前角位右側頂外面冇啦啦有塊玻璃約寸幾長崩左出來, 我再問清楚係全塊玻璃裂或只是表面崩边, 佢話係表面崩邊, 咁我就以一般常識慢慢解釋比佢聽一塊本來完整冇缺的玻璃, 正常情况下是不應該會冇啦啦崩左１塊仔出來, 除非不小心比野撞到或"銀"到邊位就會崩边, 佢話完全沒有撞過, 會否新缸時已有暗裂痕而睇不到, 相隔5個月后抹缸時先見到, 好彩當時金福有叫驗收, 大家都金精火眼睇全部邊位有冇崩邊裂痕, 何止裂痕, 甚至乎明顯花痕都睇埋, 如有即時搬走造過, 你連櫃內面走喉元窿邊有脫油都關注埋, 何仿魚缸右側見光那條咁長裂痕會見不到? 仲要5個月后才抹魚缸先見到, 你咁耐先抹玻璃咁你用野都幾粗下吧! 后來又話會不會塊玻璃內傷過, 所以現在才崩出來, 如果傷過就應該會底面裂, 何仿機會微, 有時砌石不小心跌左塊石落缸底, 當時冇裂到, 都不至於日后一定會裂底, 更加不會選擇性淨係崩邊啩! 這樣都要我負責埋咁對我就真係非常之很不公平, 你都完全冇責任, 就算我願做過只比你, 難保5個月后又有問題又揾我負責, 咁我埋要一世保你百份百完美, 這樣公道嗎? 如果是非人為而玻璃膠出事爆水, 小弟百份百肯定會負責任, 我講明包6個月保養的, 如果我不負責任, 你點唱我都得.
后來阿蘇大哥開始明白事理了, 就話不是要我負責, 只想商量問下意見姐, 咁我就慢慢比Ｄ意見佢, 現只是崩邊位, 可以打Ｄ玻璃膠粘返那塊玻璃, 何仿那個位不浸水, 不會受水壓, 而且有拉擔, 相信不會嚴重影響結構, 只是有點不美觀, 佢話好, 咁就收線, 但你有做木眉, 應該冚缸3寸遮到的.
點知佢第二天晨早八點幾又打電話來話完全唔關佢事, 佢撞到應該有玻璃碎, 但現冇, 所以唔關佢事, 我睇波睇到天光剛瞓左2個幾鍾, 很抱歉, 當時我就控制不到情緒, 越講越大聲, 好似有Ｄ助語詞就問佢你想點呀? (記住係助話詞, 不是問候佢家人, 我是粗人, 有時同客傾計都會講下, 好似阿康少, 我都成日妖佢, 佢又妖下我, 大家不會放在心係嗎康少? 相信你都很明白我為人係點, 否則你都不會揾我做幾次缸啦, 甚至乎做埋家私tim, 你只缸咁大只, 仲冇拉擔, 都有2年了, 點解你咁好彩只櫃唔爆裂, 只缸唔冇啦啦崩塊玻璃ga!(大吉利是), Ｄ人講到我咁無良, 奸商, 你又富貴, 我仲唔劏你) 阿蘇大哥聽后就話要我負責, 我有我底線, 打死都唔硬食, 跟住我叫佢揾人平理, 佢就收線.
老實講, 同你跟套缸咁耐, 只係這次比較大聲Ｄ, 稍為有Ｄ不禮貌, 之前我都很有誠意同佢跟足野, 需然你淨造缸櫃, 完全沒有任何下欄野, 3尺半缸, 仲要雙層, 主缸, 副缸, 沙缸, 4分PPG水晶片, 淨係開玻璃窿都9個, 主缸又要造浪倉, 器材又唔係我度買, 又要同你預位, 左度右度, 而個櫃足足開左17個窿, 而劃圖都劃左成日, 上大陸都幾次, 收你萬3蚊, 人地不知好似劏你咁, 你記不記得上次去你屋企睇櫃時, 我仲比埋意見你點樣set喉, AC上水泵行灰喉收碼仔在櫃板, 我相信肯定震到拆天細佬, 老老實實你好似咩都唔識Bo! 係apps群肯定成日每事問係嗎?
寫字寫到天亮, 小弟一不做, 一做就要用心去做, 所以特別長氣, 要由頭到尾同在座各位大佬交待清楚, 費事你地不高興......PK 大耐冇上網, 唔記得點樣放相Tim...........大家不要急, 比Ｄ時間小弟好嗎...pls
造缸圖......
同蘇大哥第一次做的櫃, 係廠影的......佢就叻仔, 淨係識得放大有問題地方, 連張全缸相都冇, 人地不知仲以為由頭爛到尾, 好似豆腐咁, 今次主要係要追討我只缸, 但就比錯覺大家好似第二櫃都有很嚴重問題, 我要揾一揾有冇第二次做那只新櫃相.....
這三套是同期與另外3個客人做的, 考下大家, 從這些相你地可以睇到Ｄ咩呢?
good
交代得清楚
本帖最後由 hung128 於 2014-6-30 08:59 編輯
不好意思網主 借位分享一個樓主post 只是路過
如講到自己受害者 那你怎會把有問題的櫃放出街外
這幾套是過年后同客做的, 現時生意真難做, 連家私都要撈埋......
Sorry! 出錯相......呢Ｄ先真.
hung128 發表於 2014-6-30 08:57 static/image/common/back.gif
不好意思網主 借位分享一個樓主post 只是路過
如講到自己受害者 那你怎會把有問題的櫃放出街外
咁都得！唔知有無受害者呢？:@
本帖最後由 樹喜 於 2014-6-30 10:17 編輯
做人做事都不能夠不負責任，講到而家你係受害者咁，
坦白講我係19鋪頭都訂缸用左6年都唔會有以上既問題啦，
跟之我訂多個缸半年後流玻璃膠流水，人地都即刻換個新比我，，咁你話啦做生意係咪應該收左貨就關人諗事啦，？？