longlong 發表於 2014-10-28 04:12:57

魚街有間叫(維港)真係差到不得了

事原是我有個朋友想做滴漏缸.因做缸價比較貴.因他不是玩開咸野只養龍魚.所以做缸價太高不作考慮.就係個間野(維港)買左個現成$4500元左右48吋3分連埋櫃既滴漏缸.因他不從未接觸過滴漏.所以叫埋我陪佢去.當天去了幾間睇.最後我朋友選擇去左個間維港買.因他有9折價.而且唯獨佢沙缸係 2分半..其它幾間沙缸比較單薄只用 2分玻璃..其實我地兩條友來來回回進入個間(維港)好幾次.冇辦法因為錢係佢比佢又心大心細.同佢做老友既我個日下午唯有陪佢走走笛笛.

好喇..最後拍板係個間野買個現成的.我就禮貌地問哥個成棚牙又烟屎又哨牙個條木咀男.我問佢.阿老細呀.(其實一睇佢就知佢打工仔一個)個缸本身個滴漏入面個兩個窿係開幾大..佢第一句答.唔知噃.缸已經開好哂窿擺左係倉.跟住話呢D缸一般都係吋半落.一吋上.我話..咦.阿老細.既然D缸已經做好哂擺左係倉點解過兩日送唔到貨要等成兩星期呢..跟住佢回答.個倉係大陸.我話.咦.阿老細.咁講即係話你地有單撥個輪上去佢先做啦.佢話.基本上是的..咁我又講句.既然係咁可唔可以開窿個度改番細 D呢.佢話得.點改.我話改吋2落6分上0k嗎.佢答我.可以.咁吋2即係幾多mm.我話我唔多清楚噃.我係香港做開缸同D舖頭講.吋2上.6分落.佢地一定知噃.佢話.唔係呀大陸唔同呢度嫁.無謂開錯啦.叫我有冇朋友識問下好噃.我心諗.唔X係嘛.叫個客打電話問..好.算.我問.問左幾個朋友都唔太清楚.只答有內牙同外牙噃.唔係咁記得..我又心諗.咦.冇理由個缸係香港買冇X理由佢唔知的.又入番去同佢講.阿老細.咁我唔識計你應該識計啩.佢話.我淨係知呢個缸吋半係幾多mm.一吋係幾多mm..吓.唔係嘛.買魚缸用品咩都唔知..最後可能條友想做成呢單生意.就話..吋2落6分上嘛.得啦.我同香港D師父講佢地會知嫁喇.我話.係咪0k嫁.唔好錯噃..佢話唔會咁我朋友就比訂落單.個魚缸 $4500 條友同我朋友講要比 3成訂.我聽到就話.唔係嘛.老細.比 3千蚊訂..佢話.係呀.以家出便好多都係咁.我話.唔係嘛.最多都係一千訂金姐.佢話.以家比多D訂到收貨個日咪可以比番小D囉.一樣姐.我朋友話.是但啦.我就特登大聲同朋友解釋比左3千訂送左個缸到你屋企有咩問題好難追番.邊有人咁笨實的.最多比一千訂.個缸有問題麻煩多多的話情願唔要 1千蚊..最後都係比左1千元訂.

好喇.24號當天朋友電我話魚缸送左去佢屋企.叫佢用呎度下個窿係幾多.方便去配牙咀同灰喉..奶奶的.落水開吋二啱.上水開左一吋上錯哂...算..用刁士就就佢.上左兩個牙咀後先set上面..又奶奶的.原來擔頂個落水窿同上水條喉不是成直線.成一個小小斜對角形.用45度又唔得90度又唔得..算..唯有用火槍燒軟條6分喉屈一屈就一就佢..我叫朋友打電話嘈一嘈佢啦..佢話整到算啦..現成缸係咁啦..好彩個缸唔係我.唔係肯定火都嚟..好了.上面攪惦到set下面.

X街...沙缸深度多左3分啱啱比個櫃條木柱頂住.入唔到..插條吋二落水灰喉入到.條喉居然係係個沙缸頭倉出面.真係我小佢XX.好..又算.最多買兩個45度曲番嚟攪攪佢..但已是8點幾.利記關門.冇得set.唯有星期一去買.然後我問我朋友.喂.你門楣中間條木柱呢.佢話冇噃..吓..冇.你個缸咁長應該有噃..跟住打電話去.兩次.但冇人聽.可能太夜已收舖.

今曰我出左去魚街朋友叫我不如幫佢直接去(維港)問下..我下午約 2點多入去問同一個人.即係成棚牙又烟屎又哨牙個條木咀男.我問佢.去細之前同個朋友嚟買左呢個現成缸(我指住擺左係度哥個示範缸問)係咪送小左頂住門楣個條實木嚟.佢話.實木.冇嫁噃.我地呢度D缸全部都冇用嫁噃..你幾時嚟買嫁.有冇單呀.我話有.幾時幾時我同朋友兩條友入嚟買..佢話你攞長單嚟先啦..本來我都冇火.條木咀扮唔認得人個下黑人憎.本來我只係問係咪送漏左條木.其它都算x數..條友又話咁個櫃沙缸頂係咪有條橫樑呀.夠哂力啦.你睇我地D缸全部都冇木頂都冇事.我話.梗係.你D缸全部都未落水.梗係冇事啦.你都唔係第一日先做呢行啦.個缸入滿水會座落嚟嫁.淨係靠你個條橫樑.死得啦.佢話.咁之前張單有冇寫住有木條呀.冇寫咪即係冇囉.你都睇到我寫住咩啦..又話唔認得.挑(開始有番記憶).自己度好尺吋出去

puikwong 發表於 2014-10-28 09:06:19

我個缸都係 維港訂啵。ok丫。我要求唔高。開孔同size 都岩。價錢魚街差唔多最平。都係兩星期到。 過得去啦。。

puikwong 發表於 2014-10-28 09:13:59

企柱方面。係設計問題。唔可以話無就唔夠力。有横擔取代。人地本身個櫃show 出黎都無。你當時都無叫佢改

不過訂金一定要俾3千蚊就有d出奇。我自已當時俾4份1訂

terter 發表於 2014-10-28 09:35:38

puikwong 發表於 2014-10-28 09:06 static/image/common/back.gif
我個缸都係 維港訂啵。ok丫。我要求唔高。開孔同size 都岩。價錢魚街差唔多最平。都係兩星期到。 過得去啦。 ...

我個缸都係維港做,都可以啦。搵呢啲鋪頭做缸最好跟晒佢原生設計,佢地都係整張圖就交俾上面,好睇上面個師父領悟幾多,如果有特別要求,都係搵專門訂造果啲穩陣,或者白紙黑字,每樣要求詳細寫清楚!

popo250 發表於 2014-10-28 10:06:05

我都維港買,OK呀,價錢對比

popo250 發表於 2014-10-28 10:08:10

但師兄,你寫係三成訂,但你話三千??

noriming 發表於 2014-10-28 10:14:36

$4500 比3成訂點計到三千?

arfaifai 發表於 2014-10-28 11:14:15

魚鋪既SALES 係咁上下啦

kwok0330 發表於 2014-10-28 11:57:45

我之前都做左個鱼缸,手工麻麻,仲要做到错晒,認真唔專業:dizzy:

kwok0330 發表於 2014-10-28 11:59:23

我36x17x30,都冇企註,好彩呢家都冇事.

rsfish 發表於 2014-10-28 12:39:21

大陸野, 睇彩數:funk:

longlong 發表於 2014-10-28 13:30:57

popo250 發表於 2014-10-28 10:08 static/image/common/back.gif
但師兄,你寫係三成訂,但你話三千??

我寫錯左.係三千訂至真

我係wingk960 發表於 2014-10-28 14:33:46

算喇.4500蚊 48吋.真係算係咁嘞.唔好太多要求了.如果網上訂.個價重勁呀.
買得咁既價.梗有佢應有服務既.

a14 發表於 2014-10-28 15:45:23

老友,$4500有48吋缸,算係咁,將就下
如果你揾嗰幾間專做缸的,$4500只係夠個沙缸同主缸
比多兩個$ 4500就差唔多
其實,你有特别要求,就唔應該玩現成缸,現成缸一定係一個尺吋
加上又要自己set喉,不如一部到位,訂造好過攞苦黎辛
不過訂造一個自己心水的48吋缸,皮半野走唔lu

longlong 發表於 2014-10-29 03:59:01

a14 發表於 2014-10-28 15:45 static/image/common/back.gif
老友,$4500有48吋缸,算係咁,將就下
如果你揾嗰幾間專做缸的,$4500只係夠個沙缸同主缸
比 ...

我梗係知做缸同買現成缸既差別啦.我由始至終冇講過錢問題.我只係想講個條友既服務態度問題.我只係落去好有禮貌咁問佢.阿老細上次同個朋友落嚟買左呢個現成缸.早幾曰送左嚟.唔知係咪送小左條木方呢..佢答我.咩野木方.我話頂住門楣個條木.然後佢話.,你有冇單係度.我話有.但係朋友度佢未收工只係我咁啱今曰出嚟順便幫佢問吓係咪送漏左.佢答我話..我開張單比你時張單冇寫個D咪冇囉.跟住既對話上便都寫左.自己出去配啦..唔冇咪冇囉.我只係以為本身係跟埋.經過幫朋友去問問好正常.,係咪.佢話冇跟咁咪冇囉.然後我又同佢講阿老細.個缸開D窿D位唔啱既.沙缸做得大左貼唔個櫃.但佢間鋪個show出嚟個缸係貼哂.佢即刻炸傻扮矇話你幾時嚟買嫁.我話.唔係話..頭先你自已先話我地上次買缸個時開張單單咩有咩.以家話唔記得..佢話.係呀我冇咩記性嫁.我日日對住咁多人邊認得咁多.我有小小認得你咪算好彩囉.(佢真係咁講).吹佢唔X脹..我話你做生意咁唔得噃.入嚟問你野你咁既態度既.唔係諗住收哂錢冇下次嘛..佢話.AAA唔好講呢D.你攞張單落嚟先講..我今日講既最大原因係個間維港個條友既態度.原來個間野就算你係個度買左個缸但係冇單係唔可以問野..缸有問題都要攞張單落去先肯答你野.我玩左咸野咁耐真係未遇過D咁既事..真係想執佢一擠..

longlong 發表於 2014-10-29 04:10:42

我係wingk960 發表於 2014-10-28 14:33 static/image/common/back.gif
算喇.4500蚊 48吋.真係算係咁嘞.唔好太多要求了.如果網上訂.個價重勁呀.
買得咁既價.梗有佢應有服務 ...

呢點我梗知啦..所以我咪同我朋友講.叫佢下次唔好貪平再買現成缸囉.攪著我.我同佢 set缸.set到塊田咁..左就又就.麻鬼煩.

longlong 發表於 2014-10-29 04:26:26

puikwong 發表於 2014-10-28 09:13 static/image/common/back.gif
企柱方面。係設計問題。唔可以話無就唔夠力。有横擔取代。人地本身個櫃show 出黎都無。你當時都無叫佢 ...

其實48吋冇木頂好牙烟的.由其係佢D木板才料好差.除非有兩條橫樑或用兩吋方通架.冇都冇所謂.但求安心最好有木頂啦

longlong 發表於 2014-10-29 04:27:41

kwok0330 發表於 2014-10-28 11:59 static/image/common/back.gif
我36x17x30,都冇企註,好彩呢家都冇事.

你個缸咁細有咩所謂.

longlong 發表於 2014-10-29 04:28:35

kwok0330 發表於 2014-10-28 11:57 static/image/common/back.gif
我之前都做左個鱼缸,手工麻麻,仲要做到错晒,認真唔專業

好彩有你陪..

clownfisher2010 發表於 2014-10-29 06:50:48

大陸造又收得貴
頁: [1] 2
查看完整版本: 魚街有間叫(維港)真係差到不得了