氣憤
小弟今晚到太子某間上樓珊瑚舖(太XX水族X)買咗兩件角珊瑚，回家發現其中一件鹰爪(價值480元) 背面有一半面積枯萎，後來以whatsapp形式向該店老闆講述情况，以下是我們嘅對話： 我:老细有冇攪錯，啱啱買支鷹爪燒咗 (附傳送圖片)太: 大哥，呢啲唔係叫燒喎，燒係雪白色，係大自然枯萎，佢壓住生長引致，你係 咪初玩？啲邊全部埋晒口，唔係我個缸燒㗎。(咪玩喇，我玩角雖然時間短，一年左右，但幫襯你都有八、九個月而花費保守估計冇一萬都有八千喇。雖然我唔識用枯字代替燒字，但我想表達係個背面點解咁？) 我:我知，但如果係你會不會揀一件有缺陷嘅角呢，玩角嘅人會不會浄係放一面呢？你又會不會放呢面俾人睇呢？如果呢件係二百元我冇話好講，又或者買家買嘅時候你會講聲呢？ (因為枯咗咁大面積，個人覺得如果賣出價錢應相對調低)太: 我第一次聽玩角嘅人會講呢啲說話，如果你要買一件角十全十美嘅角，你買件假角囉？你明天攞返黎我俾番錢你，不過你以後唔好再係我舖買嘢。邊有買野係要十全十美？除非你要求攞上黎四面八方睇晒，價錢亦唔同。你買野咁怪，昵的係natural野，我就冇望過，就算望到你都係心甘情願買嘅。你想十全十美就去買件膠，我都話換番錢俾你。(買果時三面我都睇得好耐好清楚，唯獨背面睇唔到，因為件角背面倚在石上，我嘅提出係冇話要攞番錢，你換過一件或下次買角時你話平少少我都覺得你有誠意，你仲叫我唔好再去你舖買野，仲話我要件十全十美，我都覺得你真係野蠻，畢竟我都幫襯過你不少。之前都聽過你對伙計講其他客齋睇唔買，宜家真係睇到你真面目。) 我: 我唔係話十全十美嘅問題，基本上你知道先至擺果邊，我唔信你冇睇過，你收得咁嘅價錢應該有番佢嘅價值，件角斷得多同比較完整都唔同價啦，老闆！顧客永遠想要買到佢應為價值嘅野，無論係貴或平，呢個係消費者的選擇。太: 你Ya 啦， 我知道到我就唔賣俾你啦 ，我百幾件角件件去睇呀？你咁樣黎屈我，你有病呀，黐X線！ (我相信你放件角落缸都會睇過點放掛，又或者你幫我包果時冇理由睇唔到。之前我同某間珊瑚舖買件角，老闆見件角狀態唔好就叫我唔好買，呢啲咪職業道德囉。一講都唔駛唔駛發爛渣嘅！) 太: 唔該收聲啦，聽日攞番件角返黎，我知呢件角咁擺先好睇，阿八！我: 你親自擺上去居然話冇睇過點擺？我真係唔信！ 太: 你唔好咁多癈話，聽日攞番黎，四百幾元唔該呀乞衣！(其實我覺得你誠信有問題先至講啫，大大話話都幫襯咗你成萬元，區區果四百八元我都冼得起，係時候叫番你做乞衣，睇你頂到幾時！)咁都得😰退返錢都好公道 唔駛叫乞兒掛 做生意唔係咁做既 好言相向嘛 算拉，當買個教訓下次睇清楚 甘樣其實又無必要同個客交代啵。。 都唔係燒
不過老闆態度極惡劣又真既 角呢D好平常.... 唔覺有問題...
大哥，呢啲唔係叫燒喎，燒係雪白色，係大自然枯萎，佢壓住生長引致，你係 咪初玩？啲邊全部埋晒口，唔係我個缸燒㗎。
其實佢講得啱, 野生D野點話得埋... 相信來貨已經係咁,
但待客態度又另一回事...
本帖最後由 pacificworkshop 於 2015-12-2 07:15 編輯
{:6_161:}已上是昨晚電話對話的最後段，9:0x pm.
本帖最後由 pacificworkshop 於 2015-12-2 07:49 編輯
在回家開車路上，以解釋珊瑚情況，亦叫客人帶回來退款，
但客人不停說故意騙他。相為此珊瑚的背面，已生紫苔，亦已结邊，相信是底部，
在海時此面是貼著石面或骨支而生長。
睇相件鷹爪都無乜野，店舖都講左可以退返錢，一人行一步都算解決左件事。 {:6_145:}如果買魚可以死左肯退錢就好啦
;P睇清楚無燒樓主衰左
粗口待客:funk: 佢個珊瑚缸成缸鬼爪:Q, 從來5敢幫襯;P 我上次買兩件，有一件睇漏係後面燒左一隻角:@，都廢是羅反去，唔再幫襯算!! 個人意見：
若果唔係收埋件貨，唔俾你睇，
仲要迫你買既話，究竟責任誰屬？ 算把啦，佢d價海鮮到呀，又成日叫你買哩件買𠴱件。我依家入都費事入呀！ 輸打贏要;P你地唔係睇清楚先買 其實想咩嘢都會係咁 買之前睇清楚 返到屋企先知錯 想退貨就難囉 除非大鋪 但價錢又會貴D 所以我覺得唔可怪晒鋪頭 買魚買角都話可以睇 買器材重慘 買個造流話超靜 點知.... 打去問吓會唔會自己set錯 答案係"要靜去買MP40啦" :lol {:6_159:} 都係果句！在店舖買野或約魚友交收，始終都是要睇清楚先比錢，有問題當面問清楚咁就少掙拗架啦。 {:1_1:}昨晚第一次幫趁, 老闆都無乜野呀, 仲肯提點下我呢D新手{:1_1:}
頁:
[1]
2