新手1問
鑽石濾水器，養唔養到珊瑚? 定要RO先得? 廁所水刀有ching玩到，你估下淨水得吾得？ 本帖最後由 小魚毛 於 2017-5-3 00:31 編輯
樓主問得太簡單喇。
先問要養咩珊瑚？水喉水可以勉強養到LPS，而SPS就只可以用純水或者廁水至養到。前者同後兩者o既最主要分別其實在於當中o既NO3同PO4含量，而能夠過濾呢兩樣o野o既，暫知o既就係RO（反渗透膜）同DI（特殊去離子樹脂）兩種濾芯，佢地都係珊瑚缸用純水機o既最重要部份，其他o既棉卅炭芯其實同一般o既濾水器無分別。所以純水機養到珊瑚（特別係SPS）o既最主要原因係佢解決左NO3同PO4 o既水質污染問題。
再講家用濾水器，除非佢講明有RO同DI呢兩支濾芯，否則我相信咩牌子都好、點再高科技都未必啱養珊瑚用，因為佢地o既設計都係供人飲用，濾除NO3同PO4都唔係佢地o既重點。又不過就算畀你搵到部家用濾水機可以過濾到NO3同PO4，咁個開支問題呢？呢啲機o既月費或者換芯o既費用一定唔會平過珊瑚缸用o既純水機，可況魚缸用水量一定多過飲用量好多，開支更大；如果唔係，家用濾水器己經取代左純水機。一機兩用邊個唔想？但實情係兩部機o既用途唔同，未必可以一雞兩味。樓主重有懷疑，大可以去佢地啲門市試o下拎少少水返屋企Test o下，好過亂咁估估o下。
多謝c兄經驗，正在研究中 鑽石水，只是普通濾水器，無咩特別 咁如果只用RO水，沒有DI芯，有咩分別呢？
Thx 本帖最後由 小魚毛 於 2017-5-14 16:04 編輯
andykmy 發表於 2017-5-12 22:11 static/image/common/back.gif
咁如果只用RO水，沒有DI芯，有咩分別呢？
Thx
純水機o既結構係：棉－＞碳－＞RO－＞DI。
RO係終極機械式過濾，微細如細菌都可以濾除，但係一啲化合物（eg.氨NH3）就要靠DI以離子交換方式濾除。
市場上有過以：棉－＞碳－＞DI 方式過濾o既產品（API－－Tape Water Filter)，市場反應一般。至於好似樓主咁諗o既設計，暫時未見有「婆突」，講唔到畀你聽效果。不過樓主有興趣自行組裝都唔難，可以自己試o下做白老鼠。
有關於針對水族用濾水設備的討論，我見過最專業最詳細o既，就應該係呢篇：
自來水水質處理淺談
樓主可以自己參詳o下。
頁:
[1]