海水領域 SeaFishZone

標題: 小丑魚打架 [打印本頁]

作者: mike1122 時間: 2022-5-2 22:23:14 標題: 小丑魚打架

本帖最後由 mike1122 於 2022-5-2 22:24 編輯

大家好, 我24魚缸, 養左2條小丑 (1條係黑白小丑, 另一條係禮服小丑), 黑白小丑身形大禮服小丑一半, 黑白小丑入左缸半年先之放禮服小丑入去, 開頭3個月都冇事, 之後黑白小丑就開始咬禮服小丑條尾, 咬到條尾冇左一半, 我隔開左條禮服小丑係網袋, 一隔就隔開左2年

, 而家試過一放返條禮服小丑出去, 都係即刻比條黑白小丑逼去魚缸角落, 各位師兄有冇咩建議???? 係未換過D石既位置會有幫助?? Thanks

作者: 小魚毛 時間: 2022-5-2 23:42:15

要困o既應該係打人o個條！受害者被隔離，佢就永遠無機會適應個缸，而條惡魚就一路保持強勢霸佔個缸，咁兩條魚係無可能挾到。

如果有一開二o既隔離兜，就兩條一齊兜起，迫佢地日對夜對，間唔中抽起中間塊隔離板，畀佢坡「溝通」o下，可以加快佢地互相「了解」。

換石改景係會有幫助，但你兩條魚身形差咁遠，一定要先隔起條大魚，等條細完全適應個景，至好試放條大魚出呢。

落魚要先善後惡、先細後大，唔跟呢個原則，打死都未得天光。

作者: trusky 時間: 2022-5-3 15:19:19

C 兄你好.!

我都想請教下....我有3條公子小丑, 體型為大, 中, 細. 原本中, 細小丑是一對買回來, 無打. 但我朋友比左條大小丑我...依加條大, 中變左一對. 反而兩條一齊打細嗰條. 所以我已經隔開條細. 請問我是以要買多條比佢配返一對呢? 有無方法和平共充處呢!
我另有一條番茄, 同黑魚小丑呢?.. 番茄有時會追打大小丑.

作者: 小魚毛 時間: 2022-5-3 23:25:31

本帖最後由小魚毛於 2022-5-3 23:26 編輯

人都唔會3+1=2x2 ，可況係魚！？加條魚落去，只會令到呢段關係更加複雜。唔可能解決到問題，

魚打交係為咗爭地盤、做大佬，所以當原來一對遇到第三者入侵，而呢位第三者條件又好，咁就無辦法唔家變，弱者只會被fout，執翻條命算好彩。

係要迫你呢三位公子成為一家人，可以試o下用翻一開二隔離兜呢招，先將阿細&阿中兜起分隔，間唔中抽起隔板，無阿大喺度，佢兩個會慢慢回復舊關係。跟住再一大兩細咁分隔，只要中細兩條困埋一齊都唔打，條大被迫對住佢兩個，慢慢就會接受呢兩條魚同時存在o既事實，再間唔中輪流放阿中、阿細過去會o下老大，最後就可以畀佢地三個喺埋一齊。留意你而家係改變緊生物o既習性，無能可能好似撳掣咁即刻搞掂，玩幾個月至大半年係平常事，一定要有耐性、小心觀察同埋不斷嘗試。

作者: 小魚毛 時間: 2022-5-4 00:13:50

蕃茄又好，黑仔又好，公子又好，全部都係小丑魚，彼此都會視對方為競爭對手，放埋一缸就難免有打鬥。

蕃茄最惡，黑丑好揪，所以就算你搞掂三位公子，唔等於就會世界和平，大公子帶住兩個細o既，會同蕃茄爭做缸主⋯⋯

小丑唔係善男順女，爭地盤、大蝦細，打到死為止，係好平常事。缸大，有足夠做景石，有助小丑各自劃分地盤，減少鬥爭。如果係珊瑚缸，落葵、落LPS都可以畀小丑做藪，更易劃分地盤。但如果係FOT，就千祈唔好咁玩，FOT玩混養，根本就係Mission Impossible，加多兩嚿黃骨落缸算啦。

作者: trusky 時間: 2022-5-4 08:04:46

C兄你好！

唔該哂。睇嚟唔容易做到三魚行。有排隔離。我會記住先治左啲又大幾惡嗰條先。多謝指點。 🙏🙏🙏🙏

作者: 小魚毛 時間: 2022-5-4 23:00:34

trusky 發表於 2022-5-4 08:04
C兄你好！

唔該哂。睇嚟唔容易做到三魚行。有排隔離。我會記住先治左啲又大幾惡&#22000 ...

提多一句。
用換景方法係有助縮減隔離時間，不過以你情況，建議試試以下程序：
1)兜起二、三公子，直到佢地舊情復然為止；
2)兜起大公子&蕃茄；
3)砌石換景，新景確保有足夠窿罅位畀啲魚匿埋&休息；
4)等其他魚完全適應個新景後，至放大公子&蕃茄出呢。
一次未必work，唔得就兜起佢再呢過。

作者: trusky 時間: 2022-5-5 11:05:09

C兄你好!

收到哂.......我會改下影, 加石景比佢地做匿下, 因本身石景唔夠多, 藍吊, 帆, 日本吊, 綱綫己用哂來瞓覺.

謝謝你幫忙 !!

作者: 殺破狼 時間: 2023-2-24 19:24:45

歡迎光臨海水領域 SeaFishZone (http://seafishzone.com/)