海水領域 SeaFishZone

標題: 跪求各位尊敬師兄師姐教導。 [打印本頁]

作者: Taylor 時間: 2024-11-19 17:39:08 標題: 跪求各位尊敬師兄師姐教導。

係咁，一直以來都係fot,而家想轉lps 或葵。
爬過大量文（唔同網站）
有好多人話葵好粗（尤其是公主同奶咀），亦有人話葵好難照顧。

想問，葵易養定粗生lps易（爬文話皮革粗）
現有設備24寸fot (150升水），二條丑，二條魔，十二升環，開缸一年。有化痰。
天氣開始涼，估計唔使水冷。

目的，想個缸靚少少，養葵或易養軟野都得。

歡迎指導，感激不盡。

作者: Taylor 時間: 2024-11-19 17:45:13

數據冇度，冇死過魚。開缸就尼四條。

作者: Kekw3310 時間: 2024-11-19 18:07:46

本帖最後由 Kekw3310 於 2024-11-19 18:07 編輯

NP, 燈明, CA MH KH等元素?

本身有無石比葵固定?
或者有無石可以做到高低放珊瑚?
水流夠唔夠?

粗生LPS某程度上易過葵, 至少唔會走黎走去
千手/皮/扣/草皮/聖誕樹等等都可以一試

作者: Taylor 時間: 2024-11-19 18:27:05

首先感謝
Np 冇度過，燈係普通燈，可買過新
冇石，可買
就咁普通fot
2500升sicci（意大利牌子）上水泵，冇造流。（可買）
葵除左鐘意走佬，同走入造流搞爛之外有咩缺點？

如果養葵，買生物石，放上去就得？
再次感謝

作者: Kekw3310 時間: 2024-11-19 19:05:58

本帖最後由 Kekw3310 於 2024-11-19 19:07 編輯

Taylor 發表於 2024-11-19 18:27
首先感謝
Np 冇度過，燈係普通燈，可買過新
冇石，可買

走佬係最大問題, 有機會燒到其他珊瑚, 最嚴重係打散自己影響到水質
通常走定吸實就唔會再走, 可以試放左葵之後先落珊瑚
如果有凹凸位佢會比較易固定自己, 你放既位置亦都未必適合佢

有人會放落海葵兜, 不過大小會某程度上限制左無辦法完全伸展
好唔好用見仁見智

作者: Taylor 時間: 2024-11-19 19:16:31

Kekw3310 發表於 2024-11-19 19:05
走佬係最大問題, 有機會燒到其他珊瑚, 最嚴重係打散自己影響到水質
通常走定吸實就唔會再走, 可以試放左 ...

感謝
唔會養晒兩樣

邊樣易養邊樣

聽閒，放舊石，四圍鋪薄沙
就唔會走佬

再次感謝

作者: Kekw3310 時間: 2024-11-19 19:22:28

Taylor 發表於 2024-11-19 19:16
感謝
唔會養晒兩樣

係, 沙面唔會爬到
可以獨立島度比佢固定

作者: kamkam1999 時間: 7 天前

睇咩葵奶嘴果D要比個兜佢有風吹頭 patpat無流就坐得好定地毯一定要有沙係底

作者: Taylor 時間: 6 天前

kamkam1999 發表於 2024-11-21 09:25
睇咩葵奶嘴果D要比個兜佢有風吹頭 patpat無流就坐得好定地毯一定要有沙係底

感謝意見

作者: 小魚毛 時間: 前天 17:46

本帖最後由小魚毛於 2024-11-26 17:46 編輯

FOT同珊瑚缸係兩個完全唔同o既系統，樓主請三思。
睇o下個海，有珊瑚o既水域，一定會有魚共存，但調翻轉，有魚生存o既地方，未必有珊瑚可以生存到，所以珊瑚對水質及環境o既要求，其實比魚高好多好多。FOT只係以滿足魚對水質o既基本要求去設定器材，葵又好，lps又好，放得佢地落缸，個缸就唔再係FOT，你希望以現有o既條件去養珊瑚，只會係買完又死、死完再買o既無間地獄。

作者: 小魚毛 時間: 前天 17:47

珊瑚軟體生存o既要求包括四大項：水溫、水質、光照、水流。
坊間傳言葵比較易養，係因為葵對水質要求比珊瑚底，但佢地對水溫要求同一般珊瑚無異，樓主第一樣就拒絶加水冷，葵只可以喺28度以下生存，高過呢個水溫就會慢慢溶化，香港兩三星期前o既室溫都仲可以去28度，無水冷o既魚缸水溫喺全年低過28度o既日子恐怕唔多過四個月，咁其餘嗰八個月，ching係咪諗住暫停唔養住？
全世界各地區o既溫度都唔同，歐美、中國北方，佢地全年溫度都低過香港好多，水冷根本多餘，一枝暖管就夠。但香港唔同，你可以考慮屋企廿四小時長開冷氣，不過幾個月o既電費，應該夠你買部水冷機。

作者: 小魚毛 時間: 前天 17:49

本帖最後由小魚毛於 2024-11-26 17:51 編輯

水質係養珊瑚o既基本入門課，ching爬過文，我無謂覆述。光照、水流其實同珊瑚(lps VS sps)一樣，每種葵o既要求都唔同，好難一概而論。

我敢講全世界到而家都無人可以斷定有咩方法令隻奶咀唔走，唔好信咩海葵神器，求神拜佛可能仲有效過佢。地毯最好唔好掂，你隻手都會痕，魚就更加唔洗講。公主海葵係比較易養，但佢對光照同水流要求係sps缸o既級數，我個缸嗰位公主落缸都有七、八年，但最近都開始身痕通缸走......

作者: 小魚毛 時間: 昨天 00:52

LPS好，葵又好，佢地都比魚難服侍好多，將佢地視為魚缸o既裝飾品，就注定唔可能keep到喺你個缸度。

如果個缸起白點，你會放棄軟體，落藥救魚？還是會保住葵&珊瑚，有得啲魚自生自滅？

歡迎光臨海水領域 SeaFishZone (http://seafishzone.com/)