海水領域 SeaFishZone

標題: 蝶魚樂趣 [打印本頁]

作者: G-force 時間: 2012-3-8 15:10:26 標題: 蝶魚樂趣

有很多魚友問養蝶魚要有注意什麼地方. 正正顯示蝶魚是非常受歡迎的魚科. 蝶魚比魚友高貴華麗的感覺, 身體扁平, 色彩鮮豔, 如海中蝴蝶一樣. 但蝶魚也給魚友較難養的感覺, 怕羞, 開口難, 體格弱又唔夠仙魚打. 事實上蝶魚的確比仙魚要較多心機照顧. 可以說是又愛又恨. 這網站很多養蝶高手, 比小弟更有經驗, 如有問題可以多出post問問各大師兄/姐. 今次希望同新手魚友分享養蝶魚的個人心得, 講錯有請師兄姐修正.

蝶魚主要分佈在珊瑚礁的大西洋，印度洋和太平洋，大約有120 種. 成年蝶魚主要、體長由 12至22厘米的長度。最大的品種月光蝶, 可以增長到20-30厘米.

蝴蝶是在海中產卵, 釋放許多魚子, 除水漂浮，直到孵化, 所以難以在家中自行繁殖。蝶魚多以群體的方式在豐富石珊瑚的地方生活. 所以很大部份都以石珊瑚為主食. 一般來說, 生活超過20米水深的蝶魚因食物方面與淺水不同, 多半是雜食牲的, 比較容易適應人工飼料的餵養. 但生活在淺水區的蝶魚, 因有豐富珊瑚群, 很難改口味, 拒食非常普遍, 所以蝶魚多屬難養等及. 與仙魚不同, 比安靜環境返而其次, 幾有態的蝶魚, 不倫如何在魚店啄缸邊,
如何啄魚屍, 回家總是不吃糧就是這原因.

所以選擇仙魚很多師兄會留意條魚有沒有態, 有沒有留意四周, 有沒有啄缸邊. 選擇蝶魚第一樣看的是看品種是否難養, 魚態才是第二重要條件. 師兄經驗告知, 蝶魚在魚店缸中游泳的比在集中營的更好養, 小弟選擇心水蝶魚時也是在大缸的, 原因是更加容易觀察魚態.

決定好魚種後, 選擇好態蝶魚也十分重要, 蝶魚和仙魚不同, 沒有水印和很少變淺或深色, 不過魚友可留意魚呼吸是否正常, 太急可能中毒. 魚身有沒有收背, 身, 嘴和魚鰭有冇爛. 新買蝶魚回家後就要對水對温. 建議Q足14天. 蝶魚是可以受得FWB的. 魚友可以Q數天後, 等條魚安定才做5-10分鐘FWB. 其他藥物如銅藥, TDC, USA也可以受得的, 但最好分量輕手小小.

蝶魚是可以一對對養的. 對其他蝶魚也沒有仙魚般惡, 相容性較高. 因蝶魚在海中四周啄食, 如果可以, 平日最好一日餵2-4次.

正因為蝶魚食珊瑚同等中國人食飯, 不建議魚友在珊瑚缸養, 除非目的是養蝶而非珊瑚吧. 如新手想試下養蝶魚滋味小弟會建議養容易食粒糧品種, 有一定經驗魚友也可養中難蝶魚.

容易- 指蝶魚中最粗最易食人工飼料.
中難- 指要放小小心機的蝶魚種
困難- 不是養不到, 但因天性問題, 不吃人工飼料, 除非你有那品種所需食物, 建議新手不要試.

水質好不用說是養蝶魚的基本要求, 不倫平貴, 一般都要過 N-cycle才可養, 因蝶魚冇魔那麼粗, 少少NO2, ammonia, 已可以殺死蝶魚, 當然有個別成功例子, 但都鼓勵魚友唔好因為平或以為人地會死魚自已唔會的心態用蝶魚開缸.

一般養蝶魚水質參考指數如下:

亞硝酸鹽 NO2 = 0~1
硝酸鹽 NO3 = -50
水溫 Temperature = 22~27
酸鹼值 PH = 7.8~8.4
比重 SG = 1.018~1.025

以各師兄的經驗所得, 及個人經驗, 以下介紹蝶魚是容易級數, 只要一般照顧便可, 容易食人工飼料, 非常適合新手/老手.

麻包蝶
大溪地蝶
關刀
鬼刀
金刀
紅海金蝶
雙印
金雙印
人字蝶
假人字蝶
西非蝶
金丁
黑丁
黄網
皇帝蝶
單印蝶
白眉蝶
斜紋蝶
白腳斜紋蝶
鑽石蝶
下次同大家繼續研究…

作者: G-force 時間: 2012-3-8 15:11:41

有很多師兄姐養到某段功力後, 就向中難蝶魚挑戰. 所為中難蝶魚系指要放心機的蝶魚種. 有魚友嘗試養中難蝶魚時都有不同經驗, 除了魚缸setting因人而異外, 同種個別魚體都有不同經曆. 養中難蝶魚時最好有難開口的心理準備, 做足準備功夫. 小弟層經養過3次金月光, 第一次死唔食野, 第二次食紅蟲同豐年蝦, 試過用片糧包紅蟲, 但條魚好醒地只吃中間條蟲, 唔食片糧, 結果又養唔耐. 第三條在大堡買, 只有1”但Q魚後不久就啄粒粒. 依種情况比仙魚更普遍, 所以養蝶比養仙難觸摸. 大多仙魚,皇帝, 白尾, 太后, 北斗, 藍面, 一般回來都容易食粒粒, 要用到生口野比較少. 如以上仙魚唔開口, 可能條魚太大或有病, 但蝶魚不同. 要用到生口野比仙魚較多.
其實中難蝶魚都可以分級. 佢地之所以比較難養, 主要是因為幾個原因:
1. 開口問題 2. 食物種類 3. 體質對水溫及水質變化 4. 以及缸內同住魚性格.

開口問題係養蝶魚最大挑戰, 除左蝶魚在海中的食物比較特別外, 仲包括獵食方法. 難度高的蝶魚, 因只食珊瑚, 仲要係只食某品種珊瑚而唔食人工飼料, 不太適合在魚缸飼養, 不過,
有些蝶魚很可能在各食物豐富的環境下生長, 雖然以珊瑚為主食, 但有小型生物作副食, 這些魚難度雖較高但又有機會接受人工飼料. , 下次同大家傾下小弟的引開口心得.

令外,養蝶魚水質一定要穩定, 要成功, 首先要睇個缸死魚record. 如過往四星期內魚缸有不停死魚, 有大小白點, 或水温有32度以上, 就最好改善一下先. 其實大部份珊瑚魚是可以有十年命或以上的, 分分鐘長命過d貓狗. 只要你保持水質好, 環境好的話, 蝶魚都可以養到以年計.

水温方面, 由於蝶魚生活在珊湖礁中, 平均維持在24-27C左右, 但因香港天氣炎埶, 35C都有, 這高水温會令魚兒免疫力减低, 易生病或死亡. 有魚友可能會在冬天養到蝶魚, 免疫力回復, 夏天沒有水冷都養到. 小弟覺得, 養到唔死並非養得好. 條魚唔死是好彩而非福份, 就算FOT, 最好用水冷或風扇保持24-27C. 有些蝶魚, 如日本黑蝶, 水温最理想更加要到22-24C.

好, 首先同大家介紹一些中難蝶魚. 其中幾種蝶是少數在大海主要食珊瑚而會在魚缸接受人工飼料的蝶魚‧這蝶魚不是很強壯, 所以要小心選擇.

Yellowhead butterflyfish 金月光蝶
Three-banded butterflyfish 加納蝶
Copperband butterflyfish 畢畢
Wrought iron butterflyfish 日本黑蝶
Atoll butterflyfish 橙尾蝶
Pearlscale butterflyfish 紅尾蝶
Teardrop butterflyfish 日食蝶
White-face butterflyfish 白面蝶
Longnose butterfly fish 長嘴檸檬
Highfin coralfish 澳洲法蝶
Pebbled butterflyfish 卵石蝶(白虎文蝶)
Pakistan butterflyfish 紅尾硃蝶

養蝶魚準備功夫, 除了Q桶,用藥和FWB外, 小弟覺得以下用品可以幫條魚加快回升狀態.

Stress Guard

Seachem 出品除了大家認識的Paraguard和Cupramine外, 其實佢有一隻叫Stress Guard的產品, 是用來幫魚減壓的. 除新魚壓力極大外, 舊魚要搬家都有機會嚇死(係真係嚇死左條魚.) Stress Guard 可以減低壓力, 如鎮定劑. 可同其它藥共用, 但廠不建議和銅藥一起落.
http://www.seachem.com/Products/product_pages/StressGuard.html

Entice

除蒜汁外, Entice是一支Seachem 出品的味道加強劑, 說幫助難開口魚引開口, 不過小弟對這支產品沒有太大期望. 如各師兄想試也無妨, 因Entice是天然產品造的. 不過小弟有一大發現, 就是原來未有科學證據證明蒜汁幫助魚兒開口快d同抗白點, 有人層去信Seachem問蒜汁對白點的功效, 但回覆是只是市場一般認為可以, 厰方才出蒜汁產品. 有demand…自然有supply.
http://www.seachem.com/Products/product_pages/Entice.html

MaxAmino/ Amino Mega

正是安基酸. 安基酸會幫魚引開口, 好大魚[湦]味, 小弟覺得D魚仲意湦味多過蒜味, 係用來令魚生肉的天然保品. 收背或太瘦可以谷肥返.
http://www.finsdepot.com/product/New-257402587

體型方面, 蝶魚和仙魚一樣細條比較易開口, 最好養是吋半至三吋半左右. 太細條因體質太弱, 容易死亡, 太大因習慣海中生活, 養唔長.

蝶魚是受得銅藥的, 但不建議主缸已有銅而放條新魚落缸, 只要新魚落缸後習慣了水質, 慢慢落銅藥是可以的. 新買蝶魚回來可用甲基藍Q魚. 其實甲基藍是可以用在咸水的. 除左No.10外, 有其它牌子証明可用在咸水的.

http://www.novalek.com/kordon/methylene_blue/index.htm

"It has been suggested that newly arrived marine fish placed in Methylene Blue can have their survival rate increased as Methylene Blue aids in the reversal of nitrite and/or cyanide poisoning."

to be continue

作者: G-force 時間: 2012-3-8 15:12:47

講到養蝶魚, 最難就係開口了. 如果條魚一回家便吃粒粒就當然最理想, 但當然有時D魚好唔聽話, 唔食, 令魚友好頭痕.
如果仙魚不吃人工飼料, 可以用提子草或菜頂肚, 蝶魚就麻煩多了.

以小弟之建, 魚友可以首先用Entice或Maxamino浸D細size的魚糧. Spectrum有D好細size的魚糧, 比Sure細糧還要細. 浸冧左的魚糧對蝶魚來說可以講唔駛咁硬. 如數日後條魚還不吃糧, 可能要改變戰略了. 有魚友會堅持用乾糧引魚開口, 如唔食就由他. 怕生口糧會仲壞, 日後改唔到口. 當然有大師級師兄姐成功用這方法引開口, 不過小弟令有方法同蝶魚發燒新手分享, 希望更多魚友成功.

以小弟之見, 要養到蝶魚, 首先要佢開口食野, 填左肚先再用轉糧法令蝶魚轉糧.  轉糧法其實係動物訓練, 相信同馴獸師訓練野生動物差不多. 以前記憶令動物學習. 蝶魚喜歡食肉, 魚友可以準備以下食糧比蝶魚:

1. 買條難開口的蝶魚時同時買魚苗粉裝魚糧, 升輝有售, 或Cyclop-eeze, 黑店有售. 如家沒有、安基酸或維他命或蒜汁可買一支用.

2. 回家後用Q缸Q魚, 加小山洞等條魚安靜, 如膽少魚這山洞非常有用. 落Stress guard可幫魚兒減壓. 食物準備方面, 如兩三天還不吃粒或片糧, 可以不數小匙魚苗粉落小杯子,

加數滴安基酸或維他命令魚粉變糊. 再加小小粒糧或片糧混合好後放入雪櫃等乾. 要餵食時把魚糧糊塗在蜆殼上. 一般中級蝶魚都會試食.

4.日子久了, 魚兒慢慢地接受了這魚糧氣味就可以開始唔再用蜆殼, 但繼續用佢熟識的安基酸或維他命浸粒糧. 由於氣味相似, 魚兒記得這味等如食物, 就會繼續進食. 再過一陣子, 當魚兒見慣粒糧的樣子, 也記得之前食過的浸冧粒粒, 樣貌, 也會知道係食物, 到時一放魚糧自然搶食, 成功轉糧.

難度高的蝶魚, 可以講係差不多冇可能養到. 有魚友會試餵毛蝦, 豐年蝦或紅蟲. 但之後又不吃或食住瘦, 結果開心一時, 又係養唔長. 以下是小弟認為係難度指數爆燈的蝶魚:

Oval butterflyfish 冬瓜蝶

Blacktail butterflyfish 紅海冬瓜蝶

Eastern triangular butterflyfish 葵扇蝶

Arabian butterflyfish 阿拉伯蝶

Ornate butterflyfish 金風車蝶
Scrawled butterflyfish 黑風車蝶

Blueblotch butterflyfish 藍印蝶

Mailed butterflyfish 黑瑪莉蝶

Chevron butterflyfish 排骨蝶

Hooded butterflyfish 貴族蝶

Bluelashed butterflyfish 太陽蝶

小弟對這些蝶魚成功養到沒有太大把握, 以前層經用以上轉糧法引到1” 吋冬瓜蝶BB開口, 不過後來我朋友養珊瑚缸, 送左比佢, 一來佢ok, 二來希望條魚生存機會高D. 之後一直都冇試依類級數蝶魚, 直至09年底成功用轉糧法養到十一間仙後, 再試紅海白面及貴族蝶.

十一間仙, 因天生嘴細, 怕羞, 唔食慣粒糧的個性, 令很多魚都唔敢試. 以前人經驗, 一般豐年蝦或紅蟲都引唔到開口, 但小弟在貓屋觀察, 十一間仙喜歡在生物石上啄野或用對眼找些很小的東西, 唔知找什麽. 不過我知十一間在野外是食肉的, 所以想, 如果石上有玻璃蟲, 佢咪姐係食同玻璃蟲差不多大細的水蚤? 後來去一間魚店order 左支美國急凍水蚤, 用轉糧法引開口致食粒粒:

1. 同一Q魚方法, 落stress guard令魚安定.

2. 用急凍水蚤餵食, 不用檐心餵頭幾次不吃.

3. 當魚兒成功開口後, 繼續餵食兩三次等飽肚,
美國急凍水蚤比豐年蝦或紅蟲營養數倍, 蝦紅素又高, 所以不怕短期內食住瘦.

4. 之後等條魚習慣D水蚤味後, 加入片/粒糧浸冧, 令片/粒有水蚤味, 一起餵食.

5. 再等一段時間, 片糧比例增加, 就自然成功食片/粒糧.
致於高難度蝶魚, 轉糧法是以上兩個方法混合. 由於蝶魚不慣食浮游食物而啄食多. 所以我一開始就用青口引開口, 由於青口比蜆易啄, 冇咁UN, 加上營養豐富, 包括鐵, 蛋白質, 錳, 亞磷酸, 硒, 鋅, 維他命C, B12, 以及非常豐富亞米加-3. 仲有, 小弟覺得青口比其他生口野乾淨. 只要用清水洗一洗便可.

1.魚友可以一早去超市(大昌, 吉之島)買包急凍青口連殼, 解凍一隻連殼放落西起蝶魚的西或Q桶. 相信好多難養蝶都忍唔住.

2. 之後魚友可以在青口肉內夾魚苗糊糧, 好似漢堡飽咁, 青口連殼. 等條魚啄食時啄到d粉糧. 令魚知道魚苗糊糧都係食物. 加上令魚兒記得青口殼就有野食.

3. 過一段時間, 當魚習慣食魚苗糊糧後, 魚友可以把魚苗糊糧塗上青口殼上.

4. 重覆第一個轉糧法致食粒粒.

當魚友每一次做一件事, 令條魚知道有野食, 等條魚從氣味, 物件上學習, 改變餵食的種類. 當然每條魚學習時間不同, 所以魚友不要心急.

不過魚友不要忘記, 難度高的蝶魚此終是天生食珊瑚, 除左定時餵珊瑚或市面出珊瑚糧外, 魚友只可以餵不同食物令魚吸收不同營養.

作者: G-force 時間: 2012-3-8 15:13:12

AR, 仲有, 當師兄把魚糧混合生口野食時餵魚, 有d魚會好聰明地只吃生口野, 唔食片或粒糧, 咁又點呢?

小弟有一方法, 要準備鮮蝦同魚苗粉. 把蝦肉用刀打到變蛟, 然後加魚苗粉mix 好, 放入雪櫃. 餵食時就解凍少少, 放在蜆殼上, 條魚就會啄食蝦肉, 連魚粉一起吃.

片中件蝦係大少少, 不過飛出的蝦肉好快比缸中大魚清晒. 如果師兄化氮強又常換水的話, 一星期餵兩次都ok的. 兩條貴族見到已發狂已經兩個月啦

http://www.youtube.com/watch?v=3TUlicrmnMo

作者: brian 時間: 2012-3-8 15:41:52

好詳細有用,記低先