海水領域 SeaFishZone

標題: 開口問題淺談 [打印本頁]

作者: G-force 時間: 2012-1-16 21:26:03 標題: 開口問題淺談

好多師兄買新魚返離, 對完水對完溫, 第一個問題要面對, 就係開口問題. 其實o吾只新魚, 有時舊魚都會收口. 要魚兒返口其實都幾頭痕. 小弟都碰唔少釘, 但都想同大家討論下, 希望曾加成功機會.

當新魚在店內時, 最好返了數天, 魚兒慢幔回魂, 就會見到條魚態. 最好當然係叫魚店餵一次俾你睇啦. 但如果唔方便既話, 可留意條魚有冇啄缸邊, 或見泡泡就啄, 如果有, 開口機會會大些.  新手好多時唔識問, 或唔敢問, 只好靠自已眼光, 博一博.

首先小弟想建議新手, 買魚前, 請先知道自已買條乜魚先, 條魚天生食乜同有乜性格. 事先做好功課,了解條魚先考慮買o吾買. 唔好因為條魚靚, 一時衝動買回家. 浪費金錢和小生命.

所以今次討論魚兒開口問題, 只包括容易, 及中等級數魚兒. 高難度魚兒, 因為天生食糧有別要求或其他原因不適合人工自養, 不開口也是正常現象.

魚兒唔開口, 有好幾個原因:

1. 壓力
2. 餵錯食物
3. 食物唔好味 /唔似樣
4. 錯size

現在每個原因作詳述:

1. 壓力
壓力可以講系魚不開口最大主因. 好多容易至中難度魚, 如果降低魚魚壓力, 大多開口. 不過....壓力有好多種:
a. 水壓
b. 疾病
c. 中毒
d. 水質
e. 受驚
f. 環境 - 陌生
g. 環境 - 舊魚
h. 受傷
i. 受監視
j. 消化器官失調

水壓問題指魚兒從深海捕捉到水面, 減水壓程序. 如果時間不足, 魚兒不適應, 自然無胃口. 加上上水後又要入袋, 加藥水, 運來運去, 上飛機, 再運去魚店, 對水一兩日, 又比人捉入袋,....

包裝魚兒途中, 如果有少少細菌, 魚兒有機會有疾病問題, 爛肉爛鰭, 爆身在魚網見不少. 新魚內部發病一兩日, 表面看不出的, 到爆身爆到外面已經太遲....

中毒問題其實比想像中重要. 不只系阿摩尼亞/ 亞硝酸鹽這些典型的毒. 中毒還包括由捉魚到魚店所用的一切化學藥物. 例如銅, 福馬林, 抗生素等等...令魚魚長命少少賣出魚店, 但不能治本的份量. 銅和福馬林系會令魚兒收口的藥物. 最好不要開頭用離 Q 魚. Cyanide捉魚現在仍然普遍, 之前有文章介紹用 Methylene Blue減低魚兒血液中,因為捉魚時吸入的Cyanide. 減低魚魚突然死亡的機會.

水質系魚友可以控制的一環. 出水印, 生石, 都系魚兒身體對水質不適應/不合要求的信號. 魚不懂說話, 但魚友應該明白信號的意思la.

受傷- 很明顯, 受傷的魚對食物無興趣系好正常. 但有時其他傷如, 顎受傷, 口內生棉花嘴, 外表是看不來, 這些魚兒想進食都有困難.

環境- 舊魚有時令新魚難開口. 新魚正在學習進食時, 舊魚就衝出追趕. 攻擊..  魚友有時觀察不到. 當然魚友會見舊魚追新魚, 有時魚兒溝通不用攻擊, 新魚會明白舊魚想點, 如誰是老大, 誰可以共同進食……所以, Q缸自己一條魚, 可以減少環境壓力.

受監視 - 動物正常反應, 見人類捉魚, 自然害怕人類, 捉回來見人類, 你估胃口會幾好? 魚友在魚兒眼中, 同捉魚的人無分別. 所以魚見你行近, 就閃….你想條魚進食, 但你正在監視, 魚兒正常反應都系走多過食. 所以魚友要令新魚對你改觀, 覺得你無威脅, 先安心.

消化器官失調 - 魚兒會因為幾天無進食, 消化細菌死亡, 加上如果體內有寄生蟲, 問題只會更複雜. 魚兒食住瘦, 有可能系E個原因.

以上有些因數不是魚友可以控制, 但知問題所在, 就希望可以拯救.

今次談餵錯食物...

2. 餵錯食物

高手有時都會犯錯的問題, 餵錯食物當然吾系叫你餵牛排比魚食la…..餵錯食物意思系條魚覺得你餵的魚糧ARM 吾ARM食, 同時間, 魚態, 餵食方法 3方面配合有很大關係. 就算魚糧arm, 魚態好, 但時間吾arm, (如晚上回家, Q缸立刻開燈, 條魚仍然未睡醒), 餵魚都無反應.

餵新魚時, 好多時條魚會食完吐返出離D食物, 如果條魚無壓力問題, 這通常意思系條魚願意開口食糧, 但當時覺得D食物吾對路, 味怪怪. 魚友可以有兩個方法, 一, 等條魚自己適應, 通常容易開口的魚兒可以用方法一, 不過如果條魚繼續吐或中難度魚, 就要試其他糧.

魚友當然吾會知道條魚在海中食慣什麼食物, 有時同類形魚都會因為附近某種食物豐富而食開某種食物, 所以吾一定某仙魚喜歡食蝦, 其他同種仙魚一樣喜歡食同種蝦….有科學家發現某種雞泡魚在某地方食海綿為主, 因為那地區海綿充足, 但第二個地區發現同種雞泡魚食蟹多, 吾食海綿. 魚又不懂說話, 魚友又點知條魚食開什麼食物啊? 答案系吾知道!! 這也是大挑戰….估中有獎!!

好多魚友都誤信其他魚友經驗, 認為某某牌子魚糧對某某魚容易D開口. 因為我條魚得, 所以你條魚都應該得! 其實這是不正確的. 講真, 你信吾信全香港個個喜歡食嗅豆腐? 當你條魚開始開口進食, 主要原因系因為條魚時間, 魚態, 餵食方法3方面配合好, 條魚自然反應去獵食. 如果吾系, 條魚吾會食完吐食完吐la. 小弟之前讀過毛巾開口的文章, 有魚友介紹用Tetra bits引毛巾開口好有效, 我嘗試好多次, 但開口的毛巾, 無一條喜歡Tetra bits...

3. 食物唔好味 /唔似樣

食物選擇到底有幾重要? 其實都重要, 但有時點餵魚都會影響成功率. 魚糧如果是浮動狀態, 會刺激魚兒狩獵程式, 追捕食物. 但如果魚糧只是浮面, 或沉底, 沒有動靜, 吸引力會減低. 所以, 游水豐年蝦會比急凍豐年蝦更吸引, 同樣, 給氣pump打動的魚糧, 比只浮面魚糧更吸引. 如果魚友想訓練魚魚不吃珊瑚, 只吃魚糧, 可以從開口開始訓練, 令魚魚只吃浮動狀態的食物.

食物好唔好味, 比浮動唔浮動食物排得後D, 如果條魚唔介意魚糧浮唔浮動, 味道唔好, 唔似樣都會令條魚吐出食物. 有魚在海中喜歡食軟珊瑚的, 魚友可以浸林D糧先餵, 有D魚在海中喜歡食硬野, 魚友可以放粒粒試試. 無一公式正確答案, 只有調節到條魚喜歡, 才是正確答案!!

4. 錯size

剛才提到如果方法一唔work, 就要轉方法二. 有D麻煩中難度魚, 會因為魚糧size 問題唔食. 小弟現在Q緊兩條魚, 開口算已經開口, 但不搶, 食得好[脂油]. 之前餵Sure細糧, 兩條魚唔like, 我再換再細D魚糧, 因為個口唔駛開gum 大, 兩條魚就食la…..細糧好味D? No, 只系size 問題.

開口小Tips

如果有人工繁殖魚種, 最好買人工繁殖魚, ED魚一出世就食魚糧, 對粒粒一點也不陌生. 開口容易很多. 但如果沒有人工繁殖魚種, 叫魚店餵一次也可以. 當然你看中條魚先好叫la….有D魚店唔會餵給你看. 可能魚店會同你講開左口, 但千期唔好信, 信自己眼光, 觀察條魚精唔精令, 有無四圍望, 留意肚有無膨脹, 鰭有無裂, 嘴有無花. 有時魚店會同你講開左口, 可能你指錯魚, 或老板忘記邊條開邊條唔開. 有D不誠實老板更加話全部開晒口….

1.       除去所有壓力因數

首先, 最好除去所有壓力因數, 用不透光Q桶 Q魚14日, 等條魚安靜舒適, 期間加Prime, check溫度, 細魚可以加件石或假山洞, 安全感大很多. 頭兩日可以加少少黃粉/ Methylene Blue或Paraguard 殺菌. 如果系仙魚, 魚友又要返工, 可以加水草落Q桶, 條魚開頭唔慣食粒粒, 都可以食水草頂肚. 又唔壞水. 當魚魚每次見到你, 你都餵魚糧時, 條魚唔食都開始知道你無惡意, 會慢慢安靜下來. 到時在你面前食野都唔怕你.  Q桶附近人流要少, Q桶不可擺動或搬來搬去. Seacheam 有出Stress Guard減低魚魚搬運時帶來的恐懼不安. 師兄可以考慮考慮.

Q桶的水質, 一定要保持Top Quality. 每日換水. Keep Ammonia 同 NO2 極低, 打氣. Q桶最好每日刷一刷, 保持潔淨.

2. 食物選擇

粒糧或片糧含有多種營養, 但味道….容易或某中難度個別個體對粒糧或片糧抗拒性低, 可能會好快接受. 中難度魚有時可能落糧時游過來, 但游到粒糧面前又不吃. 這顯示條魚壓力問題已除, 還差少少, 只要估中條魚想食什麼或ARM嘴型便成功. 市面有D天然引魚開口液, 如Seachem Garlic 蒜汁或Seachem Entice. 雖然功效未證實, 但魚友可以試試, 倒D Seachem Entice入Q桶, 然後落粒粒, 魚魚游到粒糧面前就聞到香味. 如果買左條固執魚, 除左魚友要除去壓力問題外, 如數天還不進食粒糧或片糧, 食物方面可以改用活豐年蝦, 或活紅蟲. 慢慢變急凍糧 mix少少粒糧. 加菜或紫菜或水草都可以. 不過魚友記得要不要看食物選擇太重, 不開口, 八成機會系壓力問題, 解決那10樣壓力問題, 開口會容易很多.

3. 餵新魚方法

如果可以令魚糧浮動就最好. 有時粒粒硬, 可以浸林先餵, 有師兄用蛤殼餵新蝶魚, 其實是很好的方法, 夠自然. 如果系細魚, 最好少食多餐, BB魚肚子細, 所以食少少食少少, 但因為發育問題, 餐數要多. 有D吃珊瑚的蝶魚屬難度高魚種, 如果真系要試, 可以用蛤殼方法或把魚糧塗上珊瑚骨上, 等蝶魚自己啄. 小弟試過用這方法令1.5” 冬瓜蝶開口, 之後送給魚友. 不過每次把魚糧塗上珊瑚骨上好麻煩同不是次次work….

4. 魚糧Size

魚糧Size 有機會是魚魚吞糧或吐糧的關鍵, 不要輕視

總結:

要引魚魚開口, 就要overcome全部問題. 令魚魚安定. 是一種學問. 養海水魚比養其他寵物難得多, 沒有獸醫可以倚賴. 所以大家應該引以為榮. 祝各師兄師妹成功.