想問ATS VS 豆豆樽 各種優劣

hkueric

我知我去搞混養缸係好大挑戰，但都想試，我剩係知豆樽係平過ATS，但豆豆要長期購入，長遠條數都係返度，但以大家既工作效率同麻煩程度去計，邊個較好呢？

macautonylai

混養兩樣一齊用好的

macautonylai

Ats自制最好

leemanho

我有豆樽同 DIY 既 ATS。其實頭樽 d 豆唔會用得好快，好少錢啫。

hkueric

macautonylai 發表於 2016-8-4 05:16
混養兩樣一齊用好的

若要二揀一你會推介我用邊樣？以效能同方便程度黎講

小魚毛

其實各有各0既優劣。ching可以按照自己o既情況（畢直、可用空間、打理時間、對系統熟識程度⋯⋯）去決定。

豆一般幾個月至半年左右至要添加，所以一包豆加樽都係幾百蚊，應該己經夠玩幾年，計開支同耐用性都同你買套ATS返呢差唔多。當然，有好多ching DIY ATS 系統，但將豆換成通心粉，連豆樽都慳翻，咪一樣可以低成本咁玩。

ATS要水流同燈照，比豆齋要流多一項要求；而且豆樽可按需要隨時加減豆0既份量，至於ATS要事前計算清楚藻屏面積，或者可以講話整套ATS系統需要o既空間都會比豆樽多。所以設定上我認為煲豆會靈活啲方便啲。

ATS o既藻屏每兩三星期要清洗一次，而且可能會有氣味；而豆樽就要幾個月至半年加豆一次，除左咁之外就無咩要搞，所以論日常護理o既方便程度，我都會揀豆。

第一代o既豆只係針對減no3，之後至再有減po4同混合o既All in one豆。而ATS係可以減低水中的養份，所以理論上應該比只針對一兩項成份o既豆呢得更全面，而且理論上ATS可以產生微生物，「回饋」缸入邊o既珊瑚，係「自然」同「環保」o既過濾系統，不過呢啲都係「理論上」，實際效果好在乎你個水體＋生物數量 vs ATS系統o既大小，所以所有ATS o既然支持者都會講嗰句：「緊係愈大愈好啦」，問題係你有幾多地方放套ATS系統先？

有ching報告玩豆會影響皮革類珊瑚o既生長，呢個係暫時為止用豆惟一可見o既副作用，不過情況都係只限於「有ching報告」，未見有正式官方數據支持。而ATS除左異味之外，都未見有咩size effect或者投訴出現。

小魚毛

ATS近年人氣急升，要搵有關o既資料唔難。
至於豆，出左都有七八年歷史，有關佢o既討論，呢篇舊聞可以望望：大家又黎討論用豆豆系統養 SPS

ivan_cheung

小魚毛 發表於 2016-8-4 17:27
其實各有各0既優劣。ching可以按照自己o既情況（畢直、可用空間、打理時間、對系統熟識程度⋯⋯） ...

多謝CHing，詳細解答。請問物嘢係通心粉？

小魚毛

通心粉係豆豆既改良版，外形條狀似通心粉，兩者功效一樣，不過通粉就唔洗用樽去滾，就咁用網袋裝住放喺過濾格就得，單簡好多，不過價錢又貴啲啲。

darkmatter

ATS會吸Ca, Mg,降KH,用時要mon住呢幾样野. 內地D人話 SPS唔適合, LPS 同魚 OK

hkueric

小魚毛 發表於 2016-8-4 17:27
其實各有各0既優劣。ching可以按照自己o既情況（畢直、可用空間、打理時間、對系統熟識程度⋯⋯） ...

聽你講完我揀左豆機加 All in one豆

小魚毛

hkueric 發表於 2016-8-10 01:23
聽你講完我揀左豆機加 All in one豆

希望ching揀到樣自己啱用o既工具。