醫生蝦+薄荷蝦食沙星？ [複製鏈接]

Rank: 7 Rank: 7 Rank: 7

電梯直達

樓主

發表於 2017-7-5 06:25:04 |只看該作者 |倒序瀏覽

沙星落缸一日，即刻潛入沙底
夜晚見兩隻蝦係佢上面搵野食，開頭以為隻星翻到沙底食物上黎
睇多陣見到佢地原來食緊隻腳

依家將隻星西起左放沙缸，一隻腳融融爛爛
點搞好

收藏0 支持11 反對0

Kinfanny168

Rank: 7 Rank: 7 Rank: 7

沙發

發表於 2017-7-5 08:24:21 |只看該作者

應該唔食！可能你買返黎的時候隻沙星狀態唔好，可能有啲爛腳所以啲蝦先會食

深水角

版主

Rank: 7 Rank: 7 Rank: 7

板凳

發表於 2017-7-5 17:17:22 |只看該作者

x2，正常只有，小丑蝦先吃海星，除非水質唔好，或沙星有病。

Rank: 7 Rank: 7 Rank: 7

地板

發表於 2023-7-24 12:43:16 |只看該作者

本帖最後由 Tricity731 於 2023-7-24 12:46 編輯

我家養左一年多既機械蝦已經開始食海星,睇住海星一路走,佢企嚮側邊一路鉗,
終於趕左海星到沙面,
之後機械蝦翻轉左海星,食佢D觸手

Rank: 7 Rank: 7 Rank: 7

5^#

發表於 2023-7-26 00:31:48 |只看該作者

搵食啫，未必就係兇手。不過喺混養缸之內，生物間o既互動都係本能自然反應，好難簡單咁一句話係或者唔係、會或者唔會。

蝦類係雜食性o既機會主義者，佢地會「掃食」週圍o既腐肉碎屑，所以成為珊瑚礁內的清道夫，但主動捕獵而成為食物鏈上層o既捕食者，小丑蝦係好小數o既例外。所以唔可以簡單咁一概而論，唔同種類o既攝食習慣，以至個體o既食性都要考慮。

魚友應該都見過醫生蝦會遊埋垂死魚隻身邊開餐，佢地唔會等條魚斷氣至郁手。其實只要有爛肉或者寄生蟲，醫生蝦都會主動遊埋去，唔理對方係生定死。其實如果養定咗，你伸隻手落缸，醫生蝦都會遊埋你隻手度搵皮屑食，唔洗畀錢去咩「魚療」，自己個缸就有得玩，不過有時都會畀佢整痛。所以醫生蝦唔係醫緊魚，佢只係搵食啫。

機械蝦情況就有少少唔同，佢地會比較主動。亦都有捕食寄生喺珊瑚身上偏蟲o既習性，所以會有ＲＴ玩家利用佢呢對付珊瑚寄生蟲，但由於喺食完偏蟲後，佢地會繼而食埋件珊瑚，所以處理上要特別小心，比起其他療法較易有反效果。所以機械蝦並非善類，亦無被界定為reef safe，RT要落缸o既話請三思。

薄荷蝦雖然屬reef safe，但食得鬼爪就有機會食埋其他葵，個別情況「多口」搞埋珊瑚都唔係無可能，只係機率較細啫。

但無論點搞法都好，三種蝦都只係「有得食就食」嗰類，唔會將體形大咁多o既生物當成獵物而有去主動攻擊o既意圖，好似樓上Ching咁講追𣪩隻沙星，迹近匪夷所思，所以值得探討。

Rank: 7 Rank: 7 Rank: 7

6^#

發表於 2023-7-26 00:34:47 |只看該作者

本帖最後由小魚毛於 2023-7-26 00:37 編輯

要知沙星其實好脆弱難養，少少受傷破損都會擴散感染而死，有商譽o既店家都會畀買家睇清睇楚隻沙星有無破損至入袋收錢。事實上沙星喺RT都係短命種，要佢去清潔RT缸個污糟邋遢o既沙床其實等於送死，只不過因為佢粗生（喺自然生境而言）而價錢唔貴，所以無人出聲啫。至於畀蝦類攻掔，更大可能係沙星自己受傷在先，缸主未見傷患，但蝦隻更早聞到腐爛氣味而埋身，造成獵殺o既錯覺。

係趁佢病羅佢命？定係送佢一程插佢一刀？又或者係幫佢解脫，早登極樂⋯⋯都係觀點與角度問題。所以計我話始終都係嗰句：「搵食啫」。

Rank: 7 Rank: 7 Rank: 7

7^#

發表於 2023-7-26 00:39:59 |只看該作者

本帖最後由小魚毛於 2023-7-26 00:40 編輯

樓主真係想證實啲蝦係咪殺手，其實只要再小心買多兩隻健康無捐手爛腳o既沙星落缸，睇o下啲蝦咩反應就可以證明。

話唔埋畀你證實到呢幾種蝦真係會獵食沙星，改寫佢地喺珊瑚缸o既定位同習性記錄。

Rank: 7 Rank: 7 Rank: 7

8^#

發表於 2023-7-26 12:22:38 |只看該作者

小魚毛發表於 2023-7-26 00:31
搵食啫，未必就係兇手。不過喺混養缸之內，生物間o既互動都係本能自然反應，好難簡單咁一句話係 ...

其實千手已經俾機械蝦食晒,依家佢食緊草皮,不過草皮生很太多,機械蝦只得一隻,所以任佢食

Rank: 7 Rank: 7 Rank: 7

9^#

發表於 2023-7-26 22:05:46 |只看該作者

Tricity731 發表於 2023-7-26 12:22
其實千手已經俾機械蝦食晒,依家佢食緊草皮,不過草皮生很太多,機械蝦只得一隻,所以任佢食

咁應該修訂，機械蝦唔係 non reef safe，直頭係reef danger至啱。

佢同珊瑚兩者，ching只可以二揀一。

Rank: 7 Rank: 7 Rank: 7

10^#

發表於 2023-7-26 22:15:25 |只看該作者

唔記得答翻樓主問題：隻沙星手腳開始爛，就無藥可救。

你只可以等佢「自然消失」，或者請其他食腐生物幫手「送佢一程」，早啲「回歸自然」。

所以關鍵係買沙星嗰o下一定要驗屍咁驗。另外都可以考慮黑海參，一樣可以清潔沙床，一樣零照顧，而且比起沙星會襟養得多。

Rank: 7 Rank: 7 Rank: 7

11^#

發表於 2023-7-27 09:03:00 |只看該作者

等左細條黑海參好耐,但係未有合心水

Rank: 7 Rank: 7 Rank: 7

12^#

發表於 2023-7-27 09:04:31 |只看該作者

小魚毛發表於 2023-7-26 22:05
咁應該修訂，機械蝦唔係 non reef safe，直頭係reef danger至啱。

佢同珊瑚兩者，ching只可以二 ...

直頭係reef danger至啱..............完全同意

Rank: 7 Rank: 7 Rank: 7

13^#

發表於 2023-7-28 00:39:29 |只看該作者

本帖最後由小魚毛於 2023-7-28 00:43 編輯

想要幾細條？三寸其實已經唔算常見，兩寸以下更加係幾年唔逢一潤！

其實黑海參對環境無咩要求，有沙畀佢就得，缸大缸細返而無咩所謂。就算係一兩尺咁細個缸，放條4 、5寸o既落去都唔會有問題。海參完全零攻擊性，只會喺沙面走動，或者上玻璃睇o下風景，唔似得貝類或者海膽咁會上石推跌晒啲珊瑚，亦都唔會有咩生物會打佢主意，唔單止係reef safe，直頭係200% RT safe！

所以ching母須多疑，見到就畀錢都無咩錯。