點解魚街可以日日返咸水魚？

rm1902

因為太多人未搞清楚自己個缸
死左又買 買完又死 buying-cycle 惡性循環
先唔講你個缸有無白點，其他細菌...
條魚先喺大海撈上來，再經魚集埸，再到香港魚舖，最後先到你缸，已經過左三重水。所以返魚返得愈密，d魚其實越易奶野
但香港太多有錢人，根本唔在乎

ivan16167

師兄真係天真香港背靠大陸咁大條水喉
梗係運返上大陸啦唔通等你慢慢喺舖頭買咩
唔通你睇唔到啲魚舖 將啲魚全部打曬包運
返上去 King Sir 篇嘢都係咁寫啦
等你啲街客買魚 唔使交租呀 梗係一批批走啦

Namhoi

真係走私咩！過到香港呢邊，大陸都難過，除非派片派到周圍都係，周圍都係。

license

大陸而家咁多咸野賣…唔經香港入邊有其他途徑，大陸唔俾入口架

亞郭

換言之魚街專登台高價錢轉賣大陸，香港人買貴價魚咪做傻仔？

rickycmleung

鼠有鼠路, 師奶都一返魚就大批大批包魚, 只要有人收, 收魚條友就有方法,你理得佢點走,或走去邊樹.

小魚毛

魚街無一間鹹水舖可以日日返到魚。樓主係話成條街連埋其他淡水魚舖咁計？

本地鹹水市場早已經一潭死水，養海水魚o既人愈呢愈少，魚街都己經變咗做貓狗兔仔倉鼠街。如果真係好似樓主咁講日日返魚日日清o既話，就唔會由地舖搬上樓，再由樓上舖搬出魚街，最後由區外舖變成結業。

魚舖有無當魚友儍仔亂抬價我唔知，但唔會有魚舖齋靠門市生存到就可以肯定。魚舖拆貨唔一定返大陸，亦都會有分貨畀其他本地行家，咁樣至可以攤分成本。

如果有朝一日大陸放寬入口限制，或者其他地區倣效夏威夷收緊出口限制，咁各位就唔洗旨恴再可以行魚舖買魚，只可以篤手指玩網購！

亞郭

照小魚毛所講大陸仍未放寛入口，魚鋪咪即係一定要從事走私活動上大陸先可以生存到，唔係掛，我唔信！

ivan16167

小魚毛所講 舖頭執笠 唔關香港魚友事
係一個貪字 走私返大陸
比人拉到 一無所有唔執笠
都大傷元氣 地舖變樓上鋪
應該有三次機會 嚴重

ivan16167

嚴重

小魚毛

亞郭 發表於 2022-4-3 20:00
照小魚毛所講大陸仍未放寛入口，魚鋪咪即係一定要從事走私活動上大陸先可以生存到，唔係掛，我唔信！ ...

我所指係齋賣海水魚o既舖頭，又鹹又淡、又魚又器材又保養o既唔計。環視魚街地舖，除咗落牛油之外，仲有無第二間？佢而家都唔知會唔會開翻。藍皮球以前就喺落牛油隔籬，搬上樓都好多年喇。

我只係話本地海水魚舖唔可以靠門市生存啫，無話過佢地一定係靠大陸供養，轉賣畀本地其他魚舖都可以。以前就係幫補收入，而家就靠分貨做拆家作為主要收入。

小魚毛

ivan16167 發表於 2022-4-3 20:44
小魚毛所講 舖頭執笠 唔關香港魚友事
係一個貪字 走私返大陸
比人拉到 一無所有唔執笠

舖頭執笠當然各有原因，唔可以話關啲客事，不過無客無生意就無得做，呢個只係市場經濟o既定律啫。

魚舖拆貨返大陸唔係新聞，更加唔係咩祕密，不過點返去就真係唔知，ching如果有咩料又不防分享o下，真係犯法走私o既，就低報海關低拉啦。