奶咀葵

魚花

請問如何可以令奶咀葵唔好四圍走，又奶咀葵要餵食嗎？

arfaifai

你養得海葵就預得佢四圍走，有些人會用個玻璃杯裝住，不過最後都係衝去造流自殺，建議最好唔用造流就得

小魚毛

咁耐都真係未聽到有效可以令奶咀定落呢o既方法。
最早出現o既方法話用貝殼或者水杯卅花盤之類兜住佢，就可以定落呢，但個人經驗以至網上討論，都唔見有實在成功o既個案。所以而家淘寶一地都係所謂咩海葵巢、海葵窩、海葵神器.....我就唔信會有咩神效。

估計係水流問題，但無人可以解釋到奶咀想要點樣o既水流，只可以話係隨佢自己喜好。

小魚毛

可以做o既就係set一個咁樣o既奶咀專屬缸：
１）一兩件生物石，奶咀鍾意上石，有石可以減低佢通缸走o既機會。不過啲石唔好太大件，唔好貼近缸邊放，放便睇住隻葵；亦都唔好有咁大條石罅，否則隻葵入咗去唔肯伸翻出呢。有機會餓死。
２）清缸底無沙，事實上奶咀都唔鐘意沙。
３）一對或者一藪小丑卅麼魚，唔好有其他珊瑚或者魚類，免加重過濾系統負擔。
４）一般o既藍白珊瑚燈。
５）水溫唔可以太高，無水冷都要有風扇，否則夏天過30度就熱死。
６）基本o既過濾系統，背濾卅濾桶，甚至頂濾都可以，只要個缸唔好咁大就得，當然要行完N-cycle。
７）咩過濾系統都好，最最最重要係落水卅入水位一定一定一定要落閘加罩。一般o既梳水位就算得1, 2mm闊，就夠隻葵伸入去自殺，加網板卅包網袋係指定動作。
８）造流可有可無。有，水質會較佳，隻葵亦可能會鍾意，但亦都加大佢o既自殺風險。所以同上一點一樣，安全措拖要做足，幫造流戴上用網袋做o既安全套就無咁易「攪」出葵命。

個人相信，奶咀走佬係「死症」，暫時無得搞（希望有高人睇到可以更正我）。所以如果未入手o既，就請認真三思；如果已經落咗缸，就盡量跟足第７，８點呢做，再祈禱上香，希望吉葵天相啦。

小魚毛

餵食方面，如果有小丑共生，咁其實唔洗持登去餵，小丑有「含糧回巢」o既習慣，咁樣可以間接同隻葵分享食物，所以唔需要再特登加餵。市面上有所謂葵糧，一般都係水劑，其實咁樣隻葵食到o既好有限，嘥料之餘，更加污染水質，無謂嘥呢啲錢。
如果無魚共生，咁只要每日餵一次魚糧（一般沉底粒糧都可以）。理論上你可以餵魚、蝦肉之類，但其實太大size o既嘢食，佢食得到都吞唔落，最終都會吐翻出呢，一樣嘥料。

魚花

小魚毛 發表於 2020-9-29 16:53
餵食方面，如果有小丑共生，咁其實唔洗持登去餵，小丑有「含糧回巢」o既習慣，咁樣可以間接同隻葵分享食物， ...

謝謝……ching

魚花

謝謝…… ching

racing

小魚毛 發表於 2020-9-29 16:50
可以做o既就係set一個咁樣o既奶咀專屬缸：
１）一兩件生物石，奶咀鍾意上石，有石可以減低佢通缸走o既機會 ...

🤣🤣🤣😅🙏

racing

小魚毛 發表於 2020-9-29 16:53
餵食方面，如果有小丑共生，咁其實唔洗持登去餵，小丑有「含糧回巢」o既習慣，咁樣可以間接同隻葵分享食物， ...

每日我都有餵食兩款 koralien