魚街歷史

Fishwall

想同大家分享下三十幾年前 80年代初時的水族店集中地同呢家魚街完全無關係的 個時現在的京港維景酒店現址是一間叫百誠商場的地方 就樓梯上閣樓一層是水族店集中地 當中有成三十間左右的水族店在內 鹹水店佔起碼一半 而當中既就記就係我唯一記得的鋪頭名 因為我老豆成日同佢買野 個時老闆就哥就嫂好好人 我個時係小朋友日日上去望下魚佢哋都無黑面重同我傾計 同埋好似重有一間叫什麼禾的鹹水水族.

Fishwall

那時沒有什麼rot 缸的 基本上全部鹹水魚鋪都是以賣魚為主 個時好興用沙喉底加氣喉抽水養魚 其實我見我老豆都係咁養 一直無問題無反缸的 大大話話都一直養左6-7年 同現在大部份人認為幾年必反缸好唔同 那時籃魔10蚊8-10條 而皇帝是 600蚊左右.

Fishwall

後期先開始多

Fishwall

個時特別流行德國品牌白色加橙色以德文加英文為主的科學鹽 (海盬)多人用 亦流行有星期下殺箘劑 皇牌和USA 殺箘劑那時己出現 再之前是海馬牌但現在已没有了

Fishwall

那段時間一般人都喜歡用反光藍色紙做背景紙 燈具是光管 化氮器只有氣木化氮氣 海水素就都是基本人人會落 ehiem 和富華都是水族名牌 澳洲仙 眼鏡 一幢仙都是要80年代稍後時間先較多為人所見 濾材以棉 炭和生物環為主

Fishwall

後來百誠商場改建 d魚鋪先開始陸續搬去魚街 當中直到現在都有經营的 只有同名叫就記的店舖 但老闆己不是就哥了 其他的應該重有時申水族 直中2千年中 鹹水店發展到最高峰

Fishwall

呢家以歷史計樂牛油 日日王算是最老資格了 個陣時d人興喂生淡水蝦加魚糧養魚 同時印象有深水埗桂林街口有一間好令的鹹水魚舖 叫麗珊 佢算係早個一批入口澳洲仙賣 佢門口缸魚養得好令 日日王個缸拍埋去簡直是垃x缸

Fishwall

直到近呢6 7年前開始 鹹水水族呈現收縮 越來越小人鹹濕 魚街街鋪一間間摺埋 同以前比現在感覺真係差好遠 個時入百誠一到星期六日d水族館將魚放入膠袋賣走係做不停的 個時無q缸concept..但人人都曉新魚要西超定水

Fishwall

情況就如這兒一樣 小了好多人氣 那時百誠有一間叫時新的水族店 門口的缸放了一條絲帶做把牌 特別印象深 補充劑牌子個時興USA 呀或另一個德國牌子為主 我老豆個時養在 朱古力 黄肚藍吊 藍面 畢加索炮彈 藍紋 狗仔 馬鞍 蜻蜓 獵狐 彩吊 白眉 筆筆 帆吊

南海洋

有無聽過百誠D老闆話....唔用德國HW化學SALT 係養唔到魚.

Fishwall

南海洋 發表於 2018-2-8 19:18
有無聽過百誠D老闆話....唔用德國HW化學SALT 係養唔到魚.

有呀 而且我印象好似個時得呢一款鹽

南海洋

火車站泥地星期日有袋裝珊瑚魚賣.

georgewu2015

多謝師兄分享

Fishwall

南海洋 發表於 2018-2-8 19:21
火車站泥地星期日有袋裝珊瑚魚賣.

火車站未重建前 天光墟範圍大好多 真係一到六日朝早好多人逛 有d迫 而且d魚確係平d既個陣時 鹹魚一樣係咁袋装賣 朝早五點就有魚賣

Fishwall

我細個跟老豆由養金魚到轉養 熱带魚 再到養海水魚大 到十七八歲停在 跟住三十歲開始養返熱帶魚 到水草缸 到花羅漢 再到返現在海水魚 應該不會再轉了

Fishwall

眼見呢廿三十年其實養魚最根本養魚先養箘既大方向血無變過 係多在人用滴漏缸 少左人用炭 少在人定期落殺箘劑咁解 但又唔覺得以前養唔到魚 我以上提到的魚普遍都養5 6年..定在缸水一養好輕鬆

Fishwall

廿幾三十年前一般人和現在基本都是一樣  覺得鹹水魚好難養 原因亦是一樣 開缸係一兩星期係咁加魚 跟住就認為好難養 人無耐性無變改

Fishwall

重有神像呀 毛巾呀 某d蝶魚呀 由個時出名難開口 一直到現在都一樣係咁樣 唔覺以前有d 嘜魚以前出名難開口變到現在易開口 其實養魚技術實際既步伐感覺分別不大 rot 就可能分別大d 因為以前化氮無咁勁同埋生物石除no3原理未流行 fot 除在設備d外型令d 外 做到既野是一樣的 fot唯一以前無現在有既設備是做流器

Fishwall

重有牛頭角既海角都開左超耐 係搬過舖 盬度計個時無光學的 但完全無人因為話盬度計唔準而養唔到魚的

Divertonyhk

Thks for sharing