請教，薄荷蝦會食奶咀葵嗎？

fishfishbear

如題，有冇師兄可以幫解答一下？我剛買左棵奶咀，求先果兩隻蝦隔左15-20分鐘就係我面前扯棵奶咀。依家強行分開住。。

小魚毛

雖然未聽過，不過理論上係有可能。

鬼爪同奶咀同樣係海葵嗰科，薄荷蝦食得製鬼爪，會食其他海葵都唔出奇。

其實生物相克重來無百分百保證，有薄荷蝦唔食鬼爪，亦有會搞其他珊瑚。缸主只係畀錢買佢地翻呢，但佢地無收錢，唔會跟指示做嘢，最終仍要講彩數。

樓主可以試o下搵件有鬼爪o既石，同啲蝦放埋一兜，睇o下可唔可以「訓練」佢地食鬼爪。

小魚毛

又或者你可以再玩生物相克法。如果隻奶咀已經有「屋主」，佢地應該會「保護自己間屋」，見過瓷蟹會攻擊想食海葵o既海星，估計小丑都會有相近習性。

不過最終都係嗰句，每隻生物有自己o既個性，無話百分百保證。樓主不防做個實驗，再上呢報告。