兩次失敗，做個紀錄

firehei

上次玩30L水缸而今次改玩50L水缸
都係失敗收場...求指導

器材：
50L背濾缸+普通幾百元三色燈+氣泵
Power House 海水用環 5L左右
Aqua Excel Nano50化氮仔
Red Sea鹽

大約過程：
每 L 水放33.4克鹽
無糖豆漿+消化細菌養水，10日後左右爆NO2
再等10日NO2 = 0，開始爆啡苔，開始開化氮
再等10日買左小丑x2+藍吊+火焰仙+火背仙+士多啤梨+(X嘴)忘了個名,專食苔
頭兩日只死左一條小丑，其他全部肯開口食粒糧
每日下午餵一次+開約3小時燈
之後大約每星期換8L 水，開頭一兩星期全部都好生猛
之後個缸開始慢慢生 d 啡色野，要用人手清，但慢慢越來越多，綿花都係要成日更換
突然某一朝成缸魚去晒水底，即時大量換水
但之後開始慢慢死魚...某d魚仲有白點
除左換水已經唔知做乜好，昨日死埋最後條小丑，次次都過唔到三個月
有無高手可以教教我邊到出問題，養唔掂咸水只可以玩番淡水...

laulau

小弟不是高手, 不敢指教。不過剛開始養海魚時(三十幾年前)都試過幾次倒缸, 中間隔咗廿年冇養, 而家屋企大啲, 舊年又開始養番, 一直順順利利, 都算有啲經驗掛。

首先, 請問倒缸後的水有冇倒咗? 如果冇, 強烈建議你唔好倒, 唔好清洗任何嘢, 放佢兩個星期,繼續讓濾水系統及化氮運作, 因這時期啲水最有利及最快速令硝化細菌和各類益菌成熟, 倒咗好可惜。兩星期後驗NO2, 若全綠, 我敢保證你個缸已進入成熟階段, 到時想死魚都難。

此外, 想問幾個癥狀:
一, 當倒缸之際, 有沒有驗過NO2, 係咪爆燈?
二, 當時啲水係咪好混濁? 有冇強烈臭味?
三, 有冇養海葵? 倒缸時海葵已死(溶咗)還是健在?

其實你唔係養珊瑚的話, 唔使咁頻密換水, 每次亦唔使換咁多, NO3對魚唔會太大傷害, 尤其是你養啲都係耐養嘅魚。

k88i

50L水一次過加7條魚會唔會頂唔順呀⋯⋯

Tsimhim

50L水 開缸
小丑x2+藍吊+火焰仙+火背仙+士多啤梨+(X嘴)
TOO MANY FISHes......... I guess

argbatcan

laulau 發表於 2019-5-27 02:55
小弟不是高手, 不敢指教。不過剛開始養海魚時(三十幾年前)都試過幾次倒缸, 中間隔咗廿年冇養, 而家屋 ...

佢個缸50L水每星期先换8L水應該唔多呀? 我反而覺得换得太小了!
樓主最主要問題其實都係新手必犯錯既階段，加魚太快+冇q魚，如果係集中營買藍吊應該冇乜可能冇白點，白點王唔係浪得虚名的!

arfaifai

養水10日就【一次過】7-8條魚落缸，已經係致命傷，硝化系統需要慢慢形成。
依照你既習慣加魚，我保證你開十次缸都係失敗，重點係：加魚太急

arfaifai

養水10日就【一次過】7-8條魚落缸，已經係致命傷，硝化系統需要慢慢形成。
依照你既習慣加魚，我保證你開十次缸都係失敗，重點係：加魚太急

sonynick

10日水太短, 未變成有菌的海水, 至少20日, 要有足夠濾水和強燈爆綠絲, 咁先可以加一條吊去試水, 應該會食晒

argbatcan

arfaifai 發表於 2019-5-27 08:58
養水10日就【一次過】7-8條魚落缸，已經係致命傷，硝化系統需要慢慢形成。
依照你既習慣加魚，我保證你開十 ...

樓主唔係10日喎, 佢係30日後先加魚, 一個月時間養水其實應該是足夠的, 但佢加魚太快了, 一次過加咁多條魚, 估計死因應該係no2突然上升所以反缸, 一次過加太魚多硝化菌冇咁快應付到!

肥嘟嘟河馬仔

一次過加魚太多，豆漿開缸？

超新手

laulau 發表於 2019-5-27 02:55
小弟不是高手, 不敢指教。不過剛開始養海魚時(三十幾年前)都試過幾次倒缸, 中間隔咗廿年冇養, 而家屋 ...

Teddy

N-cycle完左係可以加魚.不過係要慢慢咁加
因為你每加一條魚.魚缸就會重新再一次n-cycle

arfaifai

argbatcan 發表於 2019-5-27 09:39
樓主唔係10日喎, 佢係30日後先加魚, 一個月時間養水其實應該是足夠的, 但佢加魚太快了, 一次過加咁多條魚 ...

30天內無落開缸魚，單靠豆漿、硝化細菌水，你認為個n cycle行得足夠嗎？落一、兩條魚都還可以！

argbatcan

arfaifai 發表於 2019-5-27 12:36
30天內無落開缸魚，單靠豆漿、硝化細菌水，你認為個n cycle行得足夠嗎？落一、兩條魚都還可以！

冇錯，開頭落一兩條魚，慢慢逐條逐條加應該ok的，一次過加咁多條魚根本菌就唔夠硝化，莫講話5L環，你擺50L環都冇用，硝化菌冇野食就自然會死!

firehei

我係三四十日後先開始加魚
雖然都係細魚仔可能都真係太多
反缸死魚都check 過NO2 = 0
問題係啡色點搞?完全唔知點清
唸左好耐應該加番水冷

firehei

同埋個化氮從來都無打過污漕野出黎
唔知係水位問題定點

wpk

一隻青摩行四十日（當然不停换死士）先加魚喇

argbatcan

firehei 發表於 2019-5-27 23:08
同埋個化氮從來都無打過污漕野出黎
唔知係水位問題定點

唔知你個化氮係點, 但通常叫得做"excel"既水族器材都好極有限, 但你話完全未試過打到野出來應該唔會掛? 再差既化氮都應該會打到小小綠綠地既水出來, 不如你影張相出來睇睇!  

同埋你有冇check過鹽度係幾多? 會唔會D水太淡所以打唔到?

firehei

argbatcan 發表於 2019-5-31 10:07
唔知你個化氮係點, 但通常叫得做"excel"既水族器材都好極有限, 但你話完全未試過打到野出來應該唔會掛? 再 ...

鹽度正常1.022，但個化氮應該真係無用的
反而想知點解個缸成日啡晒...好Ugly

argbatcan

firehei 發表於 2019-6-5 20:19
鹽度正常1.022，但個化氮應該真係無用的
反而想知點解個缸成日啡晒...好Ugly

你所講果d啡野我相信係啡苔，由於po4高+光照而產生，對魚冇影響的放心!  fot有啡苔算係正常現象，不必擔心! 如果想小d啡苔就開小d燈!
如果鹽度正常既話我相信好大原因係因為你個化氮水位太低所以打唔到野!