珊瑚缸落藥醫白點病

hkueric

有冇師兄/姐成功係有蝦有珊瑚既缸成功落藥醫好晒生白點病既魚？

iphone5

可以用pointex

honik

iphone5 發表於 2016-12-27 18:28
可以用pointex

請問邊度有賣？

肥仔Tim

唔係瓜！珊瑚缸落pointex
相信全部去左齊齊哈爾

小魚毛

iphone5 發表於 2016-12-27 18:28
可以用pointex

嘜咁大整蠱，人地講明：本產品對海水魚沒有任何傷害，但是對所有軟體，珊瑚都有害，絕不可施用於珊瑚缸。
如果真係有一隻珊瑚缸有效o既白點藥，我諗間廠發左好耐！
暫時呢講，我相信都無可能令白點絕跡珊瑚缸，不過除左咩都唔做之外，我覺得有幾個方法係可以將白點o既威脅減到最低：
1）買魚唔可以濫，睇清楚魚態，了解清楚條魚o既資料至好畀錢。加魚唔可以多同急，一個月唔好加多過兩條魚。
2）檢疫係需要o既，特別係啲高危類魚種，好似吊類有「白點王」o既稱號，入缸前就一定要做足檢疫隔離程序。
3）有ching o係網上教過路，話可以試o下連續廿四小時開住燈照，聽落簡單兒戲，但佢o既理論係阻止白點蟲o係夜間活動同轉化，又似合理。我自已試過兩次，連續開燈幾日至一星期，加埋用藥，又好好彩咁阻止到白點擴散，對魚同珊瑚都好似無咩明顯o既影響。
4）用藥我暫時覺得佢係可以一試：Easyneo


不過佢唔係白點藥（所以我話未有廠家發達），佢只係改善水質，每次換水後落，可以減少發病機會（包括白點病）。
我自已試過一見白點就加重三倍份量落缸，成功阻止到白點抗散，之後就靠條魚自已好翻。就算有時搞過底沙，我都會double用量。
5）都係最重一點，我認為咩藥都係假，最重要係掌握時間，一定要係病發初期開始做嘢。平時多留意啲魚o既情況，一見點就3）、4）一齊用，touch wood幾年呢都只係見一見點就消失。

小魚毛

玩得珊瑚缸，就預左白點與你同在！最重要係唔好畀機會佢爆。
所以維護水質，平日小心加魚，多加留意魚態，及時做嘢。如果惹到一缸都係先郁手，咁就神仙難救。