珊瑚器材

royaljapan

請問養珊瑚要d乜器材

小魚毛

珊瑚比魚對水質&環境要求高好多，所以設備亦都多、複雜&貴好多。其實幾難就咁畀張List你照單執藥，因為你唔清楚各樣器材o既原理、用途、組合、配套、操作方法⋯⋯買錯、用錯o既機會都會大好多。

簡單講，養珊瑚要處理呢四項基本問題，每一樣都有佢專用o既設備：
1)水質--由水源入手（純水機卅廁水過濾⋯⋯），到魚缸過濾卅硝化系統（化氮、環卅沸石卅藻桶卅藻屏卅豆樽卅碳、生物石卅沙⋯⋯），再到水質監控（試劑卅電子監控、原素補充劑卅滴定系統卅鈣反⋯⋯）；
2)水溫--香港天氣熱，無水冷養唔到珊瑚，反而暖管一年都用唔到幾多日；
3)光照--光係珊瑚製造食物o既來源，愈淺水生活o既珊瑚對光照要求愈高，所以如果玩sps，就要用到卤仔、T5HO，或者高檔LED，通常會係水冷之外，全個缸投資最大o既器材；
4)水流--造浪、造流無所謂，但一定要設定到全缸無死角，所有位置都要有流吹走啲垃圾，如果係sps就最好有對吹造出呢o既亂流。

用咩器材，唔好只係聽人講，而應該由你想養咩珊瑚決定；你個缸o既大細，唔好只係睇屋企有幾多地方，而應該由你o既能力（財力、技術、心力⋯⋯）去決定。

royaljapan

唔該師兄