新手LPS缸 混養魚種問題

lo507748

請問珊瑚景缸 可唔可以比較混養一些奇怪D 既魚, 我意思係比較小見人養既. (例如: 海班類, 細鄰，石九公, 蛙蛙魚)等等PS: 我見到有鋪頭有老鼠班買

THX

kamkam1999

可以 但注意呢D會食蝦蟹 細魚 買之前上網google下先

Kekw3310

你珊瑚缸唔擺得清潔魚/蝦 對個缸都無咁好

小魚毛

珊瑚缸玩混養，講求係生物間o既平衡共處，相關知識主要係參考物種本身o既習性，再加上魚友的實戰經驗分享。

樓主要玩另類混養，應該就好難會有魚友可以分享經驗畀你，LPS或者SPS都係咁話；所以你只可以參考生物的習性，再自行做白老鼠。

你提到o既魚都屬於肉食性，咬珊瑚機率應該比較低，但正如樓上Ching咁講，魚毛蝦蟹一定會被掃清，無咗呢批清潔部隊，會加重過濾系統負擔。另一方面，班、細鱗係大型魚類（就算你搵幼魚落缸都係咁話），佢地食量大、排洩物多，對個缸o既Bio-loading都會特別高，所以除非你係三四尺以上o既大缸，否則你控制水質都唔會係易事。反而娃娃魚比較多細魚，落缸「門檻」會低啲，但基於佢o既食性，RT玩家都唔會自找麻煩，樓主肯身先士卒，就記得返呢分享一o下，造福大家。