落魚次序一問

Rock仔

各位大師父 我開好缸想落魚 不過知道d魚會有地盤同會打新魚所以想請問下我plan養既魚邊條應該落先 邊條應該落後 我大約都係會搵3-4寸內既魚落缸 過大唔會考慮 list如下

吊類：火箭吊 食屎吊 藍吊 黃吊 紫吊 絲絨吊（雞心 火焰 湯臣）

仙類：火焰仙 虎皮仙 珊美 石美 皇帝 紫月 太后 法仙 毛巾（白尾 一幢 藍面 馬鞍）

其他：2條橙點2條金頭古b 一對小丑

括號內既係因為太貴 所以仲係考慮當中

跪求各位大師意見 點落魚可以減少佢地打大交既機會 同埋仲有無其他靚魚推薦養

同場加問 小丑養茶公係咪好惡 會打埋其他魚 同咬人？如果係既我就選擇另一品種既小丑 唔該晒咁多位專業意見

Elvis

除佐一曈、湯臣、雞心其他都唔貴

子樂

交流下，上左岸幾年，上個月開番個新缸 (RT)
我自己打算個次序係 火鳥 -> 小丑+麒麟 -> 吊魚

除左魚既本身天性，大細都好重要

巧恩

我個人古B-細仙-小丑-茶公-大仙-最後吊。

darkmatter

古b先， 小醜要一對落，跟住落細條跟温純的先，最後先落惡野太后，一幢。

咁多魚，你個缸幾L水？幾L環？養太后湯臣有冇水冷？

Rock仔

Elvis 發表於 2017-6-22 08:03
除佐一曈、湯臣、雞心其他都唔貴

其他我仲未確定自己係咪鐘意呀

Rock仔

子樂 發表於 2017-6-22 08:04
交流下，上左岸幾年，上個月開番個新缸 (RT)
我自己打算個次序係 火鳥 -> 小丑+麒麟 -> 吊魚

請問麒麟即係咩魚

Rock仔

巧恩 發表於 2017-6-22 09:01
我個人古B-細仙-小丑-茶公-大仙-最後吊。

茶公係咪小丑既一種黎 落小丑又落茶公我怕會打大交

最後吊係咪因白點勁 要等其他魚強狀左先落？

Rock仔

darkmatter 發表於 2017-6-22 09:26
古b先， 小醜要一對落，跟住落細條跟温純的先，最後先落惡野太后，一幢。

咁多魚，你個缸幾L水？幾 ...

3尺缸 250L水左右 20L環 3舊磚 有水冷

不過邊d係細同溫純

Rock仔

sax992001 發表於 2017-6-22 18:35
点樣顺序落都打架，太天真了

所以我想盡量減少佢地打姐

子樂

Rock仔 發表於 2017-6-22 17:34
茶公係咪小丑既一種黎 落小丑又落茶公我怕會打大交

最後吊係咪因白點勁 要等其他魚強狀左先落？

惡死

啤啤熊

七彩麒麟

Rock仔

子樂 發表於 2017-6-22 20:25
惡死

所以我仲諗緊落唔落茶公

Rock仔

啤啤熊 發表於 2017-6-22 20:37
七彩麒麟

青蛙魚？我聽講好難養

巧恩

小丑-茶公同科一齊落缸會好點
吊地盤強烈最後落會啲同白點無關

darkmatter

Rock仔 發表於 2017-6-22 17:35
3尺缸 250L水左右 20L環 3舊磚 有水冷

不過邊d係細同溫純

一般10L水1L環.你養太多,環應該唔夠
每種魚的習性請用搜尋器了解下,對養佢地很有用的.

小魚毛

樓主有心提問，可見樓主都係認真兼有計劃之人，不過先提醒一句，就算真係畀你plan好晒落魚次序，都唔好以為就一定過到關，始終打交爭地盤係佢地天性，你加得魚多就無可能避免到衝突，就算同一種魚，個別都會有啲惡啲、有啲純啲，西魚、馴魚、監禁惡爺⋯⋯都係好難避免o既必然程序。當然，雖然無可能杜絕打鬥，不過按次序加魚起碼都一定可以減少衝突，點都好過咩都唔理亂嘜咁加。

加魚先要考慮size，樓主唔考慮3、4寸以上o既大魚，應該先可以避免到比較多問題，不過你揀o既魚入邊有啲好似係大size o既魚，好以雞心、湯臣、皇帝、紫月、太后、法仙⋯⋯，就算真係畀你搵到3、4寸以下o既幼魚，養得無耐就oversize，樓主o係揀魚種之餘有無考慮過呢個問題？

核心問題，加魚次序，我建議咁玩法：
第一階段：橙點、金頭古、小丑（留意兩隻古B都要有底沙），呢三種都應該都相安無事，適宜最先落缸。
第二階段：吊通常只打同科而且近種o既魚，不過唔似謀啲魚咁打得咁狼，所以可以先加。火箭\食屎\火焰，藍吊\雞心，黃吊\紫吊\絲絨（絲絨吊好似貴過火焰吊好多倍），呢度係三批近種o既魚，即係火箭同食屎、黃吊同紫吊⋯⋯先後落缸o既話都好大機會打，樓主可以再盤算o下。
第三階段：仙魚最後落，因為體形一般較大，而且對水質要求都較高。先搵細仙落缸，珊美、石美、毛巾都算比較純，可以先入。火焰、虎皮可以次一步，淨翻o既仙其實都係大種魚，幼魚或者較純，大左之後就難講。
至於茶公（其實火公都係），佢的確係丑中o既惡爺，不過只會打丑，打其他魚或者咬手指我就未見過，可以o係加完其他丑後至落缸。

加魚除左按種類分次序外，亦都要按先小後大o既原則，細種、細szie o既先落。另一個方法就係同時落缸，明知兩種魚有機會打，就一齊買翻呢一齊落缸，可以利用兩條魚都要適應新環境o既機會而避免打鬥，我通常都用呢個方法加黃吊同紫吊。

避免打交除左落魚法之外，亦要注意避免「超養」，環境擠迫一定多事。另外都要足夠o既骨卅石，提供足夠o既「私人空間」，有清楚o既地盤劃分，應該都可以減少啲衝突。

Rock仔

小魚毛 發表於 2017-6-24 02:30
樓主有心提問，可見樓主都係認真兼有計劃之人，不過先提醒一句，就算真係畀你plan好晒落魚次序，都唔好以為 ...

多謝師兄教路 真係好詳細好有用 我會參考晒意見再慢慢考慮下點落先因我落左2條古b都打打地交