交收交到火都嚟，仲要買唔到

Jamjam226

諗住買個ats，琴日朝傾好左話約交收，但要即日下午一點前牛頭角交收，我話琴日唔得，跟手ching好好咁同我講平時1000到1830牛頭角交收都得，仲話再約。

到今日朝早9點幾又問我即日得唔得，我9點8左右覆，問下星期六方唔方便，點知佢無應我機，咁我見佢無應機之前又話1000到1830可交收咁咪照出去先啦，點知佢11點4先覆我"咁我給等緊的邊兄吧。有機會再交易🙏🏼"

我覆佢問佢姐係點，佢同我講下個ching轉頭拎，但我已經起附近我同佢講15分鐘後到
佢出post又冇講到快取優先，又話約交收無啦啦即日問得唔得， OK你話即日得唔得咁都要俾我考慮吓係咪，我問多一句星期六得唔得我有冇話唔要，有乜理由即刻俾咗第二個

我依邊未搞清楚幾時交收嗰邊就已經約咗第二個，你約咗第二個唔緊要但我已經到啦， 都可以唔係比我先而係買咗俾第二個。我話到咗仲要完全唔應機打電話唔聽等到12點幾同我講"唔好意思,誤會左,第二個師兄已經攞咗" 我心諗有啲乜嘢誤會啊由頭到尾都冇講過唔要，你約第二個之前都問下我O唔OK先啦
我本身係返通宵架一收工見你話要即日交收我屋企都無返就出咗嚟牛頭角，等到你12點你先至覆我話俾左第二個人，我好肯定我同你講我到咗嘅時候人哋未到囉，都唔明點解佢唔推咗第二個嗰個人要我到咗嘅就選擇唔應機，曬咗幾個鐘又要唔應機又要唔聽電話都未見過啲人咁冇品，一句唔好意思曬咗幾個鐘頭仲要走來走去，真係交收交到火都嚟

lihoipui

好大機會係第二個出價比你高，利字行先，毫無誠信。
勞氣傷身，我都已經慢慢睇化。

大頭man

淘仔自己買,咪唔洗谷氣

ybkwok

其實好明顯係想快d賣走，琴日交收唔到，問你今日得唔得，
你答人下個星期六（8日後），我個人覺得，情有可原！
都係果句，買賣都係睇緣份，唔使太上心，淘寶其實大把！

Jamjam226

ybkwok 發表於 2017-11-2 21:34
其實好明顯係想快d賣走，琴日交收唔到，問你今日得唔得，
你答人下個星期六（8日後），我個人覺得，情有可 ...

無話下星期六，星期四問我，係兩日後即星期六，佢仲要無覆得唔得，唔得出聲我星期五出，再唔得我咪即出囉見佢無覆我都怕佢比第二個都即日出左，出到都唔比我依個先興

Jamjam226

大頭man 發表於 2017-11-2 20:34
淘仔自己買,咪唔洗谷氣

就係唔想搵唔想搞，諗住交收唔使煩，點知預到啲無誠信既飛機友

Jamjam226

ybkwok 發表於 2017-11-2 21:34
其實好明顯係想快d賣走，琴日交收唔到，問你今日得唔得，
你答人下個星期六（8日後），我個人覺得，情有可 ...

我打個句係"問下，星期六得唔得"

大頭man

就係唔想搵唔想搞，諗住交收唔使煩，點知預到啲無誠信既飛機友

我試過免費送野比人,約好時間拎到出去魚街條粉腸玩失踨。電話又唔聽