葵糧同珊瑚糧有沒區別

yip08502

有沒邊隻介紹

肥嘟嘟河馬仔

葵剪蝦肉餵就得

yip08502

有沒藥水

小魚毛

所謂葵糧，其實都係啲混有浮遊生物之類o既水劑，好多生產商同舖頭都唔會分係珊瑚糧或者葵糧。

但問題係呢類水劑糧，對餵食珊瑚或者葵呢講都係比較麻煩o既選擇，隨缸投放，隻葵吸收有限，兼且容易污染水質，除非你有心力次次定點投放(用罩之類衿實隻葵呢餵)。所以事實上大多RT玩家都少用所謂葵糧或者珊瑚糧，好似版主推介咁，直接剪碎蝦肉餵畀隻葵仲方便有效得多。

其實個人唔主張餵珊瑚，水質好，有足夠光照、水流，一般sps同lps都可以生得好好；葵都一樣，做好以上三點遠比餵食重要。況且只要有小丑共生，小丑魚o既吞吐式進食習性會令隻葵可以分享佢地o既食物。再者，一般餵魚時，魚糧飄過或者跌落到上面，隻葵都會進行捕食，所以唔需要擔心隻葵無嘢食。

珊瑚同葵都係靠體內o既共生藻吸收陽光製造食物，捕食只係補充性質。所以唔好聽啲奸商老點，以為養珊瑚養葵就一定要餵嘜餵物；餵魚o個陣o係隻葵附近放啲糧、再加埋小丑共生餵食，就已經足夠，就算餵蝦肉都係「間唔中」餵就夠。有時間有資源，搞好個缸o既燈具、過濾同造流系統更實際。

小魚毛

yip08502 發表於 2018-2-15 00:42
有沒藥水

「藥水」唔同糧。

以RT玩家o既習慣呢講，藥水除咗係指有「藥性卅治病作用」o既水劑之外，亦都指一啲「元素補充劑」。元素（例如鈣、鎂之類）並非珊瑚或者葵o既食物，佢地存在於海水中，珊瑚就依靠吸收呢啲元素呢幫助佢地生長，RT內o既珊瑚飼養密度高，水中o既元素吸收得快，所以要用「藥水」呢補充，咁樣比換水更方便有效。

不過無聽過有玩家話海葵會「吸收元素」，所以亦都無聽過有咩「藥水」啱畀海葵用。