想問下邊間買活石有保證?

yuetbear

小弟準備開缸 THX

hon328

我都想知 x 2

kwan88a

個間發達魚就唔好同佢買

小魚毛

畀間舖名你根本保證唔到咩！要保證就要靠自己揀啱o既石同識得點去處理啲石。

澳洲、菲濟等地水質好，石中保存o既各種生物數量亦更多，當然價格亦更高。平板形狀生物石方便擺放珊瑚，但比較阻水，大缸用會比較理想；新興o既枝狀石就比較疏水，不過擺放珊瑚無咁方便，細缸用比較啱；當然，兩種混合使，或者自行修改石形後至落缸亦無不可，關鍵只在於用家點處理。

用活石當然有助改善水質，但亦都要留意可能會帶埋一啲有害o既生物落缸，好似火刺蟲、螳螂蝦，蟹等都會有機會隨活石「非法移民」入你缸，呢樣嘢魚舖都未必幫到你，都係自己搞最可靠。所以亦都有魚友索性用煲或者浸雙氧水o既方法呢處理所有新石，全部變晒死石後再重新養菌。樓主可以查查「活石處理」o既資料。

同買魚一樣，如果間魚舖會好好處理啲魚，佢地都會好好咁處理啲活石，但問題係好似前面咁講，揀啱石形、落缸前處理好啲活石，遠遠比揀間一舖頭入去畀錢重要。