新手喂食問題

enzo12

用了Nutrafin max 兩隻片糧, 小丑同巴黎天使都係含一含就吐出來? 有什麼辦法嗎? 謝謝

thomaschan2014

唔習慣姐，浸一浸，餓一餓，屎都食

Teddy

新買ge魚？
新開缸？

enzo12

thomaschan2014 發表於 2019-12-7 18:42
唔習慣姐，浸一浸，餓一餓，屎都食

謝謝, 師兄

enzo12

Teddy 發表於 2019-12-7 22:11
新買ge魚？
新開缸？

係, 養水個半月, 之後一個月落左以生物:
小丑/巴黎天使/醫生蝦/橙點古B/食苔磥

醫生蝦同古B都無問題
小丑同巴黎天使就唔食, 小丑係最早買, 開頭拉白便, 所以隔離左浸左英國大白片, 見好番, 最近先落番主缸, 同巴黎天使落缸約4日, 謝謝

補充內容 (2019-12-7 23:41):
落魚:  我都係對溫對水, 之後落缸入隔離盒1日, 之後先放出來開始喂食, 這樣啱嗎? 聽水族老闆講, 新魚落3日唔使喂食? 感謝

kwan88a

enzo12 發表於 2019-12-7 23:08
係, 養水個半月, 之後一個月落左以生物:
小丑/巴黎天使/醫生蝦/橙點古B/食苔磥

有無Q魚14天個隻（唔係係主缸到Q)，通常新買返來魚多數都有病，千萬唔好直車落主缸，會帶病落主缸到，養水半個月唔多夠

kwan88a

餓三日先落糧再唔食，再等三日又再落，買最細粒糧同片糧

Teddy

N-cycles可能未完
你要試下水.睇下no2去到幾高

enzo12

Teddy 發表於 2019-12-8 17:24
N-cycles可能未完
你要試下水.睇下no2去到幾高

謝謝各位師兄回覆
之前養了1個半月水, NH3/NO2/NO3 都衝高後回落至0, 之後放生物, 剛剛check了No2係0, No3好輕微。

家中無位放唔到Q缸, 所以無Q魚便落缸 ><

小魚毛

樓主，應該係峇里天使，唔係巴黎。

峇里天使唔易開口，而且佢係肉食性o既魚，片糧係植物性，唔啱佢口味。再者佢係夜行性，熄咗燈反而更積極索食。

所以要引佢開口，先要揀啱糧，活豐年蝦應該最有效，其次可揀冰鮮糧。時間可以盡量係熄燈之後至餵。

當然，成功䦒咗口之後，就好似樓上ching話齋：咩屎都食，咩時間餵都唔係問題。

enzo12

小魚毛 發表於 2019-12-10 00:55
樓主，應該係峇里天使，唔係巴黎。

峇里天使唔易開口，而且佢係肉食性o既魚，片糧係植物性，唔啱佢 ...

謝謝師兄, 宜家小丑開口了, 峇里天使未開口, 按照師兄所說試試看, 謝謝

小魚毛

enzo12 發表於 2019-12-12 21:13
謝謝師兄, 宜家小丑開口了, 峇里天使未開口, 按照師兄所說試試看, 謝謝

補充多句，峇里開咗口之後就好易養，而且咩糧都會照搶，亦都好多玩家成功繁殖個案。


不過九成o既峇里天使都係馴糧失敗而變成真o既天使，所以試糧轉糧要快，佢（特別係細魚）捱唔到好耐。另外佢集性群居，你喺魚舖都會見到佢地一定成群游埋一齊，所以單養會比較難，最好起碼有兩條落缸，落單o既魚有壓力就無咁易開口；打孖咁上，一條走咗就補翻另一條，有舊魚帶住，新魚會比較易開口。

enzo12

小魚毛 發表於 2019-12-13 09:19
補充多句，峇里開口之後就好易養，而且咩糧都會照搶，亦都好多玩家成功繁殖個案。

謝謝,師兄, 喂了豐年蝦便開口, 宜家開始試令佢食粒糧, 新手一開始唔識,唔知係唔係喂左過多豐年蝦,污染左d水, 隔左一日, d珊瑚全部唔開, 即刻換水, 先好番, 之後減少喂食, 就ok

小魚毛

enzo12 發表於 2019-12-22 22:55
謝謝,師兄, 喂了豐年蝦便開口, 宜家開始試令佢食粒糧, 新手一開始唔識,唔知係唔係喂左過多豐年蝦,污染左 ...

要減少水質污染，除咗專喺換水前至餵食，亦都可以將啲豐年蝦先倒落個魚網度，隔走袋入邊啲水，穩陣啲可以再用一小兜魚缸水過一過啲蝦圥至餵，咁應可以盡減少啲污糟蝦水入缸。

如果係餵冰鮮糧，就可以先等啲糧解凍，再倒走啲溶出呢o既雪水，先至再餵，咁樣一定好過就咁直接掉粒冰鮮糧落缸，減少對缸水o既污染。