草皮和鬼瓜

魚花

草皮在缸巳有數月，但前2天晚上用電筒一照，發現有鬼瓜依附生長，請問有甚麼方法解決，又鬼瓜對草皮有害嗎？

小魚毛

起石離缸搞就最方便，就咁用牙簽或者指甲，由腳底成隻挖起，唔好有任何殘蹟遺留，咁就乾手淨腳。

不過如果己經擴散，就比較難逐隻搞。市面上o既藥水，其實都係畀支針筒，叫你逐隻打針，咁其實你用高濃度釫水，自己買支針筒搞都一樣，仲可以慳翻幾廿蚊。

又不過如果數量太多，又或者唔想咁煩兼方便斷尾，就建議搵外援－－生物療法。食鬼爪o既生物包括：畢畢、薄荷蝦、青鯭、斑馬蝶；畢畢好難開口，薄荷蝦唔一定食鬼爪、青鯭都要揀啱品種，所以我首選斑馬蝶，雖然唔係成日有貨，不過又平又粗生，買條返呢睇門口一定無錯。

小魚毛

鬼爪係石葵o既一種，係葵就一定有毒素，但咁細隻啲毒o既侵害性都唔高，所以鬼爪對魚同珊瑚殺傷力都好有限。
但鬼爪o既絕招在於佢非常非常粗生，而且繁殖速度快，好易就成缸都係，咁就會搶佔其他珊瑚o既生長空間同資源，呢個至係佢要被消滅o既原因。

魚花

唔該ching,又想問魚會食薄荷蝦嗎？

小魚毛

會！

薄荷蝦比較細隻，好易變點心。特別係龍、狐嗰科o既魚就一定食硬。3 寸以上o既肉食\雜食性魚，都會視薄荷蝦為美食。

魚花

收到，唔該ching