請問

chungchungkc

FOT缸內只有一舊灰白色死石，近期發現石表面長出菁苔及紫苔，薄薄的鋪在石面上快速生長，應該還有一兩天就全石鋪滿。
請問是好還是壞呢？要處理嗎？除外觀上未發現有什麼問題。

小魚毛

青苔同紫苔都唔會生得咁快，幾日或者幾個禮拜就鋪滿成嚿石o既，應該係藻類。有無相睇？

如果係苔就唔洗理，係藻就未必係好事。要唔要處理先要睇你係魚缸定珊瑚缸，魚缸就只會有外觀問題，對魚應該無咩影響，拎嚿石出呢刷乾淨佢就得。珊瑚缸就怕佢會覆蓋的珊瑚，焗死佢地；亦都怕係嚿死石唔夠乾淨，啲死咗o既生物仍有殘留喺嚿石入邊，而家腐化釋放出NO3, PO4等污染物，吸引藻類生長。

另外要問你係新開缸養緊水，定係開好缸養緊嘢？ 前者係必須經過爆藻程序，咁可以暫時唔洗理，正常啲藻係會自動退去。但如果係後者，又係珊瑚缸o既話，咁就要次次換水都刷石洗石，直到佢釋放晒啲污染物，唔再爆藻為止，或者索性放棄嚿石，換咗佢算。

chungchungkc

系FOT前者，開缸魚仔也無問題，看到你解說放心曬，灰白的死石變了紫紫綠綠也幾好看，謝謝