到底系點搞？

chungchungkc

新手請大家指教下！

去到魚街同咁多師兄的圖都睇到珊瑚都黐在生物石上，而且系任何平面斜面都放滿滿覺得好睇，應該系黐上去是嗎？
我問題系點樣把珊瑚黐上石頭？我買一些軟體是有底坐的，我只好放在缸底或石頭極小的平面上，感覺和大家的靚相差天共地，好難睇！留意到靚相珊瑚是沒底坐黐在石上，那我怎麼切開底坐又不傷害珊瑚呢？用乜野黏？石頭在水中濕濕的點黐嫁呢？

肥嘟嘟河馬仔

用AA啫喱膠

小魚毛

要睇o下係咩珊瑚。
SPS或者有骨o既LPS就可以用AA膠，不過唔係一般文具舖嗰啲，嗰隻太稀好難用，而係牙膏裝o既工業用AA哩啫，五金舖或者大文具舖會有。其它仲有鋼膠、快乾英泥、珊瑚膠，都係相同用法，不過講方便低用，首選仍然係ＡＡ。

至於菇、皮、扣、草之類o既無骨珊瑚，就唔可一味靠黐，要先用針線、橡筋、網袋等方法將佢固定喺碎石面，等佢自然上石之後，再連石黐喺想要o既位置。

你上網打「珊瑚上石」，就會搵到大量資料教你點做。

不過新手唔建議一落缸就黐，每種珊瑚對光照、水流等要求都唔同，又要預留位置，唔好畀佢掂到其他珊瑚互燒，落缸觀察一排，見件珊瑚啱位適應咗又有態，咁至呢黐佢都未遲。

chungchungkc

謝謝，唔該晒。