奇怪蟹

魚花

我的魚缸有海葵和魚，當然會有生物石，都養左5至6年，但奇怪的是這2年多每隔幾個月便發現有死蟹，還被分屍剩下蟹鉗，有時還會有蟹殼，估計蟹最多只有半寸大，但從未買過蟹飼養，就算跟生物石進缸，幾年時間應該會長得很大，但為何從未見過缸有蟹，請問有師兄可幫我研究一下嗎？謝

Kekw3310

匿喺石空隙或者夜晚熄燈先出黎

Tricity731

有蟹殼是換殼吧

有生物石就有機會偷渡入缸

五年前可能因為太細, 冇留意換殼, 依家佢大左囉,你咪見到囉

Stt@@404

蟹夜晚才出動, 一見光就縮入石蓬, 所以平日很少見到,
見蟹殼分肢係因為 蟹換殼

魚花

Tricity731 發表於 2023-10-17 11:43
有蟹殼是換殼吧

有生物石就有機會偷渡入缸

但係好明顯係比魚食左淨返個低殼同埋一只鉗，面殼冇左，仲有大約每2至3個月就有一只遇害

小魚毛

幾年時間應該會長得很大
好多跟珊瑚共生o既蟹都只係丁屎咁大隻，唔係隻隻都可以上碟落鑊。

為何從未見過缸有蟹
除非你係枝狀石，或者落缸前做過Q石卅漂石等工序，否則每塊平板或者塊狀石都會有大把空位畀生物匿藏寄居，唔可以將浮游狀態o既幼體養育成蟹毛，就唔可以叫生物石。

大約每2至3個月就有一只遇害
我未聽過會有生物石每兩三個月就會爆一蟹出呢幫你餵魚，我估樓主都唔會信每隔兩三個月就有人偷偷地放隻蟹落缸幫你餵魚。

好明顯係比魚食左淨返個低殼同埋一只鉗，面殼冇左
樓主憑咩肯定見到o既係蟹屍唔係蟹殻？
蝦蟹定期換出呢o既殻通常都比較完整（但隨水流沖刷都好快會散開），殻身都會好乾淨；而受攻擊成為獵物o既就會身首異處、甚至五馬分屍咁，殻內都一定會有肉屑、內臟殘留。小心觀察唔難分辨。

獵食蝦隻唔難，隨便一條小丑都有機會做到；但有本事KO蟹o既珊瑚缸生物而又可以畀你喺魚舖買到o既，其實唔多，龍科卅狐科o既魚（仲要夠大條 ）、墨魚卅章魚卅螳螂蝦⋯⋯你個缸有無呢啲生物？

如果樓主仍然堅信遇上奇蟹奇事，咁我都無謂再重複其他ching o既答案，浪費大家時間。