急急急

Hongting

三十吋背滴，無q缸 開缸三個月 近期爆白點，早兩星期籃吊開始感染 個堅持唔落藥，己痊癒，但今早發現籃面全身爆點，但同籃吊相反，籃面收左口，請問有無一個好建議，我唔想令水污染，但又無位放q缸，急急，求教

我係wingk960

點解堅持唔落藥?你係RT定FOT?

fat.andrew

FOT: 1.落藥 2.等魚返大海,清缸等幾個月再黎過
RT : 1.Q缸落藥 2.等魚返大海,清缸等幾個月再黎過
師兄,你個缸唔係個海,你唔落藥條魚游得去邊?只係可以等死.
就算用中藥都係藥嚟架.而中藥要係早期時係用,好似你條魚而家爆成咁仲收埋口,可能神仙都難救.

Hongting

魚缸，覺得仲新水日後會好麻煩

fat.andrew

如果你堅持主缸唔落藥,見議你用AB桶或者Q缸,落白點藥醫魚魚.另外清主缸一個月

Hongting

咁今晚落啦，佢今朝先爆，30吋背滴大慨幾多水 30 18 24

Hongting

因為有師兄教如果早期落藥，啲菌未成熟，會有好多手尾，所以咪無落囉

Hongting

有無白點藥介紹？同之後係咪要吸銅？

fat.andrew

你養咩? FOT? RT? 有幾多魚?

puikwong

你想法真係好有問題。就算過到今次下次點過呢

緊係有用先會生產d藥出黎啦。有藥俾你落。應該知足。。

Hongting

五條魚 fot

至愛仙魚

Hongting 發表於 2014-5-5 12:47
因為有師兄教如果早期落藥，啲菌未成熟，會有好多手尾，所以咪無落囉

乜咁大整估有白點要未收口醫先得架, 宜家收埋口, 唉 據多年醫白點經驗, 大勢已去咯

Hongting

佢話啲水好左，水質靚就好小有問題，仲話落銅一定會殘留起生物環到

Hongting

有咩白點藥介紹，點用？請求教，我會嘗試救救它

Hongting

心痛中

fat.andrew

我講下我既做法,不過你可以唔跟.白點係邊度黎?咪係跟住你買既魚入缸囉.好多師兄為左處理呢個問題,一般都會開個Q缸,隔開條魚14日,但係我無位放Q缸,試過用AB桶但係要日日換100%水.最後我唔Q啦直入主缸篩起.呢個時間要金晴火眼睇實所有魚魚身會唔會有白點,只要一條出現幾點直刻落藥,直到無白點.而我一般2~3個月買一次魚,所以主缸並無隱藏既白點苞子.亦無吸銅.落完白點藥記得補充返硝化細菌水.呢個係我FOT既方法,幾年嚟死既魚都係打死,

至愛仙魚

Hongting 發表於 2014-5-5 13:03
佢話啲水好左，水質靚就好小有問題，仲話落銅一定會殘留起生物環到

好似有病丫, 唔食藥, 淨比D新鮮空氣你吸, 你話會唔會好番 C兄 白點好毒架, 會破壞魚全身組織, 同沙士一樣,感染力好強 今次買個教訓, C兄下次米制喇

puikwong

養魚。除左聽人地經驗分享。仲要自己試同分析。先會理解每樣野原理係點。人地話銅離子會留響環度。你就唔落藥。人地話水靚左就唔會有白點。人地話收口就無得醫。你咁態度行事。唔會有邊條魚養得長

至愛仙魚

fat.andrew 發表於 2014-5-5 13:11
我講下我既做法,不過你可以唔跟.白點係邊度黎?咪係跟住你買既魚入缸囉.好多師兄為左處理呢個問題,一般都會開 ...

正解 有Q缸係好, 但Q缸D水質若keep得唔好, 果陣反如無病變有病,弄巧成拙, 我見到條魚有態都係同C兄咁, 對完水直接車落缸

Hongting

puikwong 發表於 2014-5-5 13:22
養魚。除左聽人地經驗分享。仲要自己試同分析。先會理解每樣野原理係點。人地話銅離子會留響環度。你就唔落 ...

我都問人學嘢，養左三個月問人咁教我都係為我好姐，你覺得我有問題咪唔好睇我囉，我無心就唔會開post請教各位啦，我條魚有事都唔好心情，你話完我一個post我都忍，因為我真係請教人，你唔洗再係咁話我有問題架啦，而家我魚缸真係有問題，你唔想教我可以唔留言架！還有多謝各位教路