大埔昌運中心昇龍水族館執左，之前落訂冇晒，已報警處理

freeman20134

之前落左訂買2條炮彈，打算一大一細，女老闆娘仲話到貨打電話通知我，都訂左幾個月，幾星期前去問過，女老闆娘仲話訂魚單冇炮彈訂，有魚再通知我，我話張單開始甩色，要唔要印過張，佢話唔洗，佢話佢都有留底單，有魚一完通知，點知今日去到已執左，半開門入面全黑，問商場保安執左半個月，啲魚缸都未清，通知商場保安一聲會報警，之後行去大埔警署報案，雖然只係幾百蚊，但係咁樣呃錢就唔順氣。

w071215

無良黑店

傻傻地單眼仔

幾舊水都照食

Kwong

炮彈響魚街周時有得賣，洗咩訂，咁啱佢做唔住而你又落左訂，唯有經一事長一智囉，喺香港地實有呢類奸商去呃人架！

freeman20134

Kwong 發表於 2014-12-1 18:42
炮彈響魚街周時有得賣，洗咩訂，咁啱佢做唔住而你又落左訂，唯有經一事長一智囉，喺香港地實有 ...

因為果時佢話炮彈魚場魚單成日有，要可以落訂下次魚單有炮彈幫我買，一來昇龍水族近我屋企，二來價錢比魚街平，所以我咪落訂囉！同埋佢話魚單成日有我要既炮彈，我以為唔洗等好耐，點解落完訂之後，幾次返魚去問都話名單冇炮彈，

Terry

訂都吾會比晒錢，通常留魚講聲就得，有魚打個電話比你，一兩日内攞通常都得

freeman20134

Terry 發表於 2014-12-1 20:00
訂都吾會比晒錢，通常留魚講聲就得，有魚打個電話比你，一兩日内攞通常都得

冇比晒錢，落左一半訂左右，見佢開左舖咁耐，同佢都有兩句傾，冇估到佢會咁

Ez.

比魚街平？！

noelhk

依間魚店D魚都買得落.......唔係嘛=.=
應該一早執喇~

Kwong

noelhk 發表於 2014-12-2 00:05
依間魚店D魚都買得落.......唔係嘛=.=
應該一早執喇~

師兄聽你咁講，唔通又中過招！

Terry

大埔好似得佢一間咸野

noelhk

無中過招, 不過你行入去見到D魚都已經唔開胃喇~
根本上由開鋪到宜家都係咁差, 點會有人買得落手?!

肥仔恆

去新街市買魚好過, 成日有炮彈,金蝴蝶,荷包碟,新娘,魔,一字吊, 仲見過有白尾

南海洋

是什麼旦呀???
皇冠,玻璃,太后,魔鬼.,藍線....???

freeman20134

南海洋 發表於 2014-12-6 06:17
是什麼旦呀???
皇冠,玻璃,太后,魔鬼.,藍紋....???

藍線旦



玻璃同太后旦點樣㗎？

南海洋

freeman20134 發表於 2014-12-6 08:33
藍線旦

藍線時時都有...不過1~2" 就少D.

昇龍都唔想收檔呃錢....
如你是佢熟客,當俾錢送對草鞋少少心意囉.

freeman20134

南海洋 發表於 2014-12-6 09:58
藍線時時都有...不過1~2" 就少D.

昇龍都唔想收檔呃錢....

落訂左1條T size、1條M~L size,反而大條少有，魚街未見過返，得佢到有

唔想收檔，但佢真係呃左我錢，明知就黎唔做都唔通知聲，佢有我電話，同埋我最近落佢舖同佢收檔差唔多時間唔差幾日，幾百蚊唔係大數目，買魚死魚都唔止，係咁樣比人呃條氣唔順，平氣經開冇魚啱都有傾有講，果然唔熟唔食總知報左警就交警方處理啦

南海洋

2 條魚....$200 得啦;.  唔洗$3 幾百蚊嗃.

雖然唔關我事,不如有藍線旦CALL你來我店, 送俾你去消案算數.

freeman20134

魚我唔要喇！我當初都話唔係錢問題，如果消案唔麻煩，我收工打去警署問人，最驚比人小啫！

老闆你真，好少見唔關自己事都咁落力解決問題，相比起當事人只會龜縮，

不過有大藍線旦call我，時間就到我會即刻過黎買

owen

freeman20134 發表於 2014-12-6 13:49
魚我唔要喇！我當初都話唔係錢問題，如果消案唔麻煩，我收工打去警署問人，最驚比人小啫！

老闆你 ...

樓主你晌港島東返工ka ?