TECO TK1000制冷時熱風很驚人,正常嗎?

squall6783

我朋友550L缸左右,買左部全新TK1000,但佢一制冷個道熱風非常厲害,部機係放係底櫃,但係前後都有百頁,制冷時可以摸到的門鉸係辣手,部機身的金屬位亦都係辣手,如果夜晚冇開冷氣,成個廳都俾部機整熱哂...請問有用過既師兄有同感嗎?是不正常呢?謝謝!

Galaxy

我部又沒有這問題喎！

squall6783

師兄，想問下你部機制冷時，機身係咩熱度呢？

kin..v.v

550L水用tk1000,比較吃力，可能係因為不停制冷，才會咁熱

肥嘟嘟河馬仔

個櫃唔夠散熱

dicky826

熱風搵緊出口

肥仔Tim

kin..v.v 發表於 2017-4-12 06:01
550L水用tk1000,比較吃力，可能係因為不停制冷，才會咁熱

好吃力咩，我650L都無事

肥仔Tim

前後有拍業唔代表通風好咩? 我都係沙缸櫃裡面，點解我又無問題呢?每樣野都有要求，出風位前係唔可以比野頂住，即熱氣要直接可以噴出櫃外。
我個板門係度住個出風位做！

小魚毛

TK1000係機頂散熱，唔同一般機身側面散熱o既設計，咁可以提高部機o既製冷效率，但前題係機頂位置要有足夠空間畀佢散熱。樓主缸櫃前後百頁，係唔足夠畀部機o既熱氣排走，積聚o既熱氣其實會傳返入缸，最終又加重部機o既work-load，形成惡性循環。所以簡單o既方法，先試長期打開百頁門一兩晚，睇o下情況有無改善。或者拆走背面o既百頁，都可以有相同效果。再唔係就o係櫃頂位加隻風扇抽氣。
不過咁都解決唔到成個廳熱晒o既問題。其實最根本問題係樓主買錯機。好似四樓ching話齋，TK1000推薦畀230~750L水o既缸，以550L缸呢講，部機要不停咁開摩打著風扇，勉強至可以降到溫，機器運作o既熱加上由魚缸抽出o既熱氣，咪熱上加熱。咁樣重會加大用電量，部水冷又會好快玩完，其實係三輸！所以買水冷樓要預廠家建議水量o既兩至三倍，如果樓主可以畀多幾百，upgrade上TK2000（500~1900L），咁個情況就會完全唔同，部機唔會成日著摩打，有足夠時間畀佢休息散熱，就唔會成部暖爐咁。
所以樓主要諗諗趁早放左部TK1000，換過部2000至可以解決問題。

小魚毛

肥仔Tim 發表於 2017-4-12 11:46
好吃力咩，我650L都無事

太多因素會影響個缸o既散熱：個入邊摩打（泵）數量、個缸o既擺放位置、成間屋o既坐向卅有無西斜⋯⋯
好難一概而論。所以預計o既嘢，幾時都係預多好過預少。

小魚毛

肥仔Tim 發表於 2017-4-12 11:49
前後有拍業唔代表通風好咩? 我都係沙缸櫃裡面，點解我又無問題呢?每樣野都有要求，出風位前係唔可以比野頂住 ...

百頁係裝飾之餘又減少對通風o既影響，但最好o既通風效果，當然係無遮無掩啦。其實一般o既櫃背，都唔會做百頁，就係無裝飾o既需要，又方便散熱同走喉。
ching可以將個板門對正個出風位做，所以散熱效果就好好多。

kin..v.v

肥仔Tim 發表於 2017-4-12 11:46
好吃力咩，我650L都無事

師兄會否因你長開冷氣，or家中通風好好呀！650L差不多48"滴漏缸以上，315w去制冷夠力！！

arfaifai

就算水量一樣，環境、器材唔同，結果都唔同，而且set25度珊瑚缸同set27度既fot缸已經好大分別啦

squall6783

唔該各位師兄,其實個缸櫃係三面睇,者係前後百頁出面都係空曠地方,通風黎講應該算係可以,以早幾日既溫度,其實開機次數亦唔密,加上係fot,只維持27度,更加係開機開得少,問題係部機一開親真係好熱,我只係覺得會唔會係部機有咩問題咁解者,而家唯有洗手間長開抽氣,減低制冷熱風對室內既影響.