慘痛!! 隻奶咀吸左入造流><

fannylyp

養左個幾星期, 已經加晒罩架啦, 都係吸左入去, 點解你要咁睇唔開Orz

hon328

R.I.P

小魚毛

兜起雙葵先，睇住佢如果一路塌晒唔脹翻，又有液體滲出（可以見到佢落翻缸後附近啲水都係朦），咁即係情況無好轉，過得幾日如果發臭就即刻要離缸，唔好污染缸水。

leemanho

未必死架，我都試過兩三次，都冇死到

fannylyp

真係仲救得番!! 而家用緊個隔離DULL裝住先
但佢好似好弱咁, 放佢入去果陣都唔痴手, 又無乜反應
又唔肯食野點算呀, 我應該點樣救番佢?

小魚毛

fannylyp 發表於 2019-6-4 15:48
真係仲救得番!! 而家用緊個隔離DULL裝住先
但佢好似好弱咁, 放佢入去果陣都唔痴手, 又無乜反應
又唔肯食野 ...

睇你第一張相，見到隻葵仲有好多綠色o既觸手，仲即係話佢受傷o既「面積」應該唔係好大，多得你及早發現，同埋加咗保護罩。

暫時你無嘢可以做，兜起佢keep住有水流，等佢自然康復，如果佢唔好彩過唔到呢關，你聞到有腥臭味就要即刻棄屍。除非佢脹翻兼申出觸手，否則唔好餵食，棧壞水。另一個檢視隻葵狀況o既方法係睇佢中間o既口器，健康葵隻o既口器應該係緊閉，而家你隻葵把口擘到大一大，啲內臟都嘔埋出呢咁滯，邊有可能食嘢畀你睇，等到見到佢把口合翻埋，至諗餵食啦。

另外你亦都可以試

小魚毛

另外你亦都可以試o下將水溫下調，之前同你講28度，係怕你部水冷唔夠力，但葵都係珊瑚o既一種，合適o既水溫應該24~26度，28度只係熱佢唔死啫；所以如果你部水冷夠力，就將個水溫較去25度啦，咁全缸生物都會舒服啲。

小魚毛

奶咀習慣個位唔啱心水就起身走人，之後就隨水飄去另一位置落腳，問題係o係自然環境中唔會有造流同入水位等o既陷阱，所以話成功餵到養奶咀o既例子其實唔多。而到目前為止，都無人可以解釋到奶咀到底鐘意咩條件o既位置落腳，所以都無人可以講到點樣另一隻奶咀「安定」落呢，有提議用一個「兜」或「淺杯」狀o既器皿（例如貝殼）呢到畀佢落腳，無錯咁係可以畀雙葵「初步安頓」落呢，但我試過無耐隻奶咀又會再起身去搵其他位置，所以都唔算係有效方法，關鍵應該係位置（配合合適o既水流同光照）o既選擇。

所以保護罩應該係延長隻葵o係缸中適應期，直到佢搵到合適位置落腳o既方法，不過你個格仔網罩o既網眼太大喇，唔足以阻止吸咗埋去o既奶咀觸鬚被「拉入」造流入邊。你可以去街市買啲用白色網袋裝o既蒜頭：

個網袋o既網眼好細，袋身彈性好大，要呢套落造流好方便，我用咗兩三年，救過好多隻葵同其他生物，呢個方法o係一間代理o既師傅教，值得分享。不過亦都因為佢網眼細密度高，容易積污物，要個個禮拜洗，睇你怕唔怕麻煩。

fannylyp

小魚毛 發表於 2019-6-8 12:48
奶咀習慣個位唔啱心水就起身走人，之後就隨水飄去另一位置落腳，問題係o係自然環境中唔會有造流同入水 ...

唔博喇, 而家放左佢係隔離盒, 加左D石仔俾佢坐住, 兩隻小丑而家一到夜晚識自已入去當床咁訓


狀態好似好番D, 但啲手都係唔識痴蝦, 個咀都係有時開得好大, 同埋體積好似細過以前好多. 希望會遲D會健康番.