新缸買珊瑚

hin816

開左新缸個零月，養完水落左2條魚仔2個禮拜都無事，測個水質一切工常
想開始加珊瑚，去魚街地鋪睇過都係賣緊比較大件同幾舊水起跳
我想搵細件d同$150內既入門級珊瑚試試水同做浪燈光果d野
想問吓各位師兄有無樓上鋪或網店推介，謝謝

ybkwok

留意本網二手交易市場，經常有你想要嘅嘢
http://seafishzone.com/forum.php?mod=forumdisplay&fid=46

小魚毛

魚街就真係買魚為主，珊瑚對佢地呢講只係少數族裔，唔會受到重視。
想買珊瑚就一定唔好蹲o係魚街地舖，品種少，價錢貴，而且更重要係好多舖頭sales只係識做買賣，唔識養珊瑚......魚街樓上都起碼有四五間舖有賣珊瑚，下次去魚街記得抬高頭望清楚。魚街外圍，甚至區外（例如牛頭角、觀塘），都有好多樓上樓下舖值得一去，你可以去呢樹o既商店生物通告睇翻啲舖頭到貨通告。要知道，香港玩珊瑚o既人唔多，市場細，貨源供應就更少，因為珊瑚唔係工廠啤出呢，舖頭唔可能一件件咁長擺o度係等你去揀，好多都係幾個禮拜甚至幾個月至返一次貨，賣晒就要再等下一水，你唔係返貨o個幾日去，當然會少好多嘢揀。

一般舖頭唔會刻意去cut細件珊瑚咁呢賣，sps都仲可能有啲碎角當frag仔賣，lps就真係無舖頭會咁玩，樓主要玩細嘢試水，一係等間舖返貨o個日去搵，唔係就要睇彩數。

$150呢個價位真係低咗啲，留意珊瑚定價係由貨源供應同市場需求決定，同佢易唔易養無直接關係，建議樓主唔好畀價位限死自己，揀粗生o既品種，例如菇、扣之類，揀鄰近地區對水質要求次一級o既貨源，例如印尼，咁呢入手，養定咗之後至再考慮其他。

香港地，個個都地方有限，所以細件o既珊瑚係比較搶手，好似樓上ching話齋，去二手市場收可能會更多選擇，不過係咪啱你新手試水，最好自己做多啲功課。

記住：平唔等於粗。養唔到o既嘢，再平畀你都無用。

momomomo

十分同意樓上師兄講法, 我都係LPS新新手, 魚銜地舖真係好難買落手.
上星期行哂成條魚街, 到最後都係去返牛頭角, 之前買過1個frag仔既扣, 用黎試水, 就$150以下都買到.
如果想買一棵細既豬腰/火柴, 平極都要預$300-400左右.
同意留意多D二手市場, 我都成功買過平扣.
希望幫到你.

hin816

唔該晒 樓上幾位師兄
咁唯有慢慢搵