請問有冇師兄教養小丑葵.

fishfishbear

各位師生. 小弟養了比教喜歡養下小丑魚. 但什麼都沒做. 買葵回來最長也是半年命. 有冇師兄教教心得. 應該有咩配置或點可以養一兩件葵比小丑魚?

老千王

有沒有水冷，要水温27度以下

pca

奶咀葵有共生藻，所以要盞好

小魚毛

樓主要搞清楚先：「點養小丑葵」ＶＳ「點養葵畀小丑魚」係兩個題目，你唔清唔楚咁問，換返呢o既就係唔清唔楚o既答案。

leemanho

要水冷，要夠光。買包急凍蜆肉，每個星期餵一至兩隻。

仲有，唔好俾佢行到去個做流度。

小魚毛

小丑魚有好多種，海葵亦都有好多類，唔同種o既小丑魚會玩唔同種o既海葵，唔係每條小丑都見葵就玩，配錯o既話有幾會搞出魚命，我就試過有條火公小丑畀地毯海葵食咗。

樓上各Ching覆o既都係講緊奶姐海葵，最常見最平又最難養o既一㮔海葵，因為鐘意移位，暫時都唔見有咩有效辦法令佢固定係某一位置，所以99% o既下場都係吸入造流泵或者落水位而死，否則就係走入石罅唔出呢餓死......

樓主題目所講o既小丑葵，其實係本地魚舖o既叫法，指o既就係公主海葵，佢相對較穩定，唔似奶咀咁會通缸走，但就要高光同大水流，我o係自己個sps缸度keep左幾年，放佢上缸頂對住支AI直晒，而家趕佢都唔走！

唔同海葵對唔同溫度、水質、光度、水流＆位置都有唔同要求，樓主最好就翻每一種海葵o既情況再深入咁做資料搜集。

leemanho

小魚毛 發表於 2021-7-26 11:05
小丑魚有好多種，海葵亦都有好多類，唔同種o既小丑魚會玩唔同種o既海葵，唔係每條小丑都見葵就玩，配錯o既話 ...

配錯搞出魚命應該冇可能既。應該係你隻火公已經死死地，所以先會俾隻葵食左。就算唔係小丑魚，一條普通健康既魚都唔會俾海葵食左既，最多掂到受傷然後彈開既啫。

fishfishbear

老千王 發表於 2021-7-26 06:31
有沒有水冷，要水温27度以下

師兄. 我有水冷. 但買左返黎沒用過^^"

fishfishbear

小魚毛 發表於 2021-7-26 09:30
樓主要搞清楚先：「點養小丑葵」ＶＳ「點養葵畀小丑魚」係兩個題目，你唔清唔楚咁問，換返呢o既就係唔清唔楚 ...

我係想共生. 想養小丑葵比小丑魚.. 謝謝師兄!

fishfishbear

小魚毛 發表於 2021-7-26 11:05
小丑魚有好多種，海葵亦都有好多類，唔同種o既小丑魚會玩唔同種o既海葵，唔係每條小丑都見葵就玩，配錯o既話 ...

師兄. 謝謝你詳解@@ 我見很多師兄養葵賣...但我係想養好一兩件葵比兩條小丑就心足. 但好多時, 我買葵就好似買屋比佢地....住到咁上下間屋就玩完....

fishfishbear

leemanho 發表於 2021-7-26 16:46
配錯搞出魚命應該冇可能既。應該係你隻火公已經死死地，所以先會俾隻葵食左。就算唔係小丑魚，一條普通健 ...

我都覺....好少見小丑魚會比葵食左^^""

小魚毛

leemanho 發表於 2021-7-26 16:46
配錯搞出魚命應該冇可能既。應該係你隻火公已經死死地，所以先會俾隻葵食左。就算唔係小丑魚，一條普通健 ...

ching o既「無可能」應該只適用於奶咀或者小丑葵之類o既「善類」，但要知海葵本身就係獵食性生物，太多魚友畀佢同小丑共生o既「療癒」畫面所誤導，以為所有海葵都係善男順女。地毯算係海葵中毒性較高o既類別，其實唔適宜入缸同其他生物混養。


我隻火公入缸大半年，先花半年時間至成功跟同缸另一條大火公配對，之後再入缸，所以狀態一定無問題。佢係突然間失踪，兩日之後就見隻地毯吐翻半條屍出呢⋯⋯其實呢隻地毯己經KO過缸入邊唔少o既生物：峇里天使、黃吊、箭蟹、海膽⋯⋯呢批受害者出事o既狀態都好正常，絕對唔係死死地o個隻。

我亦都試過換水o個陣有魚隻受驚，衝咗落地毯到，雖然即刻出手相救，不過都只係捱咗兩三個鐘就無咗。「最多掂到受傷然後彈開既啫」呢啲咁o既碎料，只有奶咀至有呢支歌仔唱。

小魚毛

fishfishbear 發表於 2021-7-26 22:13
師兄. 謝謝你詳解@@ 我見很多師兄養葵賣...但我係想養好一兩件葵比兩條小丑就心足. 但好多時, 我買葵就好 ...

海葵可以話係珊瑚同類，所以好多要求其實同珊瑚差唔多，絕對唔可以當佢係小丑o既輔屬品，養到小丑唔等於就可以養到海葵。

加隻海葵落缸，個缸就變成混養缸，唔理有無其他珊瑚都好，都應該用RT o既標準去配置器材。水冷、燈具、造流，良好過濾系統通通都要有。你話之前試過養到半年，其實都算唔錯，會唔會係到夏天水溫過高而死？

唔記得小丑葵卅公主葵o既詳細要求，不過可以分享o下我個缸目前o既情況畀你參考：
水質(sps缸)：NO3--under 3，PO4--around 0.03
水溫：25.5度
照明：AI Hydra 52 + T5HO*2，離水面約6寸
造流：Mp40 + Mp10對吹
共生生物包括一對黑丑＆一條背心，無特別餵食，只係一般投放魚糧時順手餵啲，一星期兩次。
隻葵o係山頂離水面寸零兩寸左右o既位置落腳，係全缸最光同最大水流o既地方。

老實講，我個人相信小丑葵最適合SPS缸飼養，如果換咗做LPS缸，水質、照明等條件都次一級，玩唔玩到就真係要試過至知。

fishfishbear

小魚毛 發表於 2021-7-27 00:14
海葵可以話係珊瑚同類，所以好多要求其實同珊瑚差唔多，絕對唔可以當佢係小丑o既輔屬品，養到小丑唔等於就 ...

謝謝師兄詳細解說. 如果可以既話. 其實會唔會LIST OUT到除左魚缸要買之外. 仲有冇咩配件或配置要呢?

leemanho

小魚毛 發表於 2021-7-26 23:37
ching o既「無可能」應該只適用於奶咀或者小丑葵之類o既「善類」，但要知海葵本身就係獵食性生物，太多魚 ...

咁可能師兄嗰隻地毯特別毒啦。我自己都養過地毯，而家仲養緊。我隻手掂到都紅個幾兩個禮拜，d 魚中招真係冇死，最多有一撻傷口。

小魚毛

fishfishbear 發表於 2021-7-27 00:45
謝謝師兄詳細解說. 如果可以既話. 其實會唔會LIST OUT到除左魚缸要買之外. 仲有冇咩配件或配置要呢?

其實就係sps缸o既器材，基本o既缸、化氮之外，其餘你數得出o既都唔可以少，水冷、造流、燈具、過濾系統、水源控制......

重點係sps係燒錢玩意，所有器材級數都唔可以係入門級，投資大，操控複雜，值唔值得為一隻海葵投放咁多＄、心血＆時間，樓主真係要小心衡量。

因為唔同級數器材價格上落係以倍計，或者你先列出手上現有器材清單，睇o下有咩可以保留繼續用，然後再追加設備，希望可以盡壓低開缸成本。

小魚毛

leemanho 發表於 2021-7-27 09:42
咁可能師兄嗰隻地毯特別毒啦。我自己都養過地毯，而家仲養緊。我隻手掂到都紅個幾兩個禮拜，d 魚中 ...

我隻係紅地毯，最短鬚o個種，落缸六年，而家用格仔板單間咗間水飯房畀佢。有造流直吹，不過因為o係缸底，光線比較暗，亦無獨立餵食，所以間唔中都會有逃獄事件，都要密切監視

以前都有養過綠地毯，觸鬚長少少o個種，無而家呢隻紅地毯咁跨張，不過一樣有魚變咗佢o既大餐，可能因為我兩尺缸，環境太擠迫啦。

fishfishbear

小魚毛 發表於 2021-7-27 11:03
我隻係紅地毯，最短鬚o個種，落缸六年，而家用格仔板單間咗間水飯房畀佢。有造流直吹，不過因為o係 ...

兩尺缸都叫迫...@@最辛苦係找人教點買齊要既野..

小魚毛

fishfishbear 發表於 2021-7-27 20:11
兩尺缸都叫迫...@@最辛苦係找人教點買齊要既野..

呢樹啲ching最鐘意毒人洗錢，你唔洗憂無人教你買嘢

如果真係要玩sps缸而budget無問題o既話，圈內其實有兩三家專做RT缸同買器材o既舖頭，大多都係魚街以外o既樓上舖，主要都係珊瑚玩家幫襯，服務同商譽都唔錯，有興趣可以PM你。

小魚毛

不過講返轉頭，如果只為睇小丑「床戲」，其實唔一定要養葵，無得揀o既話，好多小丑都會連LPS都照玩，寶石花、火柴、啫哩、菠蘿釘、長鬚飛碟⋯⋯最誇張聽過連蚌都唔放過，唔怕會畀隻蚌挾死！

比起上呢，LPS應該會易玩過小丑葵。