NH3超標

LCB

各位ching，想請教一下.... 開缸已2個月，2尺缸，有藍魔、蕃茄同粉藍吊，開口食嘢，睇落健健康康。

但試水發現.... NH3爆高，但NO2、NO3係0.... 有生物環，keep住落細菌水.... 但唔知有冇行緊n-cycle?

小魚毛

點解要「keep住落細菌水」？如果有完整硝化系統，養好水行完N-cycle，咁應該唔需要落細菌水。

你個到底行咩過濾？有幾多環卅石？養咗幾耐水至落魚？

Littlefish123

你好師兄， 我個缸既情況同你一樣
開缸
落生物石，硝化細菌水，開蛋白
一星期後放青魔
佢第2日就開口食野 好活潑

但測水nh3爆標

唔知下一步應該點做好
落多條魚？

求指教

小魚毛

邊個老點你咁快加魚？

一星期就落魚己經錯，N-cycle根本未開始行，菌都未養到所以NO2 ＆ NO3零，條魔o既排泄加你重手餵食（新手通病）就不停增加污染源，所以NH3爆標，條魔唔死只係佢夠粗生兼命硬。

除非你諗住個缸將來只係養魔，否則唔好再加魚落菌，餵食更加要盡量輕手，最少等多兩星期，keep住日日check NO2，見佢由零飈升到爆標，再跌翻去零，咁至係行完N-cycle，呢個時間再check NH3 ＆NO3應該會跌翻落正常水平，咁至好再加魚。

萬寶路

搞清楚係乜細菌水先??有D只係細菌營養,
加咗魚就唔好再落,魚糞便已經係細菌營養,除時越落越爆

LCB

等左2個月，終於行完n-cycle (我相信、希望係....)，NH3點到零，NO2升爆後亦都回復到零，並穩定持續到2星期；

但開始出現另一問題，近1星期NO3由零開始慢慢上升，0mg/l --> 10mg/l --> 25mg/l ，已盡量忍手唔放咁多糧.... 開左化氮...

之前條粉藍吊去世了，補了1條藍紋.... 但開始個身開始出白斑。

請問各Ching, NO3可以點降低？同咁既水質仲有咩要小心？

小魚毛

恭喜你終於行完N-cycle。

NO3上升，代表你缸內個硝化系統未能完全處理所有積累o既污物。而NO3 o既來源主要分為兩類：
１）生物污染：包括生物的自然排洩＆人為的餵食過量；
２）水源有NO3：香港o既水喉NO3最少都有10mg/l，個別地區更加去30~40mg/l，所以如果你用水喉水開鹽，咁NO3無咩可能低過10mg/l，但呢個係咪你缸水o既NO3升高原因，就一定要你自已驗o下屋企o既水喉水至知。

處理方法：
１）生物污染：生物的自然排洩情況－－照計新缸少魚無咩可能會超養，不過搵個魚缸計數機睇睇自己個缸養到幾多魚，呢啲咁o既基本功幾懶都要做一做；人為的餵食過量問題－－雖然你話「盡量輕手」，但其實標準係要十分鐘內食晒啲糧無剩，而且一日只餵一次已經足夠，係輕手定重手你自己睇。
２）水源有NO3：如果唔係養珊瑚，咁NO3 keep喺 30mg/l 以下都應該無問題，否則o既話，就要考慮加環或者其他減NO3設備，其實都有減NO3藥水，不過未必隻隻有效，而且成本貴，長用絕對唔化算。

新缸就算行完N-cycle，都應該由粗生o既魚開始落缸，蝶魚仙魚肯定唔粗生，個缸行得無半年都唔應該試。

LCB

藍紋回大海了，只養了3星期，現在NO2、NH3 維持到零，NO3係25mg/l，始終保唔住藍紋…..