新手開缸問題

ho011025

各位c兄好，本人超級新手，40L水，剛開缸養水約一星期，用氣曝自來水加海水素，每天加硝化細菌，死石造景，檢測出來的數值:
  
Ph: 8.0
No2: 0
No3: 100
每天開燈6小時…沒有任何爆藻現像….請問各位師兄，養水期間需要換水嗎？
還是待爆藻來降底no3?

grapeskg

唔好換水。要爆藻 爆到白化
同埋你用自來水 永遠唔會養得好
裝返部RO水機

ho011025

謝謝c兄指教

小魚毛

個缸幾大？有幾多升水？幾多磅生物石？有無生物環或者其他濾材？

硝化細菌只要落一次就夠，唔應該每日加。落菌之外仲有落咩？魚糧卅生物卅死魚死蝦？所謂養水其實係養菌，除咗菌之外仲要有污染源(i.e.有機物)等啲菌做嘢，如果你唔畀o野啲菌食，仲要每日加菌去爭食，咁點菌點樣生存？N-cycle亦都唔會啟動到，所以NO2 一直係零。所以菌同污染源都只係落一次就夠，之後就係等。上水泵、造流開住，化氮可以等爆藻或者NO2爆標之後開，燈開長啲都無所謂，有助爆藻，無其他生物，有ching甚至開足24小時。如果有暖管，不防推高水溫去到30~32度，咁啲菌會活躍啲。呢啲都只係開缸時設定，開好缸之後，燈照時間、水溫，當然都要回復翻正常。

樓主係ＦＯＴ定ＲＴ？如果只係玩魚唔養珊瑚，其實水喉水開鹽都玩到，唔一定要買ＲＯ水機。最好你自己驗o下屋企水喉水，NO3正常有10，咁樣都夠養魚；但如果高到去30~40，咁就真係要考慮RO。如果水喉水無事，咁你NO3有100可能係你啲死石問題，有需要可能要再處理o下啲石。

而家開緊缸唔好搞咁多住，先停落菌，加污染源，等爆NO2 & 藻，keep住每日驗水，等多個星期，如果都係無反應，至再考慮石o既問題。

ho011025

謝謝c兄詳細提問，我缸有40升水，沒有用生物石，只用死石做景，底濾（濾材：白棉，生物環）加一個氣泵式迷你蛋分，我有加魚糧做污染源，硝化菌我是跟樽上面既指示加的，加落去生物環到

初期我打算先FOT,待我經驗多d想轉做混養缸，樓上c兄提點完，我有檢查水喉水，no3大約10。

另外我有一個疑問，開缸待爆藻目的都是確保N-cycle有運作，但N-cycle的最終產物便是no3,要用藻類吸收no3,咁其實我確認到no2轉化去no3,應該便可以知道硝化菌有正確運作，那我是否可以不用等待爆藻階段，用換水手段降底no3。新手疑問，求指教。

小魚毛

沒有用生物石，只用死石做景: 死石係指生物石中所有寄生生物(菌、軟體、貝、蝦蟹......etc) ，全部死清，好處係確保唔會有怪物入缸，但亦都可能係你NO3爆燈原因，因事前清理功夫未造好，石中生物屍體腐化造成NO3污染。

我有檢查水喉水，no3大約10：
水源正常，咁要留意NO3爆燈原因，可能係死石唔夠乾淨，亦都可能係N-cycle行緊，但畀你不停咁加菌水而打亂咗o既徵狀。暫時以不變應萬變，觀察一輪先。

打算先FOT,待我經驗多d想轉做混養缸：
混養就係RT，同FOT係兩套系統，無所謂中間過渡，玩開FOT轉RT差唔多等同於重頭開始，絕對係苦事；趁未開好缸請三思，二揀一，否則將來要花多倍計o既心力、時間 & $。

N-cycle的最終產物便是no3,要用藻類吸收no3：
處理NO3唔一定要用藻類吸收，唔好畀啲吹捧藻屏神效o既講法誤導。硝化菌有好多種，其中一種就可以將NO3轉成氮再排出缸外，硝化過程中可以完全撇除藻類o既存在。只要系統成熟，無藻，NO3一樣可以零。

我確認到no2轉化去no3,應該便可以知道硝化菌有正確運作：
前面己經提過，你NO2零唔一定係硝化菌做緊嘢，NO3爆燈亦都可以係死石問題......轉化NO2同轉化NO3係唔同o既菌，培養佢地需要o既時間長短都唔同，所以正常係先NO2爆升，之後慢慢下降，再有爆藻＆NO3被處理等狀況。而你目前係跳過咗NO2爆升第一步（或者係根本未開始第一步！），咁肯定唔自然，當中係咩問題，可能要其他高手代答。不過N-cycle係自然培養菌落o既過程，各項因素互相影響，當中一個步驟有問題，出呢會有咩結果就好難預料。

我是否可以不用等待爆藻階段，用換水手段降底no3：
除非己經有生物落缸，為免NO3毒死至好換水，否則咁樣只會進一步打亂N-cycle過程，亂上加亂，幾時至行完水可能只有天曉得！

ho011025

謝謝c兄詳盡解答，那我現在可以做的便是每天檢測觀察情況。

我心目中其實是想RT缸，想問問系統上我還差什麼，我想向RT方向進發。
我現有設備：

底濾（白棉主倉，第二格生物環）有預留空間裝水冷，但未有水冷

主缸（40升）：
迷你蛋分 x1
沙底（約3cm厚）不是厚沙底系統
死石（約4kg)
水草燈（以前我淡水草缸剩的）

請c兄提點一下我還欠什麼，感謝感謝！

小魚毛

照睇你設備的確指向FOT，如果係玩RT，有必要再執執。RT缸主要分軟硬珊瑚兩類，器材要求相近，主要係級數或價格上o既差別。新手可以先玩LPS軟珊瑚，養得到再upgrade上SPS硬珊瑚。先講你現有器材：

白棉：
RT缸會比較多碎屑，用白棉o既話，要密密清洗更換。如果枝化氮OK，唔用白棉會煩少啲。不過氣泵式迷你蛋分要配好氣泵＆靚氣木，你可以睇翻之前o既討論貼文。

水冷：
40L缸唔好望電子水冷work得到，最貴o既機勉強頂到一季都一定跪低，最平o既壓縮機起碼用到幾年，計落一定化算過電子水冷。冬天開缸可以唔買水冷住，但LPS缸水溫唔可以高過28度（SPS就26度），你預大概到四五月左右都要入貨。

沙底：
雖然唔係厚底沙系統，但要keep住洗沙，好多ching話洗沙會反缸，原因係隔太耐無洗，積太多垃圾導致，所以最少都要一年洗一次。

死石：
生物石屬於RT缸硝化系統o既一部份，就算係死石開缸都好，最終都應該將死石變翻生石。不過你而家啲石可能有NO3過高問題，輕則拖慢開缸N-cycle過程，重則可能會有持續爆草\爆藻問題。搞唔掂o既話，最終可能要換石重頭呢過，樓主要有定心理準備。

水草燈：
RT燈俱係水冷之外最貴o既投資，SPS要頂級燈俱，LPS可以用次一級，不過都同部水冷差唔多價錢。唔知你枝水草燈有幾光，但係夠光，光譜都未必啱珊瑚生長，我怕佢會更易引發爆藻、草問題。不過唔洗即刻買燈住，不防等到養好水，有珊瑚入咗缸，試過真係唔得至換燈都未遲。

小魚毛

需要追加o既器材：
造流：
雖然只係40L細缸，但造流對RT呢講仍然不可缺少，只要係有時間＆模式設定o既造流泵就得，平貴差別就只在於外形（夠唔夠Slim）＆耐用程度。

水質控制－－所講o既唔係一件件器材，而係一套系統：
先講水源。無一個缸可以將水喉水o既NO3由10降到去0，維持咁o既NO3水平，只有比較粗生o既LPS至可以生存到，所以唔搞水源問題，玩RT會有好多限制。RO機或者廁所水係兩個可以考慮o既選擇。
過濾系統。除咗化氮、生物環＆生物石之外，RT缸應該要有更高效處理NO3、PO4 o既過濾系統，豆＋ROWA卅沸石卅藻屏、藻桶，都係好多RT缸標準設備，樓主可以慢慢研究o下。

補充內容 (2021-12-31 09:18):
另外要留意，生物環只有Sera 隻 Siporax 玻璃環可以畀RT用，因為其他環都有NO3太高問題，惟一係 Siporax 可以控制到NO3去到RT缸可接受水平。所以如果你唔係用呢隻環，就最好換咗佢。

補充內容 (2021-12-31 10:25):
或者索性唔用環，ＲＴ缸喺未有Sera Siporax環之前，多數都唔會落生物環，細缸就玩豆＋ROWA或者藻屏，大缸或者sps就玩沸石為主。

ho011025

十分感謝c兄詳細每點給我講解。

我大概知道個方向應該點行，現時我再觀察多幾天，如NO3繼續爆燈，我想我及早換石比較好。
我昨天也試過檢測用家用的普通濾水器過濾的水，NO3可以降到接近0，5以下，不過又出現另一問題…kh值只有3….所以如果要用過濾水，又要想辦法提升kh

養海水真的是很多學問…..

小魚毛

ho011025 發表於 2021-12-31 09:24
十分感謝c兄詳細每點給我講解。

我大概知道個方向應該點行，現時我再觀察多幾天，如NO3繼續爆燈，我想我 ...

好多家用淨水機會改變水o既軟硬度，廠家聲稱咁會比較適合人體飲用。所以雖然過到NO3，但都未必啱玩珊瑚。雖然升kh可以釨簡單咁搵食用梳打粉，但係最終啲水係咪真係work都只有你自己試過至知，而且每次開鹽又要較埋kh，都幾煩。

ho011025

各位C兄好,

對上一次開缸至今已養水接近一個月,現在缸入面有兩條藍魔,兩條小醜,他們都精神活潑,但我有另一個難題想問問各位C兄:

我缸內no3水平長期都在5左右,換水前或換水後也是(已檢查新水,no3是0),請問有什麼方法可以進一步降低?

另外就是我開缸至今只出現啡藻,出了一點點綠藻,但接著便停止了生長...是否代表我未行完n-cycle?我是有一個外掛藻缸的,裡面也是長滿啡藻,沒有其他藻類。

也想請教一下沙面上長了啡藻可以用什麼方法清理?

問題比較多,不好意思..

小魚毛

ho011025 發表於 2022-1-28 12:36
各位C兄好,

對上一次開缸至今已養水接近一個月,現在缸入面有兩條藍魔,兩條小醜,他們都精神活潑,但我有另 ...

40L水大概只可以養到6, 7條兩三寸細魚，你最好搵個魚缸計算機check清楚自己個缸o既Bioloading有幾多，唔好超養。

NO3水平長keep喺5。有兩個可能：
1)魚缸Bioloading超標，魚太多\餵食太重手，硝化系統效力唔夠，處理唔到太多污物；
2)生物石內有NO3未清理好就入缸，而家慢慢喺缸內釋放返出呢。
以你之前o既情況，加上你話換水後NO3一樣咁高，所以第二個可能比較似啲，起石用新水浸o下佢再check NO3，就可以知啲石有無問題。亦都要檢視另一個可能，餵魚應該一日一次，每次十分鐘時間食晒魚糧無剩，生物環夠唔夠？藻屏有無用燈照？開幾長時間？
40L水量唔算多，如果可以，試o下提升換水量去到每次50%，睇o下有無幫助。

行N-cycle o既最終目標係NO2 keep喺零，爆藻只不過係其中一個指標，如果目標已達，有無藻都無所謂。

清潔沙面可以用海蔘、沙星、跳螺、金頭古B、橙點古B。