廁所咸水好定過濾水機加海鹽好？

Matchchan

如題咁講，廁所咸水有陣時有d黃用佢有d驚而且個ph值唔夠都要加海鹽
過濾水機會去除氯氣，但連同其他雜質都去除埋
咁既情況師兄們會用邊款

小魚毛

關於廁水ＶＳ濾水加鹽o既問題，樓主似乎睇錯重點。


廁所咸水有陣時有d黃用佢有d驚而且個ph值唔夠都要加海鹽
PH只係一個參考數值，唔好以為一定要將缸水keep係某一個ph數字。實際情況係呢個數值會不停咁變化，每日開燈熄燈都會上上落落，較呢無意思。我自己個缸o既ph係7.9到8.4之間上落，我覺得都係正常水平。

廁所水有時的確要加鹽，不過係要呢調較鹹度，唔係較ＰＨ！打風落雨o既日子，近岸o既海水會畀雨水溝淡，所以要加鹽去提升翻比重。 換水前先幫廁水測試＆調較鹽度，係指定動作。

過濾水機會去除氯氣，但連同其他雜質都去除埋

過濾水機係咪指純水機？除氯可以有好多方法，最平最簡單打氣一晚就得，仲可以增氧，藥水都慳翻。如果用純水機呢除氯，就真係殺雞用牛刀！
海缸(特別係珊瑚缸)要小心控制水中o既NO2,NO3,PO4等數值。以NO3計，本地水喉大概有10~40ppm，視乎地區、樓宇供水設備新舊而定，而天然海水(包括廁所水)o既NO3大概係1~0ppm；純水機中o既RO & DI濾芯，係惟一可以濾走水中NO3, PO4o既濾材，得出呢o既水就係實驗室級數o既100% H2O，連雜質＆所有嘢都去除，正正就係純水機o既強項，亦都係佢難以被取代o既原因。以純水開鹽，得出呢o既就係可以媲美海水o既最潔淨水源。所以水喉水加鹽都仲可以養到魚，但如果係玩珊瑚就完全唔洗諗，只有純水機或者海水\廁水兩個選項。

小魚毛

如果以海洋生物角度呢睇，廁水其實乾淨過水喉水。但都玩廁水都唔可以直車落缸。水務署供應廁水雖則會確保佢一定o既水質，但大廈鹹水供應係統都會有污物積聚＆老化，所以會有水黃。

係想玩廁水，首先洗乾淨個鹹水箱，再驗驗鹹度、NO3 & PO4等數值，ＯＫ就準備廁水用o既濾水器，我用o既係兩棉一碳三級工業用濾樽，同純水機唔同o既係無RO & DI濾芯，改為ＵＶ殺菌燈。平日要留意大廈管理處o既通告，定期清洗大廈鹹水箱後就停換水一兩星期，避免殘留o既清潔劑入缸。換水前先檢驗鹹度，太低o既話就再check ph，有唔妥就暫停換水，過多個星期至呢換就最穩陣。

跳海係好複雜o既玩意，ph 同除氯只不過係幼稚園級課題，新手一定要花時間多做功課。

Matchchan

原來係咁，多謝你詳細既解答呀！