[求大師打救] 心急買錯野

子樂

今日本來打算去買隻薄荷蝦清清缸入面D鬼爪
撈完蝦，眼尾見到隔離缸有件手指幾鬼靚，點點螢光綠係度搖曳緊
多口一問幾多錢，老細up左個價之後，「X，咁鬼平一件手指？」(都有3寸)



即刻霸氣上身話「包起佢」
高高興興番到屋企對完水dip埋之後
拎上手high到.......硬既？？？

我就知買錯野事小，犧牲無辜生命事大

好啦，各位大神打得細力D...
未養過硬野，個缸仲要新起，一個月唔夠
成缸得件草皮....

要點養佢？依家放左係大流位，燈仲未開盡，AI Prime，18寸方缸
使唔使餵？
點判斷到夠唔夠光夠唔夠水流？

求大神們打救我

子樂

咩叫燒角?

波波

平小小放左佢好過LA....新江應該有D難度

fatfish

thomaschan2014

Keep 一件同keep 十件係要求同樣水質，既然本身不是追求sps缸，無必要為了一件角攪太多野，除非你太多錢

超新手

thomaschan2014 發表於 2017-6-27 09:13
Keep 一件同keep 十件係要求同樣水質，既然本身不是追求sps缸，無必要為了一件角攪太多野，除非你太多錢

CHAMTIM

有無高手可以講解下,點樣先救到,學下野

thomaschan2014

CHAMTIM 發表於 2017-6-27 14:15
有無高手可以講解下,點樣先救到,學下野

講得咁白都唔明??  養SPS 同 養LPS 係兩種要求，既然你無辦法去到SPS要求既水質，就要放棄，無特別方法(如果有，各位師兄就唔需要又沸石、又RODI，又Z...等等攪咁多錢來浪費)。睇下下面條LINK再思考一下先
http://www.seafishzone.com/forum.php?mod=viewthread&tid=59112&extra=page%3D1

小魚毛

又唔好講到sps好似生人勿近咁。
既然樓主買錯珊瑚入錯貨，或者呢啲就係緣份。樓主都有心問有無可能Keep到，可必唔睇清楚就係咁潑冷水？

開得RT，其實LPS同SPS都係差一步啫，由軟冧冧變硬棒棒，邊個唔鐘意？問題係呢一步到底有幾大步？其實可以度度⋯⋯

首先樓主呢件係貓骨，其實只係入門級o既sps，唔算難玩，好多Ching都係由佢開始變硬漢子。樓主呢件入缸就見佢出晒花，咁即係缸o既情況唔算差，算過左第一關。只要樓主Keep到水質NO3同PO4都近零，咁水質就應該OK。
其次，我就見到樓主都用到AI Prime，呢支燈其實都有機會玩到SPS，只不過cover o既範圍較窄，唔好貪心入咁多貨，放喺高啲o既位呢照，咁光照問題就算解決。
第三係水溫。如果樓主未有水冷，咁都係時候諗諗，玩RT而唔用水冷，即係玩自己。如果你己經有水冷，咁恭喜晒，你又過一關。
第四係水流。既然係入門級sps，對流o既要求其實都好入門級o下，一般o既流就可以，唔洗點擔心。

樓主如果自問呢四關都無問題，就不防畀啲時間自己同件貓骨，再相處o下睇o下大家啱唔啱key。真係唔挾至再考慮分手都未遲。

關於貓骨o既討論，隔離網「海水魚友」有一篇啲資料幾有用，樓主可以自己入去以「貓骨白化」為題search呢睇睇。

子樂

小魚毛 發表於 2017-6-28 00:53
又唔好講到sps好似生人勿近咁。
既然樓主買錯珊瑚入錯貨，或者呢啲就係緣份。樓主都有心問有無可能K ...

多謝師兄
師兄講既4樣野，
我平均3日check一次水質，尋日再check NO3係1 PO4係有色 (淺過0.03)
dKH Keep 住8-10呢個水位 (紅海鹽)
不過始終缸水仲新，係會有D輕微波動。但未爆紅過NO3 (行緊UAS，已經收割緊)

光，呢個係其中一個想請教既位。因為個缸仲新，暫時tune細左(大約30%光度)
本身既草皮等軟野都開得唔錯，尋日tune光左少少去到大約40%光度

水冷有，至於水流同其他設備都足夠

之前個post可能亂左D。
我自己覺得可能就係入毒海既緣份。
我主要想問係，養呢D角，有咩特點可以見到，令到我知道佢有D野唔足夠?
eg. 可能唔夠光唔夠流水唔掂既一D反映

小魚毛

我主要想問係，養呢D角，有咩特點可以見到，令到我知道佢有D野唔足夠?
eg. 可能唔夠光唔夠流水唔掂既一D反映
光照決定顏色，唔夠光件角會變啡，太光會走色（變淡\白），足夠o既光線就會見到件角最鮮豔o既色彩。
水質好，件角會伸出觸手捕食（所謂爆花），如果件角廿四小時開燈閂燈都無花，咁你啲水質一定出左問題。
水流會影響件角o既生長方向\角度，佢地會向大流o既方向生長，不過貓骨生長速度較慢，所以比較難察覺。


咩叫燒角?
燒角係指件角唔適應缸o既環境而死亡，角面o既軟組織脫落而露出底部o既白骨，呢種甩皮見骨情況，角友就用「燒」呢形容。通常由頂部或者底部開始，叫做「燒頂」或者「燒腳」，情況嚴重o既話，可以喺一晚之間成件甩剩棚骨，咁件角就可以離缸。

子樂

小魚毛 發表於 2017-6-28 10:10
我主要想問係，養呢D角，有咩特點可以見到，令到我知道佢有D野唔足夠?
eg. 可能唔夠光唔夠流水唔掂既一D反 ...

想請教多一個問題，點樣分生長點同燒頂

faiwong

小魚毛 發表於 2017-6-28 00:53
又唔好講到sps好似生人勿近咁。
既然樓主買錯珊瑚入錯貨，或者呢啲就係緣份。樓主都有心問有無可能K ...

小魚毛

子樂 發表於 2017-6-28 10:45
想請教多一個問題，點樣分生長點同燒頂

生長係你會見到件角啲分枝愈生愈長，或者見到有新o既分枝由不同部位生出呢。

燒頂就係件角某啲分枝頂端甩皮見骨，通常會由一兩枝分枝o既頂部開始燒，未必會成件咁多個頭一齊燒，不過擴展速度就可以好快。
同「燒」比較，角o既生長速度會比較慢，可能你個個月影張相做比較，至會察覺到件角長大左；但係「燒」o既速度就可快可慢，可以一夜間燒晒成件幾歲大o既角，不過有時又會燒燒o下停落呢唔燒⋯⋯

總之「燒角」係另一大Topic，要研究討論o既嘢仲有好多。

小魚毛

唔記得答你洗唔洗餵。
我自己係主張唔餵珊瑚o個派。LPS同SPS都盡量唔餵，一來怕壞水，二來有足夠o既光照同水流，keep住換水，補充元素，珊瑚就可以有足夠o既資源去製造食物，額外o既餵食，其實係滿足餵養者o既心理需要居多。

樓主好似係用緊ATS系統，如果你有爬過文，都應該知道個系統同時可以提供微生物回饋缸入邊o既珊瑚，所以又多條理由叫你唔好餵。

子樂

DCman

Raytalk

又學到嘢