海水領域 SeaFishZone

標題: P圖n螢光 [打印本頁]

作者: 你是懦夫 時間: 2016-5-28 12:22:49 標題: P圖n螢光

呢個post純分享個人感受，純搞笑諷刺，零學術，希望有心入多參與多抽水。

究竟張相點先叫先點先叫冇P？好多年前嘅一張相，嗰時仲未知咩叫P。

作者: ulgycat 時間: 2016-5-28 14:18:12

本帖最後由 ulgycat 於 2016-5-28 14:18 編輯

想問P圖即係咪話用photoshop攪過咁解?
如用其他程式就唔算?
咁好多電話影相後佢內置咗程式今張相靚啲又係唔係?

作者: 你是懦夫 時間: 2016-5-28 16:42:40

P係咩定義每個人都唔同，視乎嗰個人係咩心態話人P，P唔P真係睇心裡面把尺，正如同一件嘢用唔同手機相機燈光去影同睇都有分別。

應該加咗以前最老爺嘅日本led夾燈影。

作者: 你是懦夫 時間: 2016-5-28 16:47:04

本帖最後由你是懦夫於 2016-5-28 16:47 編輯

螢光，我只知道夠螢光咩環境都影得到，又當係P啦，新買嘅彈跳蘑菇。

作者: @wahwah@ 時間: 2016-5-28 17:19:43

多口撘下咀有錯唔好見怪，我自己就咁睇，如果張相望落去全個缸以經藍到發紫，而想表達嗰件嘢D色又實又色彩鮮艷而又毫無營光感嘅，我個人覺得呢張相九成後期加功。
我亦明白有時D珊瑚係要依靠藍燈先可特顯色彩，但有時藍得過多又未必真係咁靚。

作者: 你是懦夫 時間: 2016-5-28 18:33:59

呢個世界往往就係發生一啲自己覺得冇可能發生嘅嘢，你所覺得嘅9成係錯，如果加工就唔洗專登po出嚟。

作者: license 時間: 2016-5-28 18:46:00

本帖最後由 license 於 2016-5-28 18:49 編輯

唔知係個相機對較對比較對焦提高個顏色鮮艷程度去突顯件野，
令肉眼睇同經過相機睇顏色方面完全唔似同一件野算唔算係p

作者: harryluk 時間: 2016-5-29 17:27:23

作者: 610449 時間: 2016-5-30 16:34:41

係網上登珊瑚相賣比人
實物同張相完全唔同色嘅(係一D近似都冇個D)
我個人覺得P過囉

作者: nickdo 時間: 2016-6-6 12:35:14

@wahwah@ 發表於 2016-5-28 17:19
多口撘下咀有錯唔好見怪，我自己就咁睇，如果張相望落去全個缸以經藍到發紫，而想表達嗰件嘢D色 ...

唔識影相的朋友有唔同見解其實唔出奇.

影海水野最大問題係藍光同白平衡. 大部份人SET個白平衡SET到好怪. 又或者後期P圖想P返個白平衡, 但出到黎個效果好唔自然. 所以你地咪叫P圖, 而呢D情況多數係重藍光先出現(因重藍光難SET白平衡). 所以你地咪覺得藍光等於P圖囉.

多數呢類P圖最大問題係偏黃. 紅色變做橙色... 就算係台灣好HIT的olympus TG4潛水機黎影, 一樣係好唔自然. 明眼人一睇就知.

但事實上唔係藍光等於P, 影得好可以同肉眼睇一樣的.

kessil 全藍影.

全藍下用機身的白平衡偏移. 向紅+5~+9, KESSIL 用+5, ROYAL BLUE LED 用+9. 而飽和度+2, 基本同肉眼睇係一樣, 飽和度+3會鮮艷DD, 一D都唔會失真. 除左RESIZE, 跟本唔洗後期. 跟據唔同燈向綠或者向紅偏移...

影相係CAPTURE當時的情景. 該藍的就藍, 格仔板係藍光下梗係藍色. 你P到佢白色, 成張圖咪勁唔自然囉. 呢個係大部份人執相執錯晒的地方.

作者: 你是懦夫 時間: 2016-6-6 17:00:28

本帖最後由你是懦夫於 2016-6-6 17:06 編輯

我自己對好多珊瑚唔敢講好有研究，只可以話見過唔少玩過太多，大概邊種珊瑚可以有咩色都心裡有數，我自己買珊瑚好簡單絕大部分時間只睇籃燈相就夠，又係籃色led手機相，又覺得P嗎？ps.我每張全籃手機相都係好好嘅教材，有人明點解嘛？全部係我自己嘅珊瑚自己影嘅。

作者: 你是懦夫 時間: 2016-6-8 19:15:01

成日問有冇白燈相，仲聽過問有冇日光相，可唔可以影多幾張睇吓，俾曬又如何？最後自己知道問緊嗰件珊瑚係咩品種會有咩顏色未？賣hkd五位數嘅一粒鼻屎都係就咁睇呢張相買

作者: 你是懦夫 時間: 2016-6-8 19:21:09

買一件我覺得靚嘅珊瑚，睇全籃led相真係俾到我無比嘅方便低誤差性

作者: 你是懦夫 時間: 2016-6-8 23:20:12

先唔好講靚唔靚，算唔算精品，一齊攞起部iphone6就咁影吖，自己缸嘢有幾多件可以全籃led都影到瑩光色出嚟先

作者: Crazy_And_Crazy 時間: 2016-6-12 03:35:32

你是懦夫發表於 2016-6-8 23:20
先唔好講靚唔靚，算唔算精品，一齊攞起部iphone6就咁影吖，自己缸嘢有幾多件可以全籃led ...

CHING 我同意你講法全藍影珊瑚影得靚唔一定係P圖
有時賣珊瑚有人問開白燈影黎睇下講真誰會開白燈睇LPS ?

作者: Crazy_And_Crazy 時間: 2016-6-12 03:38:18

有無P圖睇某珊瑚鋪咪知 ..... ( P到連D珊瑚骨格仔板都變左紫色 / 灰白色 )

作者: 你是懦夫 時間: 2016-6-12 16:41:28

我概念係全籃燈去養係冇問題，而且我係幾年前已經開始，斷估我每件都唔算係普通貨色，死咗未必買得返，所謂大話怕計數，有圖有真相，為撐而撐又有乜用。

作者: 你是懦夫 時間: 2016-6-12 17:05:53

我一直強調全籃養lps真係好正，冇問題，而唔係一定能夠表現到佢最靚嗰面，喺一般嘅珊瑚嚟講全籃係影唔到色出嚟，所以如果有人影全籃相俾你，你要多謝佢，因為佢醜化緊佢嘅珊瑚賣俾你，下面係幾件對我嚟講算係比較普通嘅貨。

作者: 你是懦夫 時間: 2016-6-12 17:07:00

Crazy_And_Crazy 發表於 2016-6-12 03:35
CHING 我同意你講法全藍影珊瑚影得靚唔一定係P圖
有時賣珊瑚有人問開白燈影黎睇下講真誰 ...

師兄，多謝你，多謝你唔係用耳仔去睇嘢嘅人

作者: Mrocean 時間: 2016-6-14 00:54:44

你是懦夫發表於 2016-6-12 17:07
師兄，多謝你，多謝你唔係用耳仔去睇嘢嘅人

Ching  我都係全藍燈養lps 身有同感
雖然養既吾係精品但都希望啲珊瑚生長得靚啲  健康啲
有人吾認同吾緊要各有各養  各施各法..

作者: 你是懦夫 時間: 2016-6-14 14:42:45

精品唔精品從來冇準則，自己鐘意就係精品，更加冇冇須要其他人認同，籃光都影到顏色就已經冇嘢好講，只係想俾啲葡萄友抽吓水，學術係多餘嘅，咸水界比以前已經變質了，包括我

作者: 你是懦夫 時間: 2016-7-1 22:46:22

依家遇到啲盲嘅or有智障嘅真係冇乜心機理佢，盲嘅俾咩佢睇都分唔到咩係P咩係改，智障嘅佢冇能力分別是非又或者死撐，btw點有人買到買唔到真係有原因，同一張個個睇完都有唔同嘅想法，你究竟正唔正面自己諗。

作者: 老魚 時間: 2016-7-8 17:16:35

以後買珊瑚要求睇片唔睇像.

作者: 你是懦夫 時間: 2016-7-18 08:44:20

老魚發表於 2016-7-8 17:16
以後買珊瑚要求睇片唔睇像.

依家短片都可以調教顏色la

歡迎光臨海水領域 SeaFishZone (http://seafishzone.com/)