買海水缸問題

Jacky168816

十幾年前養過2-3年 用個30吋缸 架底喉 再加個濾桶養d簡單易養既魚同珊瑚，
最近屋企小朋友提議養魚，前幾日去金魚街睇過下d缸同設備同以前好大分別，d sales 係咁sell我買套缸連櫃果d款
乜都唔包都$6000-10000，問d sales有無淨缸就好敷衍唔想做我生意咁。

自己上網爬文睇過而家一般都係用背濾缸或滴漏缸，想請問下如果養幾條細魚加幾舊軟珊瑚有無需要買套缸？定係買滴漏缸自己再配其他設備比較好？預算$4000-7000，長開冷氣唔駛水冷，唔計生物，缸size 24至36吋 。如可提供牌子或清單更好。
另外請問魚街有無邊間鋪比較老實同唔怕客仔問多幾句？或者邊幾間係黑店唔駛俾人劏。

唔該晒各位 感謝！

Fishwall

feel 到你時間因素緊要 好似買2手夠快夠乎合你要求

Coral616

HI 師兄
可以搵我哋傾下 ， 睇PM ：）

Nonexis_0530

濾筒開缸4個月路過...真係一步到位好
我依加都好想要沙缸，因為地方真係冇位，所以我爬完文都決定2呎缸行濾筒放環+缸內RR石。
化氮都要放主缸入面。阻位又礙眼。

如果：小朋友鐘意小醜魚+海葵，化氮吸水口，吸死左海葵，的細魚（草莓成條吸入去又試過），我經歷過。收工全缸水奶白色嚇到飛起。
缸大的，化氮，立立雜雜放底櫃真係省心又悅目。

睇下樓主你筆直去到邊了∼

arfaifai

Jacky168816 發表於 2020-6-21 21:34
唔該師兄，因為未用過滴漏缸，只係上網爬過文所以無辦法自己設計。
同埋家庭原因，暑假完同疫情緩和個仔 ...

你咁急，我建議你都係養淡水魚算，你都知道養海水魚係無得急，一急就全缸反！

ecem0707

Jacky168816 發表於 2020-6-21 22:04
直情係當人水魚咁劏....有2間同我講買個套缸就夠養..我話個頂濾養淡水都未必掂wo，佢夠膽死話買多個 ...

學樓上師兄話齋，佢都唔識養魚，邊d賺得多就sell邊樣啦！我諗緊買個2呎細缸，背濾唔知夠唔夠？

Jacky168816

ecem0707 發表於 2020-6-21 16:41
我近排都睇緊魚缸，以前屋企人養過，而家心思思想整返個細缸玩下，琴日去行，好多都sell套缸，可能賺得多d啦 ...

直情係當人水魚咁劏....有2間同我講買個套缸就夠養..我話個頂濾養淡水都未必掂wo，佢夠膽死話買多個濾桶，再去對面買幾舊活石+2仔小丑魚，返到屋企set好晒放2枝蜂皇漿，訓醒就可以放2條魚落去。
2條魚過幾日唔死就可以加珊瑚.....我都唔知點答佢好....

Jacky168816

rickycmleung 發表於 2020-6-21 10:30
最簡單是等魚友放售,又平又齊,人地又係玩開, run 緊一定冇太大問題.
如果你想完全合乎自己要求,我推介哩間 ...

唔該師兄，暫不考慮二手。
多口問多句，師兄你推介果間「專科水族」有無現成缸賣？唔係魚街地鋪果d $5000up 缸+櫃+多盞爛燈同頂濾+蓋仲好好人咁話送多個氣泵..
唔該晒

Jacky168816

arfaifai 發表於 2020-6-21 06:45
滴漏缸好，自己畫圖自己設計主缸、沙缸、走水最好，計算好目標器材size , 一步到位，你問魚街邊間老實，不如 ...

唔該師兄，因為未用過滴漏缸，只係上網爬過文所以無辦法自己設計。
同埋家庭原因，暑假完同疫情緩和個仔就會跟前妻返澳洲，問過幾間訂做起碼都2-6星期先到貨，等缸到同養完水個仔應該都返左澳洲，所以比較傾向買現成缸。

ecem0707

我近排都睇緊魚缸，以前屋企人養過，而家心思思想整返個細缸玩下，琴日去行，好多都sell套缸，可能賺得多d啦！

rickycmleung

最簡單是等魚友放售,又平又齊,人地又係玩開, run 緊一定冇太大問題.
如果你想完全合乎自己要求,我推介哩間：
✨專科水族
- 旺角魚街187號榮英樓2樓-專科水族
咁當然貴啦, 不合你當吹下水先囉, 老板好人的.

arfaifai

滴漏缸好，自己畫圖自己設計主缸、沙缸、走水最好，計算好目標器材size , 一步到位，你問魚街邊間老實，不如問邊間魚鋪唔駛捱貴租，何況可能你問職員，d職員完全唔識養魚，你叫佢點介紹你呀？賺得愈多就愈介紹給你，有無用?who care..., 可能你比佢地更有經驗。