新手缸火柴、海葵請教...

5525

2尺缸，開缸兩個月，落急凍蝦開缸，一個月後爆完藻等no2回落到0先落生物。
底缸過濾，有led燈、水冷、造浪、蛋分、2L sera 濾環，底缸有放鋼絲藻+一隻深紅色水藻(忘記名)

最近一星期水質：NH3=0.15，NO2=0, NO3=10, KH=8.9, PO4=4, 鹽度1.022, 水溫24.5
現有一條金火公、一條西瓜吊、一條巴士，缸內無其它珊瑚/海葵
今日買咗三頭火柴+海葵，對完溫落缸，但一直到夜晚，火柴都係無KEEP住有少少吐白絲，而隻海葵就完全唔肯黏住啲石。
上星期已經死咗隻海葵(買返黎就吐白絲，到第三日吐腸無晒彈性就掉咗)

想請教各位高手，呢兩隻火柴、海葵仲有無得救?
係咪我既方法有問題，或者水質仲未得?
求救~~~~~THANKS~~~~~~


補充內容 (2020-8-22 19:40):
抱歉打錯字，PO4=0

5525

arfaifai 發表於 2020-8-23 22:16
完全無問題

THANKS CHING
我睇返個缸，造流的確係一個問題，我調節咗造浪個方向同上水個力度，依家缸入面既造流明顯好咗。
雖然前日買既兩件軟體都係救唔返，但經過各位既意見，我對海水缸既了解又加深不少，多謝大家。

arfaifai

5525 發表於 2020-8-23 13:46
用salifert tester、光學鹽度計

完全無問題

5525

小魚毛 發表於 2020-8-23 11:06
建議你先試改換水源，去超市買大樽蒸餾水（唔係礦泉水，唔好搞錯！）呢代替水喉水，可以分幾次直至100%換水 ...

收到CHING，我試下
THANKS ~~

5525

小魚毛 發表於 2020-8-23 10:39
針對你而家落珊瑚同葵即死o既問題，應該處理咗水質先；造流、鋪沙呢啲係長遠問題，可以遲一步再 ...

多謝CHING意見∼∼PO4=0 (手快打錯咗🙏)
Check過水喉水NO3係10

5525

arfaifai 發表於 2020-8-23 03:46
不如你清左個沙底，攪好d主缸水流才再加其他生物，見到你個缸總覺得死氣沉沉…另外見你成日話check各類指標 ...

用salifert tester、光學鹽度計

小魚毛

建議你先試改換水源，去超市買大樽蒸餾水（唔係礦泉水，唔好搞錯！）呢代替水喉水，可以分幾次直至100%換水後，睇o下NO3、PO4數值同生物狀況有無改善，有o既話，就要忍真諗諗轉水源。除非你有米又有肌，否則買蒸餾水一定唔係長遠辦法，純水機或者廁所水，暫時都係本地RT玩家o既主要出路，樓主可以之後慢慢再做功課。

養藻啲確夠Natural，但Natural亦都等於難以百分百複製，難以保證百分百有效，因為有太多因素難以控制，所以ching建議你滾豆、行ROWA、放好啲環，因為咁玩易控制易見效，啱新手跳海。藻唔洗即撤，放埋一邊畀夠水流燈照，當輔助設備就得。

小魚毛

針對你而家落珊瑚同葵即死o既問題，應該處理咗水質先；造流、鋪沙呢啲係長遠問題，可以遲一步再搞。

Fai ching無講錯，你睇到NO3無再降，以為OK就落珊瑚，呢個至係問題。NO3有10，一啲都唔理想，但其實都未至一落就死，事實上都有玩家可以o係咁o既數值下keep到火柴同葵，當然一定唔靚啦，甚至半生不死。

所以你應該同時要睇埋PO4。珊瑚缸水質，LPS缸：NO3--10以下、PO4--1以下，SPS缸：NO3--1~0.3、PO4--0.03~0.01。如果你測試無錯o既話，你NO3只係砸界，但PO4就超標數倍！

先測試你o既水喉水，正常本地水喉水o既NO3都有10，所以你缸水就算n-cycle完成都只降到10，唔係你個缸過濾系統問題，而係你o既水源問題。基本棉碳過濾、除氯，係減唔到NO3。NO3高，PO4自然都唔可能低。

arfaifai

不如你清左個沙底，攪好d主缸水流才再加其他生物，見到你個缸總覺得死氣沉沉…另外見你成日話check各類指標，其實你用那一個牌子tester ?用光學咸度計？

5525

arfaifai 發表於 2020-8-22 23:03
其實你唔需要check Nh3/4 , 因為有生物就自然會有，硝化功能n cycle就是把Nh3轉成no2再轉成no3, no3係最終物 ...

呢點我明白，我NO3 除咗第一個月養水期間去到50之外，係第五個星期開始一直KEEP住10左右，因為見到NO3保持較低水平，所以開始落生物。

除咗最近既海葵同火柴，之前買咗食台螺同醫生蝦都係失敗收場，除咗第一隻醫生蝦同頭兩隻食苔螺養到兩星期，之後買過幾隻都係落水第二日就死......

arfaifai

其實你唔需要check Nh3/4 , 因為有生物就自然會有，硝化功能n cycle就是把Nh3轉成no2再轉成no3, no3係最終物，你no3係高企的話，對魚可能影響不大，對珊瑚就影響較大，所以你是需要把no3濃度降低，換水、滾np豆、Ats…等等方法，有魚自然就有屎，餵得多自然屎就愈多，只顧check 屎既濃度而唔去解決屎的話，根本是沒有用處

5525

明白，等我試下調節一下個造浪同上水，嘗試改善一下個造流，再睇下可唔可以降低NH3

THANKS CHING~~~~

arfaifai

你留意一下大海飄浮既垃圾就知，造浪左右搖擺，但原封不動，造流只是單一方向水流，水流完全吹走垃圾

5525

arfaifai 發表於 2020-8-22 22:33
你既生物環是全新的，有無懷疑過生物石從那裡購入？

生物環係全新sera 2L +一包魚舖買既普通環生物石係Real Reef Rock人工生物石，都係魚舖買，$68磅

5525

arfaifai 發表於 2020-8-22 22:27
另外你底缸養藻效能係杯水車薪，完全產生快過消耗，倒不如行豆樽滾Np豆、Rowa，留番個地方放好d生物環吧，依 ...

明白，等我爬一爬文了解一下~~~~

arfaifai

你既生物環是全新的，有無懷疑過生物石從那裡購入？如果上水泵3000, 扣除上水高度揚程，實得2500, 其實如果淨養魚行2500都無問題，但行珊瑚缸我會行4500以上，一方面高循環量，另一方面又可以當造流用…

5525

arfaifai 發表於 2020-8-22 22:21
你個缸應該係60x50x50, 總水量應該差唔多160L, ，珊瑚缸主要依靠生物石過濾，主缸水流必須有力，你放魚糧 ...

THANKS CHING~~

我個缸的確係60x50x50，新開缸無落過任何藥，水泵係AE DC-3000，3000L/h流量，但我對造流同造浪的確係有少少混淆，造流係咪應該係製造亂流，令到啲水可以去到缸既大部份位置?

arfaifai

另外你底缸養藻效能係杯水車薪，完全產生快過消耗，倒不如行豆樽滾Np豆、Rowa，留番個地方放好d生物環吧，依家放在左邊根本就死流位，化氮升高一些，調節水位到樽頸位置，才能打出較深色的污染物

arfaifai

5525 發表於 2020-8-22 19:43
THANKS CHING~~~
啲沙應酬係啡苔，有機會之前燈照太長(每日14小時)同埋重手餵食太多，最近調節&#2 ...

你個缸應該係60x50x50, 總水量應該差唔多160L, ，珊瑚缸主要依靠生物石過濾，主缸水流必須有力，你放魚糧落去就會感覺得到，如果只係聚集於一邊的話就代表水流不能完全覆蓋全缸，另外造流同造浪係兩個不同mode, 前者可以用水流吹走沉澱物，後者只是前後搖擺，沉澱物依舊不變，另外如果珊瑚及海葵落缸即死，除了no3太高企外，還可能是生物石或濾材受過銅藥既污染，你上水泵有無4000L/h以上流量呢？

5525

arfaifai 發表於 2020-8-22 17:43
水循環量嚴重不足，主缸水流太差，你睇缸底幾多沉澱物，既然新手無經驗能力管理好沙底水流問題，又何必為了 ...

THANKS CHING~~~
啲沙應酬係啡苔，有機會之前燈照太長(每日14小時)同埋重手餵食太多，最近調節咗，啡苔開始退緊....

但CHING水流太差意思，係咪我應該加大上水同落水既力度?