查看: 5494|回復: 7

新手缸，問題出在哪裏，請指教 [複製鏈接]

regalangle

新手上路

Rank: 1

電梯直達

樓主

發表於 2020-9-9 13:49:27 |只看該作者 |正序瀏覽

先比一啲背景資料大家先，我個魚缸大約50 cm ×50 cm ×60 cm，連沙缸，大約20磅生物石，有沙底，大約8-10L生物環。今年五月開缸，本來都好地地，逐少逐少加魚，亦有醫生蝦，螺，曾經發現有少量白點問題，沒有太在意，繼續加魚，之後發現白點問題越嚟越嚴重，之後啲魚先後咁死亡。之後繼續爬文去了解原因，發現有機會之前白點並不是白點而是其他寄生蟲，有機會係sea velvet。因為表面上睇條魚係好似成個魚身發咗毛，而且好快咁喺一個weekend之內啲魚先後死亡，並唔似係白點導致。係佢哋未死之前我曾經加入過一啲溫和白點藥，因為有無脊椎動物，沒有加入較強藥水，所以成效不大。
死剩一條藍魔，我試過加一至兩條新魚，跟住新魚同樣以之前類似白點嘅寄生蟲嘅症狀下死去。
上網爬文同埋外國網站，有機會話係因為條藍魔重未死，所以寄生蟲有機會喺佢度寄生，感染其他新魚。
所以我之後連條藍魔都撓走，8月頭開始空咗個缸一個月，落咗高濃度seachem cupramine藥浸左個缸一個月直到幾日前，我先至換晒成缸水，重新嚟過。係咪落左銅藥，啲硝化菌/缸入面ecosystem已經受損咗？
幾日前換完水後，加咗兩條青魔，一條藍魔，有一條青魔一日後死咗，另外一條青魔同藍魔依家見到尾鰭爛肉。
我唔清楚究竟因咩原因會爛肉，我不嬲都係用試紙去check水質，但應該水質並沒有大問題，因為全缸都接近係新開嘅水，我依家怕係之前啲寄生蟲或者缸裏面有其他細菌殘留導致啲魚爛鰭爛肉。（試劑都有，不過要黎備用，另外都係amazon買左seachem Ammonia Alert嚟test，水質係safe zone，唔似係ammonia高嘅問題）
究竟有啲咩方法可以知道究竟個魚缸出咗啲咩問題？
已經落左少量Seachem paraguard去殺菌，Seachem prime同purigen去盡量優化水質。所以都有d頭痛，唔知邊度出問題？
同埋因為有之前嘅經驗，上個月買多咗一個大約60L水嘅缸做隔離，但係喺我個主缸浸藥呢一個月內個隔籬缸都死過幾條魚，所以都想問吓其實點樣先可以做好一個隔離缸？我唔清楚究竟條魚本身有病，定係水質問題，鹽嘅濃度係唔係偏淡1.02會好啲？同埋隔離缸其實有冇需要落藥即使條魚望落冇乜事？需唔需要長期打氣？幾耐要換一次水？換幾多？我唔係無換，但係又驚啲魚係因為唔適應而死.....有啲灰，因為網上真係唔多覺見到有啲standardized嘅方法跟住做，我都知道要交學費，但係有冇高手可以話我知點樣可以改善下？

講到一舊舊，唔好意思，有時間嘅話請指點一下小弟。感謝！

收藏0 支持39 反對0

舉報

萬寶路

論壇元老

Rank: 7 Rank: 7 Rank: 7

8^#

發表於 2020-9-11 11:23:38 |只看該作者

似係買魚揀魚出問題,
我少少個人心得,買魚最好買新返即日開箱的新魚(留意魚店通告)
過咗夜的就唔盡量少買,白點成熟後會係夜晚爆開傳染其他魚,未過夜就少一分中白點機會

舉報

FredL

論壇元老

Rank: 7 Rank: 7 Rank: 7

7^#

發表於 2020-9-10 13:23:49 |只看該作者

新魚有冇Q完先落缸？

舉報

FredL

論壇元老

Rank: 7 Rank: 7 Rank: 7

6^#

發表於 2020-9-10 13:22:34 |只看該作者

有生物石不可以落銅藥的

舉報

regalangle

新手上路

Rank: 1

5^#

發表於 2020-9-9 22:43:47 |只看該作者

leemanho 發表於 2020-9-9 19:08
沙底幾厚？有冇生物石？

慢慢加魚即係有幾慢？有冇 check NO2? 開缸時一定要 check NO2，要見到 NO2 上左 ...

沙底3-4cm厚，有生物石。個N cycle 應該五至六月完成左，只係8月至9月曾經落過藥空缸run左一個月。不知道對硝化系統有幾大影響？
個問題係幾日前換哂成缸水，諗住用啲魔仔開返個缸，但係唔知點解爛尾，想搞清楚問題係邊先再試落新魚..

舉報

leemanho

論壇元老

Rank: 7 Rank: 7 Rank: 7

地板

發表於 2020-9-9 19:08:21 |只看該作者

沙底幾厚？有冇生物石？

慢慢加魚即係有幾慢？有冇 check NO2? 開缸時一定要 check NO2，要見到 NO2 上左爆紅，然後落番到 0 ，咁先至得。Ammonia 同 NO2 都要係 0，safe zone 得一點，就係 0。然後先慢慢加魚，大約一個禮拜 1 條

一般黎講鹽度唔會咁低，我就 1.26，但係我係 RF。正常黎講應該點都要 1.2 以上。

上水泵開盡佢啦，水流好 d 乜都好 d ，遲 d 穩定 d 先較番細 d lor。除非真係大風到 d 魚游唔到啦

青魔其實好易死，藍魔會易養 D

RT: 24吋(W) 14吋(D) 12吋(H)

舉報

regalangle