求4尺缸推介

enzo12

來緊想擴缸, 開4尺混養缸, 請教各位師兄有沒有4尺缸推介
１./ 因為不懂畫圖, 很難訂造一個?
2./ 買redsea / waterbox 沙缸偏細
3./ 如果4尺缸 想高度係60cm 以上, 可行嗎?
4./ 想要有藻缸+ 滴定/鈣反

謝謝!

jcboy2128

請問師兄而家個缸幾大，轉大缸舊嘅器材用唔返？會再加生物石同珊瑚嗎？

enzo12

小魚毛 發表於 2021-3-11 13:20
如果真係筆直有限，你可以諗兩條路：

一係縮細個缸，以你揀o既器材，大概兩尺缸會好夠用，三尺缸就已經最 ...

收到師兄, 非常詳盡及實用, 感謝!!!

小魚毛

如果真係筆直有限，你可以諗兩條路：

一係縮細個缸，以你揀o既器材，大概兩尺缸會好夠用，三尺缸就已經最盡，再大就維持唔到根本o既水質要求，挾硬開缸，只會死傷慘重，甚至失敗收場。

二就係考慮執二手器材，大牌子高檔器材，一般都可以玩五年以上，小心搵效果唔會差過買平價貨，當然自已事前要做足功課先。

小魚毛

enzo12 發表於 2021-3-8 21:57
感謝師兄回覆

暫時諗住咁, 不過未細心研究, 呢d 器材啱唔啱4尺缸

揀選個缸用o既器材，應該以個缸o既水量呢計算。查唔到海魔方M120水量幾多，樓主一定要自己查清楚。不過照計4尺缸，淨主缸都三、四百升，計埋沙缸，500~600L都應該走唔甩。

揀蛋分同水冷，廠方都會公佈產品處理最大水量o既規格資料，將呢個數值除2，就係該產品能應付的正常水量，超過呢個水量，器材o既效率同耐用程度都隨之而下降，所以一定要計清楚。

以你500~600L水量計，Octo Regal 150-int可能唔多夠用，上多一級到170-int會穩陣啲；而AE EC25 就應該無問題。

至於水冷，TECO TK500 同 海利90A，都唔夠你個缸用，除非你諗住keep 29~30度水溫就算，否則就一定要升多一級上到去TK1000或者HC-1000B。香港天氣愈呢愈熱，全年要著機o既日子只會愈呢愈多，所以玩珊瑚o既水冷錢無得慳。軟硬珊瑚對水溫要求都唔同，LPS唔可以高過28度，SPS就26度，你揀o既水冷只可以勉強咁玩到LPS，而且仲唔會養得好，兼且要再加上長著機、嘈音同熱氣排放量大、勁食電、死機快......等等各項代價。

燈方面，你揀兩支燈都夠玩硬嘢，但各有問題。Maxspect R420你一定要買320W，唔好諗住將貨就價；另外Maxspect o既ＱＣ只係一般，兩三年壞燈要整要換係平常事。AI當然襟用好多，但一支26hd只係夠照一尺缸，如果樓主只係將SPS放晒喺兩尺範圍之內，再用t5ho或者其他LED補光，咁樣呢到軟硬兩溝，或者都有得諗。

上水要求最少要有每小時十次全缸水巡環，中科 8000應該無問題，當然有更大水巡環量一定更好，視乎你自己預算。

滴定差別只在於使用o既方便程度，講效能其實部部都係咁上下。

造浪要視乎你玩唔玩SPS，玩就一定要中級型號至夠你個四尺缸用，而且最好係兩隻咁對吹做出亂流效果。如果只係LPS，咁一隻中級或者兩者初級都夠用。

enzo12

小魚毛 發表於 2021-3-7 13:02
4尺以RT呢講己經算大缸，要知RT需配齊所有設備，玩大佢o既話，就全部器材都要同步Upgrade，預算會係幾何級咁 ...

感謝師兄回覆

暫時諗住咁, 不過未細心研究, 呢d 器材啱唔啱4尺缸

Option 1:
魚缸：海魔方M120
燈具:  AI Hydra 26 x 2
蛋分：Octo Regal 150-int
滴定: Kamoer
水冷: TECO TK500
造浪: 中科
上水泵: 中科 8000

Option 2:
魚缸：海魔方M120
燈具:  Maxspect R420
蛋分：AE EC25
滴定: 捷寶
水冷: 海利90A

造浪: 中科
上水泵: 中科 8000

小魚毛

4尺以RT呢講己經算大缸，要知RT需配齊所有設備，玩大佢o既話，就全部器材都要同步Upgrade，預算會係幾何級咁爆升，希望樓主有預留足夠筆直。

一個講法係，一整套RT設備，魚缸大概佔整體預算o既10~30%。另外就係因為投資大，器材o既耐用性就應該更加要留意，三兩年就要你換呢樣換嗰樣，你唔介意o徒錢o徒時間，你屋企人都可能會煩到你暈！

小魚毛

１./ 因為不懂畫圖, 很難訂造一個?
唔一定，視乎你自己構思個缸o既複雜程度同埋間舖頭o既經驗、能力。比較專業o既造缸，而家都一定會先跟你要求，劃好個電腦圖側，再畀你改啱至落手造。自己劃圖只係方便你表達要求，唔識劃就用把口搭夠都可以。當然，比較專業o既舖頭，價錢、服務質素同一般魚街地舖或者玻璃舖又係兩回事，你最好查清楚再預留筆直。

2./ 買redsea / waterbox 沙缸偏細
都可以咁講，不過又唔一定。預製部件，全部劃一size，廠方只可以預計一般用家o既沙缸size同萁他器材使用空間o既比例分配，但要知個個用家o既器材設備都唔同，咁同你定好晒全部器材清單，再畀舖頭同你度好晒位呢做，一定更能夠用盡底櫃全部空間，將個沙缸盡量放大呢造。情況就好似現成傢俬同訂造傢俬，後者一定比前者慳位實用，但價錢質素又係兩回事。

3./ 如果4尺缸 想高度係60cm 以上, 可行嗎?
60cm應該係最盡o既高度喇，再高你隻手都唔夠長伸落缸底整嘢。再者燈俱o既穿透力有限，SPS缸o既話就一定唔可以高過呢個高度。

4./ 想要有藻缸+ 滴定/鈣反
如果玩redsea / waterbox，就係器材遷就沙缸，要先度清楚沙缸size，再去揀化氮同其他器材。如果係訂造，就係沙缸遷就器材，你可以先揀好各項器材o既牌子型號，再等舖頭同你砌啱位呢造。