皮革小知識

TimTim

皮革主要是屬Sarcophyton的軟珊瑚。大概可分成40多個品種。他們普遍都是頑強的珊瑚，可以通過切割快速增長。使他們在魚友間很容易分播。


腳

腳的大小通相對於花既數目而變化，愈多花腳愈粗。但有時，部份樣皮革可以生到好大都無腳。
另一方面，光都會影響腳既長度，唔夠光皮革腳會生長。


花同鬚

大花，細花，甚至無花得一點都有。花既大細係跟品種而定。養得好，大花可能會再大些，但一定唔會由無花變有花。
而鬚方面，都係睇品種。長短各有不同，亦各有各靚，唔一定要長鬚先好睇。大花短鬚，開得密密，亦非常可觀。
至於如何令長鬚更長，有不小外國魚友都表示同水流有關。大流會拉長鬚。可是要注意，太大水流會對皮革做成負面影響。


色

身最常見的是奶白至淺棕色，但也可以是綠色，粉紅色，或黃色。鬚通常同身一樣色，但也有部份品種是不同色。而花的顏色輕得多，可以是白色，青綠色，或很少見的淺藍色。通常花跟肉色對比愈大，看起來更有吸引力。
值得一提的是，黃金皮Sarcophyton elegans。這是一個獨特品種，主要產自Fiji同澳洲，由其特有的金黃色可認出（最右）。可是黃金皮比一般皮革難養，比較敏感以及對水質要求較高。


脫皮

皮革有時唔開，原因係因為脫緊皮。這是正常的行為，是一個消除生長在皮革表面的藻類的一個機制。該層表皮通常會在幾天後脫落。值得注意既係，甩出黎個層皮有時會跌落其他珊瑚度，造成刺激。所以，最好係佢甩出黎之後吸走佢。

皮革唔開？
針對有新手常問，點解新買皮革唔開。有以下建議：如果皮革長時間唔開花，你可以嘗試移位，到照明和/或水流不同的位置。雖然皮革可以受到強光，但如果它之前一直在相對低光既地方生長，一下轉變太大會令皮革受壓而唔開。要慢慢由暗位轉去強光，才能令皮革適應照明。同樣，水流大細卅吹既方向角度唔岩，都會令皮革唔開卅開唔大。所以你可以並嘗試不同的地點。根據經驗，中流通常合適，有亂流更好，吹正就唔多好。放岩位之後如非必要唔好換來換去。此外，使用含有鋁的PO4去除劑對皮革可能有負面影響。有些PO4去除劑會釋放鋁入水，如果濃度高，皮革會“被收皮”。注意注意。

寄生虫（多謝Chihim分享）
食皮螺，扁虫，槍蝦及食皮蟹
蝦蟹螺最麻煩，因為鑽左入皮裡面，dip都未必可以除去，分分鐘件皮溶左走埋都發現唔到。
食皮螺會由件皮腳最低開始食上去，開頭三兩個月無咩，慢慢食上去件皮會謝，之後爛。由外面觀察基本睇唔到傷口，隻螺體型好細，估計食左入左去之後，件皮自己埋口因此觀察唔到。
槍蝦就一樣係隻皮腳度挖隆，件皮可能無咩問題，但挖得太入，件皮都係會謝。拎件皮出來如果發現有d窿仔，9成係槍蝦作怪。可以用吸咀吹或者吸出來。
而食皮蟹會係皮革面的底部食，容易發現。
至於透明扁虫，可以用超高濃度碘殺死。或用dip藥水三倍分量，但泡既時間縮短。

皮革放毒？
無錯，皮革會放毒素入水，目的是殺死附近珊瑚爭取生長空間。皮革的毒素會令附近珊瑚生長變慢，甚至死亡，而且對sps角珊瑚傷害尤其為大。因此，可考慮使用活性碳，吸收水中有有機毒素，防止累積。
活性碳使用比例為1升水對1－2ml。使用時入袋，用清水洗幾次，直接放入沙缸即可。小弟用開fluval個隻，其他優質牌子也可。只是15蚊一大袋個d就最好唔好用，因為質素唔好吸收力差，加上含有較多雜質容易壞水。

男女有別？
係！估佢唔到，皮革其實有分男女… 就普通皮革而言，外觀分別在於size。男既通常只會生到4吋左右，而女既可以生到3尺！咁點分？其實細塊個時係無得分，完全睇唔出。因此只可以等佢生大左，到時先知。大定左都係4吋左右既，就係仔。而硬皮革及手指皮革也有分男女，只是男女差別未完全得知，有待研究。
雖然皮革有分男女，但其實他們也可進行無性繁殖，frag仔卅係腳位生粒皮仔出黎。

品種：

黃金皮Sarcophyton elegans

分布：印度洋及太平洋海域，市面上常見主要產自Fiji同澳州
水流：中到大流
光照：中到高光

常見的主要是黃色。此外也有綠及橙色種。此皮革摺疊位較明顯，花跟肉多為同一顏色。常見的多為大花短鬚。由於呢種皮革多數整件為同一色澤，因此有聽聞有賣家會將其染上鮮色再高價出售。雖然在香港此舉並不常見，但多加留意亦無壞。
另外，此種皮革對水質要求較高，新開缸卅新手宜多加考慮。

硬皮革Sinularia dura, Sinularia brassica, Lobophytum crassum

分布：印度洋、太平洋海域及紅海
水流：中流
光照：中光

以我所知，上面三個品種都係硬皮革，唔排除有更多品種。硬皮革外觀：皮上花數稀疏，花主要開在皮邊上，無鬚及跟肉為同色。常見的有綠及啡色，亦可以有紫、粉紅、奶白及橙色。硬皮革非常粗生，新手合養。
Sinularia dura長大後樣子好似一塊塊生菜葉，（好似上圖左右2張）。可以生得好密，一塊貼住一塊都得。


Sinularia brassica一樣，大花，花數稀疏，同主要開在皮邊上。只係長大後葉片捲下捲下咁生，可以生到成棵捲心菜咁。除此以外，都真係好似…


Lobophytum crassum，樣同上面兩隻又似，都係開花係皮邊上。只係長大後皮面較多摺疊，有小小似手指皮革咁樣，唔似Sinularia brassica同Sinularia dura咁中間平攤開。

簡單黎講… 上面3種都好似，比個幾吋frag仔我睇真係唔知係咩種…

圖片分享自advancedaquarist及網路

ricky1228

Thanks

G-force

先置頂後放入精華區

TimTim

w071215 發表於 2014-2-12 19:20
How about the temp.

22-27都ok

w071215

edlsang 發表於 2014-2-11 19:46
Tim Tim Ching 分享十分值得珍藏 及有用 ！

我又分享下先.......

How about the temp.

新手王

TimTim

machui 發表於 2014-2-12 18:25
他開但好似無力頂起隻腳

我之前有件新買番黎都係咁，放左去細流位，養番一排好態無咁軟，企得直，再慢慢放番上去大流d既位。雖然家下有時都係彎彎地不過ok既。最緊要唔好拉傷（見到腳根有d痕同離石）。仲開緊問題不大既。

米諾斯

machui 發表於 2014-2-12 18:25
他開但好似無力頂起隻腳

+1 我都有呢個問題

machui

TimTim 發表於 2014-2-12 18:01
小小摺is ok. 但如果唔開，隻腳有拉扯傷，最好換個唔好吹得太勁既位

他開但好似無力頂起隻腳

TimTim

machui 發表於 2014-2-12 17:13
可唔可以問下件皮成曰摺住隻腳、、、可以点

小小摺is ok. 但如果唔開，隻腳有拉扯傷，最好換個唔好吹得太勁既位

machui

可唔可以問下件皮成曰摺住隻腳、、、可以点

chihim

TimTim 發表於 2014-2-12 14:33
正，大師him分享
我呢d新手拋磚引玉ja，期待各位大師分享

又大師。。。 分享經驗炸。

死左唔少皮 發現的

TimTim

chihim 發表於 2014-2-12 14:05
專業display 缸 裡面有件超綠手指皮革 短腳 d 手指好像山甘

學名叫Lobophytum  fiji  都系獨有品種

正，大師him分享
我呢d新手拋磚引玉ja，期待各位大師分享

chihim

專業display 缸 裡面有件超綠手指皮革 短腳 d 手指好像山甘

學名叫Lobophytum  fiji  都系獨有品種

關於品種其實要研究都幾好玩，因為好多，形態 產地 都有別。。

不過我一直都唔敢講。。難得timtim ching 開post

edlsang

chihim 發表於 2014-2-12 12:17
皮革無啦啦爛， 可能有食皮螺，或者槍蝦系只腳到挖窿

還有可能系食皮蟹，或者一種透明 扁虫

Ching 真係高手分享 ！

chihim

TimTim 發表於 2014-2-12 13:40
等我加埋係第一版先。
我真係未見過長so黃金皮…

有ga， 皮同so 黃  花白色，我見過

皮d 形態太多，一樣學名 可以有比較大分別。。。

專業翻fiji 野米有出現過，d so 見眼少少地都有兩寸左右

不過我買翻來，唔開  過左一個月溶埋。。。。

TimTim

chihim 發表於 2014-2-12 12:21
還幫timtim ching 補充下Sarcophyton elegans

有鮮黃  橙黃  綠  紫綠  黃花 白花 綠花  還有長so 種

等我加埋係第一版先。
我真係未見過長so黃金皮…

chihim

還幫timtim ching 補充下Sarcophyton elegans

有鮮黃  橙黃  綠  紫綠  黃花 白花 綠花  還有長so 種

chihim

皮革無啦啦爛， 可能有食皮螺，或者槍蝦系只腳到挖窿

還有可能系食皮蟹，或者一種透明 扁虫

蝦蟹螺最麻煩，好像系dip 唔死。。因為鑽左入皮裡面。。。。分分鐘件皮溶左走埋都發現唔到

螺會系個皮腳最低開始食上去，開頭三兩個月無咩，慢慢食上去件皮會謝。。之後爛

但系外邊基本體唔到傷口。。發現個只螺開頭系好細好細，估計入左去之後 件皮自己埋口

槍蝦就一樣系只腳到挖隆，件皮可能無咩問題，但挖得太入，件皮都系會謝 羅件皮出來

如果發現有d 窿仔，9成系槍蝦作怪。。可以用吸吸 吹或者吸出來。

蟹會系皮革面的底部食，容易發現

透明扁虫 可以用超高濃度碘 殺死，dip藥水 三倍分量 但泡既時間縮短

ps 黃金皮 東加都有ga  澳洲果種系珊瑚海發現 好像同 南太有dd唔一樣形態

@wahwah@

，多謝數主皮革小知識