想自己diy 支led,但係有d野唔明,想請教一下大家!!

傻基

小弟想自己diy一支led用,因為買現成燈絕大部分都唔合自己要求,所以想學下自己diy一支~~
但係睇睇下發覺自己有d野唔明,所以想請大家指點一下!!!

首先我想整支燈分3行燈組,每行5粒燈,方式如下~~~

第一行:皇藍 450nm 3W->藍 465nm 3W->皇藍 450nm 3W->藍 465nm 3W->皇藍 450nm 3W


第二行:白 12000k 3W->紫 420nm 3W-> 白12000k 3W->紫 420nm 3W->白12000k 3W


第三行:皇藍 450nm 3W->藍 465nm 3W->皇藍 450nm 3W->藍 465nm 3W->皇藍 450nm 3W


咁我就想藍色同白色可以分開較光暗,問題就開始出現啦~~
1:我應該點配火牛??
2:我想用果d旋钮控制器泥手動交光暗,得唔得呢?
3:如果我要分開藍白二組燈,駁線果陣係唔係應該要第一同第三行串埋佢,第二行就自己獨立呢???


暫時想了解以上問題,請各位多多指教一下,thanks a lot~~~

yaris

如果你都是北區之友, 我可以幫你訂埋, 來上水自取.
日出日落模組都可以幫你駁好, 返去駁串好既燈珠就用得, 不過你自己整個箱放靚仔.

yaris

師兄, 可能你要的效果
http://item.taobao.com/item.htm? ... &id=36006688391

marcokong

如果未開始,還是買現成好
師兄果隻控制已是最易用,有時控,溫控,日出日落,不過都250人仔

傻基

多謝版大提供資料,不過對我呢d新手泥講真係攪唔掂,都係乖乖地買支燈算~~~

vsvs

淨開關來講,應該:
1:我應該點配火牛?? 每組開關用一隻恆牛
2:我想用果d旋钮控制器泥手動交光暗,得唔得呢? 唔得
3:如果我要分開藍白二組燈,駁線果陣係唔係應該要第一同第三行串埋佢,第二行就自己獨立呢??? 對

唔好唔記得加12v風扇,又要多一隻牛

留意一下:
3w白光行幾多A,因為420行750mA,如果白光行1A咁就會拉低,用唔盡3W,所以最好白光和420分開串

yaris

我用緊架

horseface

yaris 發表於 2015-1-25 18:18
師兄, 有個選擇可以比你考慮. 有個日出日落既模組, 可以比你SET. 行4組. 每組分16個時段. SET 好自動運行,  ...

ching 好似幾好喎 你有冇買個試下

傻基

先多謝師兄你熱心幫忙先,不過攪攪下始終覺得太煩,想轉返T5HO玩~~

yaris

我未試過手動調光就唔敢講喇, 始終我都係新手, 只識玩呢個模組.
師兄有需要就PM 我, 我可以幫你訂埋同駁. 你只需要駁好燈珠, 分好兩組同埋自己整個箱放好個模組就可以. 你分左組走線出黎, 返去駁入就用得, 方便簡單.

傻基

多謝師兄提供,但係用呢d好似仲複雜,跟本諗唔到應該要點連接~~~~(新手一名,好多野都唔識)
我睇過想要有調光效果就要有可調光電源再加一個調光器~~~
但係想要分開藍白獨立調光的話就要有二組,仲要分開二個220V插頭泥用,唔知係唔係咁樣呢???

yaris

師兄, 有個選擇可以比你考慮. 有個日出日落既模組, 可以比你SET. 行4組. 每組分16個時段. SET 好自動運行, 幾點開始, 幾點結束. 可以SET 由1% 遞增遞減去做光暗, 模擬日出日落個環境.
參考下, 幾好玩.
http://item.taobao.com/item.htm? ... &_u=p3o4h260589