白點rt缸檸檬酸銅使用報告

tonyma

試過兩次因為藍吊白點大爆發，d魚死剩雷達同石麒麟，今次落魚特別q左一個多月的藍吊，係q缸無事一落主缸又出事。
本來星期日出魚街想試下各位c兄講果支390$支白點藥，不過無開，買左支新野parazoryne,用左一日無料到d白點仲多左。上網搵下支野咩成分，用我有限公司的雞腸找答案原來鬼佬學我地玩草本成份，當堂對支野一d信心都無，都係試下用台灣大大的檸檬酸銅

tonyma

時間太耐了，唔係好記得，大約記得唔係好長時間，都係用一個好低劑量落多一次半次，心得係睇珊瑚頂唔頂得順，黎決定劑量輕重。
我都係keep往一個好低水平的劑量。
Rt缸有白點，用藥一定要早 ，因為有珊瑚唔可以用一個好重的劑量醫魚，要係白點爆發之前落藥。

荷蘭橙

tonyma 發表於 2016-9-18 18:19
最近太多野做，見好似無咩人反應，所以唔記得左更新。落左藥到依加3-4個月，珊瑚正常曬，d千手肥返，海葵， ...

可以講講最後落左幾多天藥 / 份量 .. ETC

tonyma

最近太多野做，見好似無咩人反應，所以唔記得左更新。落左藥到依加3-4個月，珊瑚正常曬，d千手肥返，海葵，寶石花，皮革都一d事都無，魚就到依加一次白點都無出過

荷蘭橙

想問最後結果

tonyma

因為手機壞左以以無更新，sor各位依加更新返
Day8
見到條藍吊擦鰓，所以早上0·25晚0.25
Day9早上補多0·25
可能因為唔記得開上水泵，無水經過水冷魚缸溫度熱過頭。加上珊瑚身體特別差。死左舊千手唔留意，可能咁污染左d水質。到依加藍吊白點我都未知係水質問題or白點問題。因為落左7 日藥所以溴決定停一停先 再睇下點
Day11
依加藍吊都係成身白,不過全部魚都搶口
過多幾日先決定再落路落藥

tonyma

day7
今日藍吊個身d白點少左一半，不過搞到條小丑都中招有幾點，立刻早上加大劑量用0.4  ppm繼續抗戰。依加希望用一個低銅離子水平減少白點爆發，希望靠魚自己抵抗力ko白點。因為今日放假用，係屋企慢慢睇往
住下藥，發覺0.25至0.3慢慢滴珊瑚都無咩事，不過拉上0.5以上就開始縮，今晚下多0.3再睇下停唔停藥先

tonyma

day6
今早起身又補多0.25ppm，放工返來
嘩，條藍吊成身白點多到數唔到，但奇怪活動能力又高左，搶食又快左令到我q爆頭，之前d藍吊有白點幾日就收口，之後活動能力下降，之後升天。依加用左藥野照食水照游，到底係咩原因呢。藍吊成身白點but缸中兩條小丑又無咩事，一條下左缸一個月，一條得幾日，又無咩事。決定晚上補多0.25ppm再睇下點

Sungyusan

白点一定系銅

tonyma

day5
因為停藥，d珊瑚靚返少少，只係皮革都係唔開。
不過唔知係唔係停藥關係，藍吊突然身上又有幾粒白點。所以夜晚加多0.3ppm

tonyma

day4
可能因為換水2成，之後手賤加重左劑量去到0.5ppm
奶咀縮左少少，其他珊瑚都係咁上下
藍吊白點無曬，所以今晚決定停藥。睇下好返or復發先決定再下唔下藥

tonyma

day3
返到屋企，藍吊身上白點十幾點變兩三點，吃野仲識搶其他魚。珊瑚方面，用藥劑量減少，珊瑚狀況好轉，奶咀奶返，寶石花開返，千手無咁縮，係皮革唔開。
依加個缸情況keep住向好，所以晚上都係以0.125ppm晚上keep住下藥

tonyma

day2
剛剛放工返來報告
依加珊瑚暫時全部無事，係皮革唔開，同千手縮曬，其他就開得唔靚。
藍吊d白點都係十幾粒，下銅藥好似要等三日等佢個生命週期完結先知成效，不過暫時全部魚魚無事，放工餵粒糧好都好搶口
今晚吃完飯換水3份一，再滴建議劑量3份一，明天再睇情況

tonyma

我係筲箕灣東大街一間化工材料買的，檸檬酸+硫酸銅溝

Rexp

tonyma 發表於 2016-4-25 19:18
剛剛目測藍吊出現刷身情況，身上白點大約有十幾粒，依加滴多建議劑量4份一，再睇下明天點兩條小丑， ...

師兄，檸檬酸銅係邊度買？定自己溝？

tonyma

剛剛目測藍吊出現刷身情況，身上白點大約有十幾粒，依加滴多建議劑量4份一，再睇下明天點兩條小丑，雷達一點白點都無

Terry

如果rt落銅都無事，我缸fot都放D軟野玩下先😂😂😂

tonyma

fot重手d都唔怕，用d毒d既藥都得

荷蘭橙

小弟都研究過，但只係FOT試過，仲要錯份量

tonyma

今日特別射波唔返工，留意用藥反應。
day1
我用建議劑量3份一，加左500cc水開稀d藥打點滴慢慢滴，滴左兩個幾鐘，依加d魚無事，食慾好好，珊瑚千手無事，皮革縮，奶咀變左少半個波咁，草皮無事，火柴無事，紐扣無事，寶石花縮