新手開缸記錄

hkueric

小弟由乜都唔識開始挑戰難度玩RT，有興趣睇下我點開缸同反缸既可以追post，係呢度學到好多野，要多謝一班師兄好熱心咁答我超多問題，尤其是幫我好多手既Simon、仲有河馬仔、肥鵬、Terry，有數漏唔好介意，多謝你地幫我達成兒時想養小丑魚既夢想。暫時無乜野睇，得個泵、化氮、二手豆豆機，燈同水冷機未買，剛剛check 左鹽，1.022，應該達標呵？

hkueric

小魚毛 發表於 2016-10-21 14:34
Ching，唔係想針對魚街啲地舖，不過成條魚街，有幾多間舖頭有養珊瑚？有幾多間舖頭啲缸keep到 ...

謝謝教導

小魚毛

hkueric 發表於 2016-10-21 00:00
10月20日，件火柴終於捨得掉，收得太細，都係溶之前掉定先，免得壞水。

玩魚玩珊瑚的確係奢侈玩意，但係不停咁死嘢買嘢，呢啲就係冤枉錢，珍惜生命，留翻啲錢呢upgrade器材更實際。

小魚毛

hkueric 發表於 2016-10-20 23:56
還未夠，打算每一至兩星期出一次魚街，唔買都學下野，有間舖個太子爺都幾肯教我野，仲有其實我仲想加D珊瑚 ...

Ching，唔係想針對魚街啲地舖，不過成條魚街，有幾多間舖頭有養珊瑚？有幾多間舖頭啲缸keep到珊瑚？又有幾多間舖頭啲展視缸o既珊瑚keep得好？Keep好啲珊瑚要好多心機、時間、器材，地舖好多時都唔會花呢成本，佢地寧願keep唔到就掉，反正大把貨喺度！半生不死咁擺喺度咪即係趕客！

所以我自己好懷疑，即使有賣珊瑚o既舖頭，唔等於佢識得點樣養好啲珊瑚。同賣魚一樣，魚街好多地舖都係想啲客不停咁幫襯，要不停咁有生意做，最好就係啲客不停咁死魚死珊瑚，然後不停咁再買⋯⋯Sales信得過，客仔有排錯。我唔係叫你同魚街啲Sales絕交，出魚街吸毒無可厚非，不過啲毒販只會想你毒引加深，幾時會關心你苛包健康？


抱住學嘢o既心態係啱，不過接收資訊切忌太過單一。網絡討論區高手雲集，雖然好多Ching鍾意亂o翕亂吹當秘笈，不過你仍然可以搵到好多有用o既資料。再唔係你可以睇睇啲外國網站，佢地啲討論氣氛比較認真，資訊又多又新，一定可靠好多。當然，最終都係嗰句：問多啲、睇多啲，一定無蝕底。

hkueric

10月20日，件火柴終於捨得掉，收得太細，都係溶之前掉定先，免得壞水。

hkueric

benny033 發表於 2016-10-10 15:38
師兄，好野，不過見意你唔好去咁多魚街，好毒架……

還未夠，打算每一至兩星期出一次魚街，唔買都學下野，有間舖個太子爺都幾肯教我野，仲有其實我仲想加D珊瑚或葵添。

benny033

師兄，好野，不過見意你唔好去咁多魚街，好毒架……

hkueric

10月8日，出魚街買clean M，多手又入左個棵海柳同白色星花草皮

hkueric

結果係度爬文揾度呢隻野，希望幫到手啦

hkueric

10月4日
條巴士瓜咗，唔想再買呢款魚啦，個樣又唔靚又易死

terlau104

hkueric

10月2日發覺個缸好多啡苔，特登入一條巴士睇睇幫唔幫到手，跟手又入左一塊日本草皮，可能水質開始穩定，放落去兩粒鐘已經全部開晒，先前果件起碼三四日先出晒。


一路返黎都係橫衝直撞既巴士



一個五蚊大多小小既日本草皮

hkueric

9月23日
見得返一條MO仔悶悶不樂，去魚街掃左一件長鬚海葵同兩條小丑陪下佢。

hkueric

橙黃色收鯺果條三日就瓜咗，得返橙紅色一條

hkueric

今日一時睇唔開，入左兩件珊瑚，兩隻蝦，兩條小丑

hkueric

9月16日，草皮已差不多全部開晒

hkueric

9月13日，魚仔終於肯食糧，多得有魚友提我熄咗個造浪先餵食，佢兩個仲驚住塊魚糧會反擊佢，小心翼翼咁啄食

hkueric

9月12日買左草皮，一入缸發現全部縮埋，三日後出左少少

hkueric

同日check 過N02 及NO3 全部零

hkueric

9月11日都係決定駁返水冷機，跟手入左兩條黃肚魔